ప్రేయుడిని బెదిరించి పోలీసునని చెప్పి యువతిపై రేప్

నెల్లూరు: మద్యం సేవించిన ఓ వ్యక్తి అత్యంత దారుణానికి పాల్పడ్డాడు. నెల్లూరు జిల్లాలోని కాళంగి నది ఒడ్డున తన ప్రియుడితో కలిసి ఉన్న యువతిపై పోలీస్‌నని చెప్పి ఒక యువకుడు అత్యాచారానికి పాల్పడిన ఘటన ఆదివారం నెల్లూరు జిల్లా సూళ్లూరుపేటలో జరిగింది.

బాధితురాలి కథనం మేరకు వివరాలిలా ఉన్నాయి - సూళ్లూరుపేట మండల పరిధిలోని జంగాలగుంట గ్రామానికి చెందిన యువతి సూళ్లూరుపేట పట్టణంలో ఓ వస్త్ర దుకాణంలో పనిచేస్తోంది. ఈమెకు కాళహస్తికి చెందిన శ్రీనివాసులుతో పరిచయం ఉంది. వీరిరువురు కలసి శనివారం చెంగాళమ్మ గుడి వెనుక భాగాన కాళంగినది ఒడ్డున సరదాగా కాలక్షేపం చేస్తుండగా, ఇదే సమయంలో దొరవారిసత్రం మండలం కారికాడు గ్రామానికి చెందిన వేనాటి రాజశేఖరరెడ్డి మద్యం సేవించి తన అనుచరులతో కలసి అక్కడకు చేరుకున్నాడు.

ప్రేమికులను చూసి మిగిలిన వారు వెళ్లిపోయారు. మద్యం మత్తులో ఉన్న రాజశేఖరరెడ్డి ప్రియుడ్ని బెదిరించి యువతిపై అత్యాచారం చేశాడు. అనంతరం వీరిరువురు కలసి ఆలయ సమీపంలోని జిఎన్‌టి రోడ్డుపై వస్తుండగా, గస్తీలో ఉన్న పోలీసులు వారిని విచారించి స్టేషన్‌కు తీసుకొచ్చారు.

ఆదివారం ఆ యువతిని పోలీసులు విచారించగా, తన ప్రియుడ్ని బెదిరించి తనపై ఒకడు అత్యాచారం చేసినట్లు పోలీసులకు చెప్పడంతో పోలీసులు గాలించి రాజశేఖరరెడ్డిని అదుపులోకి తీసుకున్నారు.

English summary

A girl has been raped by a man threatening her boy friend posing as constable in Nellore district.