ఇద్దరు అమ్మాయిలు పారిపోయి పెళ్లి చేసుకున్నారు

పాట్నా: బీహార్ రాజధాని పాట్నాలో ఇద్దరు అమ్మాయిలు తమ తమ ఇళ్ల నుంచి పారిపోయి వివాహం చేసుకున్నారు. ఒకే లింగానికి చెందిన ఇద్దరు వివాహం చేసుకోవడం బహుశా రాష్ట్రంలో ఇదే మొదటిసారి కావచ్చు. ఓ అమ్మాయికి చెందిన కుటుంబ సభ్యులు మరో అమ్మాయి కుటుంబ సభ్యులపై ఫిర్యాదు చేశారు.

దాంతో పోలీసులు వారి కోసం వేట ప్రారంభించారు. ఇద్దరు అమ్మాయిలు కూడా పెళ్లి చేసుకున్న తర్వాత బీహార్‌లోని రోహతాస్ జిల్లాలో గల సాసారాంలోని ఓ హోటల్లో బస చేశారు. అక్కడ పోలీసులు వారిని గుర్తించి పట్టుకున్నారు.

మొబైల్ ఫోన్ లోకేషన్ ద్వారా వారిని పోలీసులు పట్టుకున్నారు. వారిని పాట్నాలోని కోర్టులో హాజరు పరిచారు. వారిద్దరు అక్టోబర్ 4వ తేదీన పారిపోయారు. సాసారాంలోని ఓ దేవాలయంలో ఇరువురు వివాహం చేసుకున్నారు.

అమ్మాయిలు ఇద్దురు కూడా బాల్య స్నేహితులు. కలిసి చదువుకున్నారు. దాంతో వారిద్దరి మధ్య సాన్నిహిత్యం పెరిగింది. ఈ అమ్మాయిల ఉదంతాన్ని పోలీసులు సోమవారంనాడు వెల్లడించారు.

English summary

In probably the first case of same sex marriage in Bihar, two girls ran away from their homes in Patna to get married to each other, a police official said on Monday.