దొంగతనానికి వెళ్లి.. కేక్ లు కట్ చేసి పార్టీ చేసుకున్న దొంగలు.. ఎక్కడంటే!!
సహజంగా దొంగతనానికి వెళ్ళిన వాళ్ళు ఏం చేస్తారు? డబ్బునో, బంగారాన్నో చోరీ చేస్తారు. అవి దొరకకపోతే విలువైన వస్తువులను చోరీ చేస్తారు. కానీ కొందరు దొంగలు దొంగతనానికి వెళ్లి కేక్ లు కట్ చేసి పార్టీ చేసుకున్నారు. సెలబ్రేషన్స్ చేసుకుని అక్కడ దొరికిన స్వీట్లు, బిస్కెట్లు తీసుకొని వెళ్లిపోయారు. ఇంతకీ ఆసక్తికర ఘటన ఎక్కడ జరిగిందంటే..

షాప్ లో చొరబడిన దొంగలు.. డబ్బులు దొరక్క.. కేక్స్ తో సెలబ్రేషన్స్
ఖమ్మం జిల్లా నేలకొండపల్లిలో సాయిరాం స్వీట్స్ అండ్ బేకరీ షాప్ లో అర్ధరాత్రి సమయంలో దొంగతనానికి పాల్పడ్డారు కొందరు దొంగలు. క్లోజ్ చేసి ఉన్న షాపు తాళాలు పగులగొట్టి లోపలికి చొరబడిన దొంగలు డబ్బులు కోసం వెతికారు. అయితే ఈ షాపు యజమాని షాప్ లో డబ్బులు పెట్టకపోవడంతో, ఆ తర్వాత దొంగలు ఆసక్తికరమైన చర్యకు పాల్పడ్డారు. షాప్ లో ఎటూ డబ్బులు దొరకలేదు అని భావించిన దొంగలు, ఆ షాప్ లో ఉన్న కేక్ లను చూసి సెలబ్రేట్ చేసుకోవాలనుకున్నారు. ఇంకేం ఫ్రీజర్ లో ఉన్న కూల్ కేక్ లు కోసి తమకు ఇష్టమైన వాటినన్నింటినీ తిన్నారు.

షాప్ లో జరిగింది చూసి షాక్ అయిన యజమాని
ఎవరికి ఏ ఫ్లేవర్ నచ్చితే ఆ ఫ్లేవర్ కేక్ లు కోసుకుని పండగ చేసుకున్నారు. ఇక అక్కడితో ఆగకుండా అక్కడ ఉన్న స్వీట్లు, బిస్కెట్లు చిందరవందరగా పడేసి, తమకు నచ్చిన చాక్లెట్లు, స్వీట్లను దొంగలు ఎత్తుకెళ్లారు. ఉదయం షట్టర్ తాళం తీసి షాప్ ఓపెన్ చేద్దామని వచ్చిన యజమాని షట్టర్ తాళాలు పగలగొట్టి ఉండడంతో షాక్ తిన్నాడు. అయినా డబ్బులు షాప్ లో లేవు కదా అని భావించి లోపలికి వెళ్లి చూసిన యజమాని లోపల జరిగిన హంగామా చూసి షాక్ అయ్యాడు.

20 వేల విలువైన స్వీట్లు, చాక్లెట్లు మాయం అయ్యాయని యజమాని ఫిర్యాదు
అర్ధరాత్రి తను షాప్ లోకి చొరబడి దొంగలు సెలబ్రేషన్స్ చేసుకున్నారని గుర్తించారు. షాప్ లో అమ్మకానికి ఉన్న కేక్ లు అన్నీ కట్ చేసి సగం తిని నాశనం చేశారని గుర్తించారు. అంతేకాదు తన షాపులో 20 వేల రూపాయల విలువైన స్వీట్లు, చాక్లెట్లు చోరీకి గురైనట్లు గా గుర్తించిన యజమాని పోలీస్ స్టేషన్లో ఫిర్యాదు చేశారు. ఇక దొంగలు తాము దొంగతనానికి, షాపు తాళం పగలగొట్టడానికి తీసుకువచ్చిన రాడ్లు అక్కడే వదిలేసి వెళ్లినట్టు పోలీసులకు చెప్పారు. కౌంటర్ లో డబ్బులు లేవని, దాంతోనే ఇలా చేసి ఉంటారని బాధితుడు అనుమానం వ్యక్తం చేశారు.

కేక్ లు కట్ చేసుకు తింది దొంగలేనా? దర్యాప్తు చేస్తున్న పోలీసులు
అయితే ఈ షాప్ లో ఇంత హంగామా చేసింది దొంగలేనా? లేదా షట్టర్ తాళాలు పగలగొట్టి ఉండడంతో మరెవరైనా షాప్ లోకి చొరబడి ఈ బీభత్సం చేసి ఉంటారా అన్న క్రమంలో పోలీసులు దర్యాప్తు చేస్తున్నారు. ఏది ఏమైనా దొంగలే ఈ పని చేసి ఉంటారని భావిస్తున్న స్థానికులు మాత్రం, షాప్ లో దొంగలు చేసిన పనికి నవ్వుకుంటున్నారు. షాపు యజమాని పట్ల.. అయ్యో పాపం అంటూ సానుభూతిని ప్రదర్శిస్తున్నారు.
-
ఎన్టీఆర్ పాటకు స్టెప్పులేసిన సితార.. వైరల్ వీడియో -
నక్కతోక తొక్కిన "అస్సాం బ్యూటీ".. నందమూరి హీరోతో స్టెప్పులేసే ఛాన్స్ !! -
ఏపీలో స్థానిక సంస్థల పునర్విభజన- మారిపోతున్న ముఖచిత్రాలు -
PNGకి మారకపోతే LPG సిలెండర్ కట్..! కేంద్రం డెడ్ లైన్..! -
చమురు, గ్యాస్ పరిస్ధితి ఇదీ- అఖిలపక్ష భేటీలో తేల్చేసిన కేంద్రం..! -
నన్ను ఆ డైరెక్టర్ ఎక్కడెక్కడో పట్టుకున్నాడు.. కానీ అమ్మానాన్న సర్దుకుపోమన్నారు !! -
Iran: ట్రంప్ కు ఇరాన్ దిమ్మతిరిగే షాక్..! సీజ్ ఫైర్ కు కఠిన షరతులివే..! -
ఇంధన కొరత వేళ.. తెలంగాణ ఆర్టీసీ సంచలన నిర్ణయం -
‘దీదీ’ రాజీనామా.. ఎన్నికల వేళ మమత సంచలన నిర్ణయం! -
ఏపీలో తెలంగాణ సీఎం.. లోకేష్ బంపర్ ఆఫర్ -
అంతా అయిపోయింది- డొనాల్డ్ ట్రంప్ -
Red Alert: వడగళ్ల వాన, రాబోయే రెండు గంటల్లో భారీ వర్షం












Click it and Unblock the Notifications