కేసీఆర్ ఆమరణ దీక్షతోనే రాష్ట్ర ఆవిర్భావం: ఎన్ఆర్ఐ టీఆర్ఎస్ బహ్రెయిన్ సెల్

కేసీఆర్‌ చేపట్టిన ఆమరణ నిరాహార దీక్ష వల్లే తెలంగాణ రాష్ట్ర ఏర్పాటు సాధ్యమైంది. తమ చిరకాల కల నెరవేరిందని ఎన్ఆర్ఐ టీఆర్ఎస్ బహ్రెయిన్ సెల్ అధ్యక్షులు రాధారపు సతీష్ కుమార్, ఉపాధ్యక్షులు వెంకటేష్ బొలిశెట్టి అన్నారు. దీక్షా దివస్ చరిత్రను మలుపు తిప్పినరోజు అని వివరించారు. తెలంగాణ రాష్ట్ర ఏర్పాటు కోసం చావు నోట్లో తల పెట్టి 'తెలంగాణ వచ్చుడో, కేసీఆర్ సచ్చుడో' ఆమరణ నిరాహార దీక్ష ఇవాళ్టికి 13 ఏళ్లు పూర్తయింది. ఈ సందర్భంగా వారు బహ్రెయిన్‌లో మీడియాతో మాట్లాడారు.

దీక్ష ఉద్యమాన్ని గొప్ప మలుపు తిప్పిందని, చరిత్ర గతినే మార్చి వేసిందని వారు అన్నారు. అప్పటిదాకా నడుస్తోన్న శాంతియుత ఉద్యమానికి, సత్యాగ్రహ ఆయుధంలా మారిందన్నారు. తెలంగాణ ప్రజలని ఏకం చేసి, ఆనాటి కేంద్ర ప్రభుత్వం వెన్నులో వణుకు పుట్టించిందని తెలిపారు. ప్రజల్లో ప్రత్యేక తెలంగాణ ఆకాంక్షను ప్రజ్వలింపజేసిన రోజు అని వివరించారు.

కేసీఆర్ మొక్కవోని దీక్షతో తెలంగాణ రాష్ట్ర సాధనకు అంకురార్పణ చేసిన రోజు అని పేర్కొన్నారు. ఆమరణ దీక్షనే అస్త్రంగా, కేసీఆర్ త్యాగమే తెలంగాణ రాష్ట్ర ఏర్పాటు అని వివరించారు. అదే ఉద్యమ స్ఫూర్తితో.. బంగారు తెలంగాణ డెవలప్ చేస్తున్నారని వెల్లడించారు. ప్రపంచంలో ఎక్కడా లేని సంక్షేమ కార్యక్రమాలను అమలు చేస్తున్నామని వివరించారు.

కార్యక్రమంలో ఎన్ఆర్ఐ టీఆర్ఎస్ సెల్ అధ్యక్షులు రాధారపు సతీష్ కుమార్, ఉపాధ్యక్షులు వెంకటేష్ బొలిశెట్టి, ప్రధాన కార్యదర్శి మగ్గిడి రాజేందర్, అన్నారం సుమన్, కార్యదర్శులు చెన్నమనేని రాజేందర్, సంగేపోలు దేవన్న, ఉత్కం కిరణ్ గౌడ్, కొత్తూరు సాయన్న, గరిగె సతీష్ గౌడ్, తోకల లింగం, ఇతర నాయుకులు పాల్గొన్నారు.

English summary

telangana state possible with kcr hunger strike nri trs bahrain cell president radharapu sathish kumar said.