పిల్లలతో సహా ట్యాంక్‌బండ్‌లో దూకేందుకు ఆటోడ్రైవర్ యత్నం.. పోలీసులను చూసి పరార్

హైదరాబాద్‌: ఆత్మహత్య చేసుకుందామని పిల్లలతో సహా వచ్చిన ఓ వ్యక్తి... అదే సమయంలో పెట్రోలింగ్ పోలీసులు రావడంతో అక్కడి నుంచి పరారైన ఘటన ఇది. ఈ ఘటన నగరంలోని ట్యాంక్ బండ్ వద్ద చోటు చేసుకుంది.

వివరాల్లోకి వెళితే... హసన్ ఉల్ హక్ అనే వ్యక్తి జీవితంపై విరక్తి చెంది ఆత్మహత్య చేసుకోవాలన్న ఉద్దేశంతో తన ముగ్గురు పిల్లలతో కలిసి ట్యాంక్‌బండ్‌‌కు వచ్చాడు. పిల్లలతో సహా ట్యాంక్‌బండ్‌‌లో దూకేందుకు యత్నించాడు.

అదే సమయంలో లేక్ పోలీసులు అక్కడకు రావడంతో చిన్నారులను అక్కడే వదిలి హసన్ పరారయ్యాడు. ట్యాంక్ బండ్ వద్ద ముగ్గురు చిన్నారులను గమనించిన పోలీసులు వారిని తమ అదుపులోకి తీసుకున్నారు.

హసన్ కుటుంబసభ్యులను పిలిపించి కౌన్సిలింగ్ ఇచ్చిన అనంతరం ఆ చిన్నారులను వారికి అప్పగించారు. ఆసిఫ్‌నగర్‌కు చెందిన హసన్‌ ఉల్ హక్‌ ఆటో డ్రైవర్‌గా జీవనం సాగిస్తున్నట్లు పోలీసులు తెలిపారు. ఆత్మహత్యా యత్నానికి ఆర్థిక ఇబ్బందులే కారణమని వారు గుర్తించారు.

English summary

An auto driver, Hassan Ul huk came to tank bund to commit suicide along with his three children. But his attempt was failed when the lake police reached there at that time. After seeing the police he left his children and ran away with fear. Police taken the three children into their custody and hand over them to their relatives after counselling.