గడ్డం గీయడాన్ని నిషేధించిన తాలిబాన్.. ఇస్లామిక్ చట్టానికి విరుద్ధమని ప్రకటన
గడ్డం గీయడం లేదా సవరించడం ఇస్లామిక్ చట్టానికి విరుద్ధం అంటూ అఫ్గానిస్తాన్లోని హెల్మాండ్ ప్రాంతంలో హెయిర్డ్రెస్సర్లను నిషేధించింది తాలిబాన్.
ఈ నిబంధనలను ఉల్లంఘించినవారికి శిక్ష తప్పదని స్పష్టం చేసింది.
రాజధాని కాబుల్లోని బార్బర్లకు కూడా ఇలాంటి ఆదేశాలే వెళ్లినట్లు సమాచారం.
ఈసారి తాలిబాన్ ఎన్ని వాగ్దానాలు చేసినప్పటికీ, ఈ నిబంధనలు చూస్తుంటే గతంలో లాగే కఠినమైన పాలన వైపు సాగుతున్నట్లు కనిపిస్తోంది.
గత నెల అధికారంలోకి వచ్చినప్పటి నుంచి తాలిబాన్లు ప్రత్యర్థులపై కఠిన శిక్షలు అమలు చేశారు.
కిడ్నాపర్లుగా ఆరోపణలు ఎదుర్కొంటున్న నలుగురిని తాలిబాన్ మిలిటెంట్లు శనివారం కాల్చి చంపారు. వారి మృతదేహాలను హెరాత్ కూడళ్లలో బహిరంగంగా వేలాడదీశారు.
హెల్మాండ్ ప్రాంతంలో సెలూన్లకు నోటీసులు అతికించారు. జుట్టు కత్తిరించడం, గడ్డం గీయడం మొదలైన విషయాల్లో కచ్చితంగా షరియా చట్టం పాటించాలంటూ హెచ్చరించారు.
"ఫిర్యాదు చేసే హక్కు ఎవరికీ లేదు" అని ఆ నోటీసుల్లో రాసి ఉన్నట్లు బీబీసీ గమనించింది.
"అమెరికా పద్ధతులు పాటించవద్దని, గడ్డం గీయకూడదని" కొందరు బార్బర్లకు ఫోన్ కాల్స్ వెళ్లినట్లు సమాచారం.
గతంలో 1996 నుంచి 2001 వరకు తాలిబాన్ పాలనలో ఉన్నప్పుడు కూడా ఇలాంటి నిబంధనలే విధించారు. ఆడంబరమైన కేశాలంకరణ కూడదని, పురుషులు గడ్డాలు పెంచుకోవాలని ఆదేశించారు.
తాలిబాన్ పాలన ముగిశాక, క్లీన్ షేవ్ ఫ్యాషన్ అయింది. ఎంతోమంది అఫ్గాన్ పురుషులు సెలూన్లకు వెళ్లి ఫ్యాషన్గా గడ్డం గీయించుకోవడం, జుట్టు కత్తిరించుకోవడం మొదలుపెట్టారు.
ప్రస్తుతం తాలిబాన్ విధించిన కొత్త నియమాల వలన తమ ఉపాధిని కోల్పోతామంటూ పలువురు బార్బర్లు ఆందోళన వ్యక్తం చేస్తున్నారు.
కొన్నిచోట్ల ఇంకా అధికారిక ఆదేశాలు వెళ్లనప్పటికీ ముందు జాగ్రత్తతో గడ్డం గీయడం ఆపేశామని మరికొందరు బార్బర్లు చెప్పారు.
"సెలూన్లకు కస్టమర్లు రావడం తగ్గింది. వీధుల్లో తాలిబాన్ మిలిటెంట్లకు లక్ష్యం కావాలని వాళ్లు కోరుకోవట్లేదు. ఇప్పుడు హెయిర్ స్టయిల్, ఫ్యాషన్ గురించి ఎవరూ ఆలోచించట్లేదు" అని ఒక బార్బర్ అన్నారు.
ఇవి కూడా చదవండి:
- అఫ్గానిస్తాన్: కిడ్నాపర్లకు హెచ్చరికగా హెరాత్లో మృతదేహాలను వేలాడదీసిన తాలిబాన్లు
- జర్మనీ: పోటాపోటీ ఎన్నికల్లో వెనకబడ్డ మెర్కెల్ వారసుడు..సెంటర్-లెఫ్ట్కు పెరిగిన ఆధిక్యం
- అఫ్గానిస్తాన్: 'మరణ దండన, కాళ్లూ చేతులు నరికే శిక్షలు మళ్లీ అమలు చేస్తాం' - తాలిబాన్లు
- మోదీకి ఒబామా, ట్రంప్ ఇచ్చినంత ప్రాధాన్యత బైడెన్ ఇచ్చారా?
- అఫ్గానిస్తాన్: తాలిబాన్ పాలనలో బిడ్డకు జన్మనివ్వడం అంటే ఎలా ఉంటుంది..
- అఫ్గానిస్తాన్: అల్ ఖైదా, ఇస్లామిక్ స్టేట్లకు తాలిబాన్కు మధ్య తేడా ఏంటి?
- తాలిబాన్: అఫ్గానిస్తాన్లో కో-ఎడ్యుకేషన్ రద్దు, విద్యార్థినులకు హిజాబ్ తప్పనిసరి
- ఒక పవర్పాయింట్ ప్రజెంటేషన్ చైనా-అమెరికా-కెనడా సంబంధాలను ఎలా మార్చిందంటే..
- అఫ్గానిస్తాన్: తాలిబాన్ల మొదటి నెల పాలన ఎలా ఉంది?
- అఫ్గానిస్తాన్ మహిళల క్రికెట్ జట్లు సభ్యులు ఎక్కడ, తాలిబాన్ల భయంతో పారిపోయారా?
- 'మగతోడు లేకుండా మీరెందుకు బయటికొచ్చారు?'
- తాలిబాన్ హోం మంత్రి సిరాజుద్దీన్ హక్కానీ... అమెరికాకు 'మోస్ట్ వాంటెడ్'
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి)