కొత్త రూ.500, 2000 నోట్లకు ఎప్పుడు ఆమోదం లభించిందంటే..?
పెద్ద నోట్ల రద్దు అనంతరం చలామణిలోకి వచ్చిన కొత్త రూ. 500, 2000 నోట్ల డిజైన్పై భారత రిజర్వు బ్యాంక్ వివరణ ఇచ్చింది.
న్యూఢిల్లీ: పెద్ద నోట్ల రద్దు అనంతరం చలామణిలోకి వచ్చిన కొత్త రూ. 500, 2000 నోట్ల డిజైన్పై భారత రిజర్వు బ్యాంక్ వివరణ ఇచ్చింది. సమాచారం హక్కు చట్టం ద్వారా జితేంద్ర ఘడ్డే అని వ్యక్తి ఈ మేరకు సమాచారం కోరగా.. గత సంవత్సరం మే నెలలోనే ఈ కొత్త నోట్లకు ఆమోదం తెలిపినట్లు ఆర్బీఐ తెలిపింది.
ఈ కొత్త నోట్ల డిజైన్ను గత మే 19న ఆర్బీఐ సెంట్రల్ బోర్డ్ సమావేశంలో అనుమతితోపాటు ఆమోదం లభించిందని ఆర్బీఐ సెంట్రల్ పబ్లిక్ ఇన్ఫర్మేషన్ అధికారి ఒకరు తెలిపారు. అయితే, ఈ డిజైన్ ను ఆమోదించిన ఆర్బీఐ గవర్నర్ పేరు వెల్లడించేందుకు మాత్రం నిరాకరించారు.
పారదర్శకత చట్టంలోని 8(1)(ఎ) సెక్షన్ ప్రకారం ఈ వివరాలు ఇవ్వలేమని ఆయన తెలిపారు. డిజైన్ ఆమోదంపై ఖచ్చితమైన తేదీ కావాలంటూ జితేందర్ ఆర్బీఐ ద్వారా ప్రశ్నించారు. ఈ అంశంలో కేంద్ర బ్యాంక్ మొదటి సమావేశం, ఎజెండా, డిజైన్ ఆమోదం, ప్రింటింగ్ కొరకు ఆదేశాలు తదితర అంశాలపై ఖచ్చితమైన సమాచారం కావాలని ఆయన కోరారు.