రాయగడ్ తీరానికి ఏకే-47లతో బోటు: ఆస్ట్రేలియాకు చెందిన మహిళదే, రంగంలోకి ఎన్ఐఏ

ముంబై: మహారాష్ట్రలోని రాయగడ తీరంలో ఆయుధాలతో లభించిన ఓ పడవ కలకలం సృష్టించింది. ఆ బోటులో మూడు ఏకే-47 రైఫిల్స్ లభ్యమయ్యాయి. దీంతో ఆ ప్రాంతం మొత్తం పోలీసులు హై అలర్ట్ ప్రకటించారు. అయితే, దర్యాప్తులో కీలక విషయాలు వెల్లడయ్యాయి.

లేడీహాన్ అనే పడవ ఆస్ట్రేలియా పౌరురాలు హానా లార్డోర్గాన్ అనే మహిళకు చెందినదని పోలీసులు తేల్చారు. దీంతో ఎలాంటి సెక్యూరిటీ థ్రెట్ లేదని స్పష్టం చేశారు పోలీసులు. మరోవైపు, రాయగడ్ తీరంలో లభించిన ఆ బోటు వద్దకు ఎన్ఐఏ బృందం బయల్దేరింది.

ఒమన్ కోస్ట్ సమీపంలో ఈ ఏడాది జూన్ నెలలో ఈ బోటులోని సిబ్బందిని రక్షించినట్లు అధికారులు తెలిపారు. ఆయుధాల విక్రయదారును సంప్రదించగా.. మిస్సైనట్లు చెప్పిన ఆయుధాలు ఈ పడవలో ఉన్నాయని తేలింది.

అదే సమయంలో మరో బోటు కూడా భరన్ ఖోల్ కినారా వద్ద లభించింది. దీనిలో పలు పలు డాక్యుమెంట్లు లభించాయి. రెండో బోటులు ఎవరూ కూడా లేరు.

ఆయుధాల బోటుకు సంబంధించిన పూర్తి వివరాలు:

మహారాష్ట్ర హోంమంత్రిత్వ శాఖ ప్రకారం.. జేమ్స్ హోబర్ట్ మాట్లాడుతూ.. మస్కట్ నుంచి ఈ బోటు యూరోప్ వెళుతోంది. జూన్ 26న ఉదయం 10 గంటలకు ఇంజిన్ ఫెయిలైంది. దీంతో ఒంటిగంట ప్రాంతంలో సెయిలర్లు సాయం కోసం సంప్రదింపులు జరిపారు. ఓ కొరియన్ వార్‌షిప్.. పడవలోని సిబ్బందిని కాపాడింది. బోటును ఒమన్ కు అప్పగించింది.

రాయగడ్ తీరంలో లభించిన బోటు ఆస్ట్రేలియాకు చెందిన మహిళది. ఈ ఘటనపై సెంట్రల్ ఏజెన్సీలతోపాటు మహారాష్ట్ర పోలీసులు కూడా దర్యాప్తు జరుపుతున్నారని డిప్యూటీ సీఎం దేవేంద్ర ఫడ్నవీస్ తెలిపారు. త

సముద్రం కొంత అలజడిగా ఉండటంతో బోటును లాగలేకపోయారు. ప్రస్తుతం ఆ బోటు హరిహరేశ్వర్ తీరంలో ఉందని పోలీసులు తెలిపారు. ఈ బోటు వ్యవహారంపై సమగ్ర దర్యాప్తు చేస్తున్నట్లు పోలీసులు వెల్లడించారు.

English summary

MH: Boat With Weapons Found Off Raigad Coast Belongs To Australian Woman, No Security Threat.