ఇరాన్పై దాడి తప్పలేదు.. జీ7 వేదికగా ట్రంప్ సంచలనం!
అమెరికా, ఇరాన్ దేశాల మధ్య సుదీర్ఘకాలంగా కొనసాగుతున్న ఉద్రిక్తతలకు ఎట్టకేలకు తెరపడింది. గత వారం అమెరికా జరిపిన సైనిక చర్య, ఆ తర్వాత వేగంగా మారిన దౌత్యపరమైన చర్చలు ప్రపంచవ్యాప్తంగా తీవ్ర చర్చనీయాంశంగా మారాయి. ఈ క్రమంలో అమెరికా అధ్యక్షుడు డొనాల్డ్ ట్రంప్ ఇరాన్తో కుదిరిన కొత్త ఒప్పందంపై సంచలన కామెంట్స్ చేశారు. గత వారం ఇరాన్పై దాడి చేయడం తన ఓ బలహీనత లేదా వ్యూహాత్మక అవసరమని.. అది తప్ప తనకు మరో ప్రత్యామ్నాయం లేకపోయిందని ట్రంప్ స్పష్టం చేశారు. అయితే ప్రస్తుతం ఇరు దేశాల మధ్య కుదిరిన ఒప్పందం ఎంతో పారదర్శకంగా, ఇరుపక్షాలకు ప్రయోజనకరంగా ఉందని.. దీని వల్ల మధ్యప్రాచ్యంలో శాంతి, స్థిరత్వం ఏర్పడుతుందని డొనాల్డ్ ట్రంప్ ఆశాభావం వ్యక్తం చేశారు.
ఫ్రాన్స్లో జరుగుతున్న జీ7 శిఖరాగ్ర సదస్సులో పాల్గొన్న డొనాల్డ్ ట్రంప్.. అమెరికా-ఇరాన్ దేశాల మధ్య కొత్త ఒప్పందంపై అధికారికంగా సంతకాలు పూర్తయ్యాయని వెల్లడించారు. ఈ హిస్టారికల్ డీల్ ఖచ్చితంగా విజయవంతం అవుతుందని.. రాబోయే రోజుల్లో జరగబోయే తదుపరి దశ చర్చలు మరింత సులభతరం అవుతాయని ఆయన పేర్కొన్నారు. తాము తీసుకున్న ఈ మొదటి అడుగు భవిష్యత్తు ప్రక్రియను సుగమ చేస్తుందని ట్రంప్ వివరించారు. అంతేకాకుండా అంతర్జాతీయ వాణిజ్యానికి, ప్రపంచ చమురు సరఫరాకు అత్యంత కీలకమైన హోర్ముజ్ జలసంధి ఈ శుక్రవారం నాటికి పూర్తిగా తెరుచుకుంటుందని.. దీనివల్ల వ్యాపార లావాదేవీలు యథాతథంగా సాగుతాయని ట్రంప్ వెల్లడించారు. ఇదే సమయంలో ఇరాన్ లో అమెరికా ఎలాంటి పెట్టుబడులు పెట్టబోదని స్పష్టం చేశారు. వస్తున్న వార్తలన్నీ పుకార్లేనని కొట్టిపారేశారు.
నిజానికి గత వారం ఇరాన్ పై దాడి చేయడం తనకు ఇష్టం లేదని.. కానీ పరిస్థితుల ప్రభావం వల్ల ఆ నిర్ణయం తీసుకోక తప్పలేదని ట్రంప్ పేర్కొన్నారు. అయినప్పటికీ ఆ దాడి తర్వాత ఏర్పడిన వ్యూహాత్మక పరిస్థితులు, దౌత్యపరమైన ఒప్పందాలు ఉద్రిక్తతలను తగ్గించడంలో ఎంతగానో సహాయపడ్డాయని ఆయన అభిప్రాయపడ్డారు. ఈ నేపథ్యంలో అమెరికా-ఇరాన్ ఒప్పందానికి సరిగ్గా రెండు గంటల ముందు ఇజ్రాయెల్ దేశం బేరూత్పై జరిపిన వైమానిక దాడిని డొనాల్డ్ ట్రంప్ తీవ్రంగా తప్పుపట్టారు.
President Donald Trump, in France for the G7 summit, says the Strait of Hormuz will be “completely open” by Friday. Trump says he “felt badly that we had to go back on the attack for two nights,” but that Iran “fully agreed” to not have a nuclear weapon.
— NewsNation (@NewsNation) June 15, 2026
More:… pic.twitter.com/zMJtFBFoX1
ఈ ఒప్పందంపై సంతకాలకు కొన్ని నిమిషాల ముందు ఇజ్రాయెల్ చేసిన ఈ దాడి అనవసరమైనదని.. దీనిపై తన అసంతృప్తిని, ఆగ్రహాన్ని ఇజ్రాయెల్ ప్రభుత్వానికి నేరు తెలియజేశానని ట్రంప్ తెలిపారు. అమెరికా అధ్యక్షుడి నుంచి వచ్చిన ఈ తాజా ప్రకటనలు పశ్చిమ ఆసియాలో మారుతున్న అమెరికా వ్యూహాత్మక వైఖరికి అద్ధం పడుతున్నాయని అంతర్జాతీయ రాజకీయ విశ్లేషకులు భావిస్తున్నారు. మరోవైపు మధ్యప్రాచ్యంలో శాంతి స్థాపనకు ఈ ఒప్పందం ఎంతో సానుకూలమైన పరిణామమని ఖతార్ దేశం కూడా ప్రశంసించింది.
Click it and Unblock the Notifications
Sign in with Google