ఎన్నారైల వన భోజనం

అమెరికాలోని కాలిఫోర్నియాలోని దట్టమైన, హరిత అడవుల్లో తెలంగాణ కల్చరల్ అసోసియేషన్ వనభోజనాలను ఏర్పాటు చేసింది. ఈ నెల 16వ తేదీన జరిగిన ఈ వనభోజన కార్యక్రమానికి పిల్లలు, పెద్దలతో పాటు పెద్ద యెత్తున తరలి వచ్చారు. వనభోజనాలు ఏర్పాటు చేసిన హుద్దార్త్ పార్క్ సానో కార్లోస్ పర్వతాలపై ఉంటుంది. పుష్పాలతో, పక్షులతో కళకళలాడుతూ ఉంటుంది. దీంతో వనభోజనాలకు వచ్చిన వారంతా ఎంతో ఆనందోత్సహాలను అనుభవించారు. తెలంగాణ భోజనాలను ఈ సందర్భంగా ఏర్పాటు చేసుకున్నరు. ఇళ్లలో చేసుకుని తెచ్చిన ఆహార పదార్థాలను పరస్పరం పంచుకుని జిహ్వకు రుచి, శుచిని అందించుకున్నారు.

తెలంగాణ కల్చరల్ అసోసియేషన్ (టిసిఎ) అధ్యక్షుడు బిక్షం పాలబిందెల ఆహ్వానం పలికారు. భోజనాలను రాజు యాసాల ఏర్పాటు చేశారు. అతిథి రెస్టారెంట్ కొన్ని ఆహార పదార్థాలను అందజేసింది. భోజనాలు ముగిసిన వెంటనే ఉమా చింతలపాటి పిల్లలతో పాటలు పాడే, నృత్యాలు చేసే కార్యక్రమాన్ని నిర్వహించారు. పిల్లలు శిల్ప, ఐశ్వర్య, హంసిక, శ్వేత, సుమస్వర, పెద్దలు ఉమ, చూడామణి జయ, అనిత పాలబిందేల తమ పాటలతో, నృత్యాలతో అలరించారు.

టిసిఎ ఉపాధ్యక్షుడు అర్షద్ హుస్సేన్ బింగో గేమ్, రన్నింగ్ రేస్, మ్యూజికల్ బాల్స్, టగ్ ఆఫ్ వార్ వంటి కార్యక్రమాలను నిర్వహించారు. ఈ కార్యక్రమానికి విజయ చవ్వా, గట్టు ప్రసాద్, శ్రవణ్ బెల్లాల్, గండి తిరుపతయ్య, చక్రి రవడం, ప్రసాద్ మంగిన, సైదీశ్ అజ్జన్, శ్రీనివాస్ గుజ్జా, బాలరాజ్ గార్లపాటి, గడింశెట్టి సుబ్రహ్మణ్యం వంటి ప్రముఖులు హాజరయ్యారు. స్పాన్సరర్స్, అక్కడికి వచ్చిన వారికి టిసిఎ కోశాధికారి భాస్కర్ మద్ది కృతజ్ఞతలు తెలిపారు.