అవును ముగ్గురితో అఫైర్...! బిల్ గేట్స్ సంచలనం-ఎప్ స్టీన్ బ్లాక్ మెయిల్ పైనా..!
మైక్రోసాఫ్ట్ సహ వ్యవస్థాపకుడు బిల్ గేట్స్ (Bill Gates) వ్యక్తిగత జీవితానికి సంబంధించిన సంచలన విషయాలు వెలుగులోకి వచ్చాయి. అమెరికా ప్రతినిధుల సభకు చెందిన ఓవర్సైట్ కమిటీ ముందు హాజరైన ఆయన, దివంగత లైంగిక నేరస్థుడు జెఫ్రీ ఎప్స్టీన్ తనను బ్లాక్మెయిల్ చేయడానికి ప్రయత్నించాడని ఆరోపించారు. జూన్ 10న జరిగిన ఒక రహస్య విచారణలో గేట్స్ స్వచ్ఛందంగా ఈ సాక్ష్యాన్ని సమర్పించగా, దానికి సంబంధించిన వివరాలు తాజాగా అధికారికంగా వెల్లడయ్యాయి.
ముగ్గురితో బిల్ గేట్స్ అక్రమ సంబంధం
ఈ విచారణ సందర్భంగా బిల్ గేట్స్ ముగ్గురు మహిళలతో తనకు ఉన్న వివాహేతర సంబంధాల గురించి కమిటీ ముందు అంగీకరించారు. రష్యన్ బ్రిడ్జ్ ప్లేయర్ మిలా ఆంటోనోవా, అణు భౌతిక శాస్త్రవేత్త కరిమా నిగ్మతులీనా, మరియు మెడికల్ ఎంటర్ప్రెన్యూర్ అలీస్ జాకబ్స్ నెస్సెల్రోడ్లతో ఏర్పడిన సంబంధాల గురించి జెఫ్రీ ఎప్స్టీన్కు తెలుసని ఆయన పేర్కొన్నారు. ఈ వ్యక్తిగత వివరాలను ఆసరాగా చేసుకుని తనపై ఒత్తిడి తెచ్చేందుకు ఎప్స్టీన్ ప్రయత్నించాడని వివరించారు.
ఎప్ స్టీన్ తో బిల్ గేట్స్ బంధం
తనకు ఉన్న వివాహేతర సంబంధాలను ఆసరాగా చేసుకుని, తనతో తిరిగి బంధాన్ని పునరుద్ధరించుకోవాలని ఎప్స్టీన్ భావించినట్లు బిల్ గేట్స్ తెలిపారు. ఎప్స్టీన్ రాసిన ఈమెయిల్ డ్రాఫ్టులను పరిశీలిస్తే, తనను బ్లాక్మెయిల్ చేయడానికి ప్లాన్ చేసినట్లు స్పష్టంగా అర్థమవుతోందని గేట్స్ కమిటీకి వివరించారు. వ్యక్తిగత సంబంధాలను సత్యాలు మరియు అసత్యాలతో మిళితం చేసి ప్రయోజనం పొందాలని ఎప్స్టీన్ చూశాడని పేర్కొన్నారు. ఈ పరిణామాలు తన కుటుంబానికి ఎంతో మానసిక వేదనను మిగిల్చాయని ఆవేదన వ్యక్తం చేశారు.
బిల్ గేట్స్ చేసిన తప్పిదం
జెఫ్రీ ఎప్స్టీన్తో తనకు ఉన్న పరిచయంపై స్పందిస్తూ, లైంగిక నేరాల్లో ఎప్స్టీన్ దోషిగా తేలిన తర్వాత కూడా అతడిని కలవడం తానే చేసిన అతిపెద్ద పొరపాటని గేట్స్ అంగీకరించారు. విరాళాల సేకరణ కోసమే తాను ఎప్స్టీన్తో దాదాపు 12 నుండి 14 సార్లు భేటీ అయినట్లు పేర్కొన్నారు. అయితే తాము ఆశించిన నిధుల సేకరణ ఎప్పుడూ కార్యరూపం దాల్చలేదని కమిటీకి స్పష్టం చేశారు.ఇదే సమయంలో, గేట్స్కు లైంగికంగా సంక్రమించే వ్యాధులు (STD) ఉన్నాయన్న ఆరోపణలను ఆయన తీవ్రంగా ఖండించారు. తనకు ఎటువంటి ఎస్టీడీ వ్యాధులు లేవని, అలాగే ఎవరికీ రహస్యంగా మందులను సరఫరా చేయలేదని తేల్చి చెప్పారు. తనకు నమ్మకస్తుడైన వ్యక్తి బోరిస్ నికోలిచ్తో ఈ విషయాల గురించి మాట్లాడి ఉండవచ్చని మాత్రమే ఆయన తెలిపారు.
గేట్స్ ఫౌండేషన్ సమీక్ష
ఈ తాజా పరిణామాల నేపథ్యంలో, బిల్ అండ్ మెలిండా గేట్స్ ఫౌండేషన్ కూడా అప్రమత్తమైంది. ఎప్స్టీన్తో తమ పూర్వ లావాదేవీలపై ఫౌండేషన్ ఇప్పటికే ఒక లోతైన బాహ్య సమీక్షను ప్రారంభించింది. ఈ వివాదంపై గేట్స్ స్పందిస్తూ, తన నిర్ణయాలకు తనే బాధ్యత వహిస్తానని గతంలోనే తన సంస్థ ఉద్యోగులతో జరిగిన ఒక సమావేశంలో ప్రకటించారు.
Click it and Unblock the Notifications
Sign in with Google