మీడియా ముందే తెలంగాణ, సీమాంధ్ర తగవులు: టిజి వెంకటేష్

హైదరాబాద్\కర్నూలు: మీడియా ముందు ఉన్నప్పుడు మాత్రమే సీమాంధ్ర, తెలంగాణ నాయకులు తగవులు ఉంటాయని, పక్కకు వెళ్లగానే మేమంతా ఒక్కటేనని చిన్న నీటిపారుదల శాఖమంత్రి టిజి వెంకటేష్ సోమవారం కర్నులులో అన్నారు. ఏడాదిలోగా సాగు విస్తీర్ణాన్ని రెట్టింపు చేస్తానని చెప్పారు. తద్వారా ప్రజల ఆశలు నెరవేరుస్తానన్నారు. వ్యవసాయంపై ప్రత్యేక దృష్టి సారిస్తానని ఆయన చెప్పారు.

విత్తన గ్రామాల అభివృద్ధికి రైతుల్లో చర్యలు తీసుకు రావాలని వ్యవసాయ శాఖమంత్రి వైయస్ వివేకానంద హైదరాబాదులో శాస్త్రవేత్తలతో అన్నారు. వివేకానంద సోమవారం వ్యవసాయ విశ్వవిద్యాలయ శాస్త్రవేత్తలతో సమావేశం నిర్వహించారు. బయో ఉత్పత్తులపై ప్రత్యేక దృష్టి సారించి చర్యలు తీసుకోవాలని సూచించారు. రాబోయే ఖరీఫ్ లో రైతులకు ఎరువులకు ఎలాంటి ఇబ్బందులు లేకుండా చర్యలు తీసుకుంటామని చెప్పారు.