రెండో లిస్టు కూడా రెడీ?: వణికిపోతున్న టాలీవుడ్ ప్రముఖులు.. సంచలనమేనా?

విచారణలో భాగంగా.. సినిమావాళ్లు, డ్రగ్స్ కేసుతో లింకులున్న వ్యక్తులు వెల్లడించిన వివరాలను పరిగణలోకి తీసుకుని రెండో జాబితా సిద్దం చేసినట్లుగా చెబుతున్నారు.

హైదరాబాద్: టాలీవుడ్ డ్రగ్స్ కేసులో తొలి విడుత విచారణ తుది అంకానికి చేరుకుంది. సినీ ఇండస్ట్రీకి చెందిన మొత్తం 12మంది వ్యక్తులను సిట్ అధికారులు విచారిస్తూ వస్తున్నారు. ఈ క్రమంలో విచారణకు హాజరైనవారు వెల్లడించిన వివరాల ఆధారంగా రెండో జాబితా కూడా సిద్దం చేసినట్లు సమాచారం.

రెండో జాబితా కూడా సిద్దమైందన్న ప్రచారంతో పరిశ్రమకు చెందిన పలువురు బెంబేలెత్తిపోతున్నట్లు తెలుస్తోంది. పైగా ఈ జాబితాలో ఇండస్ట్రీ ప్రముఖులకు చెందిన పిల్లలు ఉన్నట్లు కూడా వార్తలు వస్తుండటంతో.. రెండో జాబితాపై తీవ్ర ఆసక్తి నెలకొంది. మరోవైపు తొలి విడుత విచారణ పట్ల సిట్ అధికారులు గనుక సంతృప్తి చెందకపోతే.. తొలి జాబితాలోని కొంతమంది మరోమారు విచారణ ఎదుర్కోక తప్పదు.

విచారణలో భాగంగా.. సినిమావాళ్లు, డ్రగ్స్ కేసుతో లింకులున్న వ్యక్తులు వెల్లడించిన వివరాలను పరిగణలోకి తీసుకుని రెండో జాబితా సిద్దం చేసినట్లుగా చెబుతున్నారు. వచ్చే వారం ఈ జాబితా వెలుగుచూసే అవకాశం ఉంది. కాగా, టాలీవుడ్ లో మొత్తం 40మందికి డ్రగ్స్ లింకులు ఉన్నట్లు తొలి నుంచి ప్రచారం జరుగుతోంది.

తొలి విడుతలో 12మంది ప్రముఖులకు నోటీసులు అందగా.. తదుపరి మరో 10మందికి నోటీసులు అందే సూచనలు కనిపిస్తున్నాయి. దీంతో డ్రగ్స్ కేసులో ఎక్కడ తమ పేరు వినాల్సి వస్తుందోనని పలువురు ప్రముఖుల పిల్లలు టెన్షన్ లో పడ్డట్లు తెలుస్తోంది. రెండో జాబితాలో వెల్లడించే పేర్లు సంచలనంగా మారే అవకాశం కూడా కనిపిస్తోంది. వారిని కూడా సిట్ అధికారులు ఒక్కొక్కరిగా విచారించి వివరాలు రాబట్టనున్నట్లు చెబుతున్నారు.

English summary

The nightmares for Tollywood are ongoing ever since the Excise department has cast a net over the celebrities. Already big names have been called for interrogation and as if that is not enough, a new fear has begun making rounds. This has to do with a second list.