బేకరీలో భారీ అగ్ని ప్రమాదం: నిద్రలోనే ఆరుగురు సజీవదహనం

మహారాష్ట్ర రాష్ట్రంలోని పుణె నగరంలోని ఓ బేకరీలో శుక్రవారం తెల్లవారుజామున భారీ అగ్నిప్రమాదం సంభవించింది.

పుణె: మహారాష్ట్ర రాష్ట్రంలోని పుణె నగరంలోని ఓ బేకరీలో శుక్రవారం తెల్లవారుజామున భారీ అగ్నిప్రమాదం సంభవించింది. ఈ ఘటనలో ఆరుగురు సజీవ దహనమయ్యారు. నగరంలోని కోంథ్వా ఖుర్ద్‌ ప్రాంతంలోని తలాబ్‌ కంపెనీ సమీపంలో గల బేక్స్‌ అండ్‌ కేక్స్‌లో ఈ ప్రమాదం చోటు చేసుకుంది.

ప్రమాద సమయంలో బేకరీలో పనిచేస్తున్న ఆరుగురు సిబ్బంది నిద్రలో ఉన్నారు. మంటలు వేగంగా వ్యాపించడంతో వారంతా అక్కడికక్కడే సజీవదహనమయ్యారు. అగ్నిప్రమాదానికి గల కారణాలు పూర్తిగా తెలియరాలేదు.

షార్ట్‌సర్య్కూట్‌ వల్ల ఈ ప్రమాదం సంభవించి ఉండొచ్చని పోలీసులు భావిస్తున్నారు. సమాచారం అందుకున్న అగ్నిమాపక సిబ్బంది హుటాహుటిన అక్కడికి చేరుకుని మంటలను అదుపులోకి తెచ్చారు.

English summary

Six people were killed after a fire broke out at 'Bakes and Cakes' bakery in Maharashtra's Pune early morning on Friday.