Donald Trump: మరో బాంబుపేల్చిన ట్రంప్.. భారత్-పాక్ సీజ్ ఫైర్ వెనుక?

భారత్-పాకిస్తాన్ (india Pakistan)మధ్య ఆపరేషన్ సింధూర్ వార్ జరుగుతున్నప్పుడు మధ్యలో తలదూర్చిన అమెరికా అధ్యక్షుడు డొనాల్డ్ ట్రంప్ (donald trump) కాల్పుల విరమణకు ఇరుదేశాల్ని తానే ఒప్పించినట్లు చెప్పుకున్నారు. అయితే ఆ వాదనను తోసిపుచ్చిన భారత్.. పాకిస్తాన్ అడిగితేనే నేరుగా తామే కాల్పుల విరమణకు అంగీకరించినట్లు పలుమార్లు చెప్పుకుంది. అయితే ఆ తర్వాత కూడా భారత్-పాక్ వార్ ఆపింది తానేనంటూ చెబుతూ వస్తున్న ట్రంప్.. ఇవాళ మరింత డోస్ పెంచి ఇంకో బాంబు పేల్చారు.

గతేడాది భారత్-పాక్ మధ్య సాగిన వార్ ను తానే మధ్యవర్తిత్వం వహించి ఆపానని ట్రంప్ మరోసారి చెప్పుకున్నారు. రెండు అణ్వాయుధాలు కలిగిన దేశాల మధ్య యుద్దాన్ని తాను 200 శాతం సుంకాల బెదిరింపుతో ఆపినట్లు వెల్లడించారు. అలాగే ఈ వార్ లో 11 యుద్ద విమానాలు నేలకూలినట్లు మరోసారి వెల్లడించారు. అమెరికాలో జరుగుతున్న గాజా శాంతి బోర్డు సమావేశంలో ట్రంప్ ఈ విషయాలు బయటపెట్టారు. అయితే ఈ అంశాల్ని భారత్ ఎప్పటి నుంచో ఖండిస్తూనే ఉంది. అయినా ట్రంప్ వెనక్కి తగ్గడం లేదు.

#WATCH | At the Board of Peace Event, US President Donald Trump says, "...He (Pakistani PM) said in front of our Chief of Staff that President Trump saved 25 million lives when he stopped the war between us and India...That war was raging. Planes were being shot down. And I got… pic.twitter.com/pm5eT7xjz3

— ANI (@ANI) February 19, 2026

తమ త్రివిధ దళాధిపతి ముందు పాకిస్తాన్ ప్రధాని మాట్లాడుతూ.. ట్రంప్ మనకు, భారత్ కూ మధ్య యుద్ధాన్ని ఆపి 25 మిలియన్ల ప్రాణాలను కాపాడారని చెప్పారని అమెరికా అధ్యక్షుడు చెప్పుకొచ్చారు. ఆ యుద్ధం ఉధృతంగా సాగుతోందని, విమానాలు కూలిపోతున్నాయని, తాను వారిద్దరికీ ఫోన్ చేసానని, వినండి, మీరు దీన్ని పరిష్కరించుకోకపోతే నేను మీ ఇద్దరితో వాణిజ్య ఒప్పందాలు చేసుకోవడం లేదని చెప్పేశానన్నారు. దీంతో వారు వెనక్కి తగ్గారన్నారు. ఈ సందర్భంగా భారత్-పాక్ లకు ట్రంప్ మరోసారి థ్యాంక్స్ చెప్పారు.