US Education హిందువులే టాప్.. సంచలన నిజాలు

అమెరికాలో ఎవరు బాగా చదువుకుంటున్నారు? అసలు మతానికి, చదువుకి ఏమైనా సంబంధం ఉంటుందా? ఇలాంటి ప్రశ్నలకు సమాధానం వెతికితే ఒక మైండ్ బ్లోయింగ్ రిపోర్ట్ బయటపడింది. ప్యూ రీసెర్చ్ సెంటర్ (Pew Research Center) సుమారు 36 వేల మందికి పైగా వయోజనుల డేటాను విశ్లేషించి ఇచ్చిన తాజా రిపోర్ట్ ప్రకారం.. అమెరికాలో ఉన్నత విద్య (Higher Education) సాధించడంలో హిందువులు, యూదులు టాప్ గేర్‌లో దూసుకుపోతున్నారు. ఇది కేవలం నంబర్ల గేమ్ మాత్రమే కాదు, అమెరికన్ సొసైటీలో ఉన్న ఎడ్యుకేషన్ గ్యాప్స్‌ని కూడా క్లియర్ కట్‌గా చూపిస్తోంది.

ఈ స్టడీలో అసలు సిసలు హైలైట్ ఏంటంటే.. ప్రతి 10 మంది హిందువులలో ఏడుగురు (70%) కాలేజీ డిగ్రీ లేదా అంతకంటే ఎక్కువ చదువుకున్నవారే. యూదుల్లో ఈ శాతం 65%గా ఉంది. షాకింగ్ విషయం ఏంటంటే, మొత్తం అమెరికన్ల సగటు కేవలం 35% మాత్రమే. అంటే, జాతీయ సగటుతో పోలిస్తే హిందువులు, యూదులు రెండింతలు ఎక్కువగా చదువుకుని సత్తా చాటుతున్నారు. ఇది వారి ఫ్యామిలీ బ్యాక్‌గ్రౌండ్, వలస వచ్చిన హిస్టరీ మరియు చదువుకి ఇచ్చే వాల్యూని రిఫ్లెక్ట్ చేస్తోంది.

ఇక్కడ ట్విస్ట్ ఏంటంటే..

ఇక క్రైస్తవ మతంలోని విభిన్న విభాగాలను చూస్తే సీన్ వేరేలా ఉంది. ఎవాంజెలికల్ ప్రొటెస్టెంట్లలో 29%, నల్లజాతి ప్రొటెస్టెంట్లలో కేవలం 24% మంది మాత్రమే డిగ్రీ పూర్తి చేశారు. ఇక్కడ ట్విస్ట్ ఏంటంటే.. ఒకే మతంలో ఉన్నా విద్యా స్థాయిల్లో చాలా వ్యత్యాసాలు ఉన్నాయి. ఉదాహరణకు, ఎపిస్కోపల్ చర్చ్ సభ్యులలో 67% మంది గ్రాడ్యుయేట్లు ఉంటే, అమెరికన్ బాప్టిస్ట్ చర్చ్‌లలో కేవలం 13% మంది మాత్రమే డిగ్రీ హోల్డర్లు ఉన్నారు. అంటే మనం ఏ చర్చికి వెళ్తున్నాం అనే దాన్ని బట్టి కూడా అక్కడ ఎడ్యుకేషన్ ఎకోసిస్టమ్ మారిపోతోంది.

విద్యావకాశాల అసమానతలు..

క్యాథలిక్కుల పరిస్థితి చూస్తే వారు 35% గ్రాడ్యుయేషన్ రేటుతో నేషనల్ యావరేజ్ దగ్గరే ఉన్నారు. కానీ ఇక్కడ జాతి (Race) ఫ్యాక్టర్ భీభత్సంగా పనిచేస్తోంది. ఆసియా ఖండం నుంచి వెళ్ళిన క్యాథలిక్కులు 53% మంది చదువుకుంటే, హిస్పానిక్ క్యాథలిక్కులలో ఆ సంఖ్య కేవలం 20% దగ్గరే ఆగిపోయింది. దీని వెనుక సోషల్, ఎకనామిక్ కారణాలతో పాటు వారికి అందుతున్న విద్యావకాశాల అసమానతలు కూడా క్లియర్ గా కనిపిస్తున్నాయి.

అమెరికాలో చదువు..

మరి అస్సలు మతం వద్దు బాబోయ్ అనే వారి సంగతేంటి? తనను తాను నాస్తికులు (Atheists) లేదా అజ్ఞేయవాదులు (Agnostics) అని చెప్పుకునే వారిలో సగానికి పైగా (సుమారు 50%) మంది హైయర్ ఎడ్యుకేషన్ పూర్తి చేశారు. ఇది నేషనల్ యావరేజ్ కంటే చాలా ఎక్కువ. కానీ ఏ మతమూ వద్దని చెప్పి, చదువుపై పెద్దగా ఫోకస్ పెట్టని వారిలో కేవలం 29% మందే గ్రాడ్యుయేట్లు ఉన్నారు. మొత్తానికి అమెరికాలో చదువు అనేది కేవలం బుక్స్ లోనే లేదు.. అది మతం, ప్రాంతం, సంస్కృతి అనే ఫిల్టర్ల ద్వారా కూడా ప్రభావితం అవుతోందని ఈ సర్వే తేల్చేసింది.

English summary

A new Pew Research survey reveals Hindus and Jews are the most educated groups in the US Education, surpassing national averages. Explore how social and economic factors shape these trends.