సన్నీ లియోన్ వ్యాపారాలు, వాటి టర్నోవర్ తెలిస్తే మైండ్ బ్లోయింగ్
గ్లామరస్ హీరోయిన్లు కేవలం వెండితెరపై మెరిసి, రెమ్యునరేషన్స్ సంపాదించడానికే పరిమితం అనే పాత కాలపు ఆలోచనలను నేటి తరం నటీమణులు పూర్తిగా మార్చివేశారు. సినిమాల ద్వారా లభించిన ప్రాచుర్యాన్ని ఎంతో తెలివిగా పెట్టుబడులుగా మలుచుకుంటూ బహుముఖ వ్యాపారవేత్తలుగా దూసుకుపోతున్నారు. ఈ కోవలో బాలీవుడ్ నటి సన్నీ లియోన్ సరికొత్త బెంచ్మార్క్ సెట్ చేశారు. 2012లో 'జిస్మ్ 2' చిత్రంతో బి-టౌన్లో అడుగుపెట్టిన ఆమె, ప్రస్తుతం పదికి పైగా విభిన్న రంగాలలో సొంత వ్యాపారాలను నడిపిస్తూ రూ. 100 కోట్లకు పైగా ఆస్తితో బలమైన వ్యాపార సామ్రాజ్యాన్ని నిర్మించుకున్నారు.
స్టార్ స్ట్రక్ పేరుతో బ్రాండ్
ఫ్యాషన్, సౌందర్య సాధనాల రంగంలో సన్నీ తన మార్క్ను స్పష్టంగా చూపించారు. 'స్టార్ స్ట్రక్' పేరుతో బ్యూటీ బ్రాండ్ను నెలకొల్పి భారీ టర్నోవర్తో విజయవంతంగా ముందుకు సాగుతున్నారు. దీనికి అదనంగా 'లస్ట్', 'అఫెటో' పేర్లతో పర్ఫ్యూమ్స్, బాడీ మిస్ట్స్ బ్రాండ్లను నడిపిస్తూ 500కు పైగా రిటైల్ అవుట్లెట్ల ద్వారా విక్రయాలు సాగిస్తున్నారు. భర్త డేనియల్ వెబర్తో కలిసి 'ఇన్ఫేమస్' లైఫ్స్టైల్ ఇన్నర్వేర్ బ్రాండ్ను, ఆర్గానిక్ వేర్ 'ఐ యామ్ యానిమల్' బ్రాండ్ను సైతం ఆమె ప్రారంభించారు. అంతేకాకుండా మహిళల లైఫ్స్టైల్ డిజిటల్ పోర్టల్ 'హాటర్ ఫ్లై'లోనూ ప్రధాన ఈక్విటీ ఇన్వెస్టర్గా వ్యవహరిస్తున్నారు. క్రీడలు, డిజిటల్ గేమింగ్ విభాగాలు కూడా ఆమె పెట్టుబడులకు వేదికగా మారాయి.
సెలబ్రిటీ బాక్స్ క్రికెట్ లీగ్
సెలబ్రిటీ బాక్స్ క్రికెట్ లీగ్లో 'చెన్నై స్వాగర్స్' ఫ్రాంచైజీకి యజమానిగా ఉండటంతో పాటు, UKకి చెందిన 'లీసెస్టర్ గెలాక్టికోస్' సాకర్ క్లబ్లో సహ-యజమానిగా ఉన్నారు. 2018లోనే 'తీన్ పత్తీ' ఆన్లైన్ మొబైల్ గేమ్ను అందుబాటులోకి తెచ్చిన సన్నీ, 2021లో డిజిటల్ అసెట్స్ ప్రపంచంలోకి అడుగుపెట్టిన తొలి భారతీయ నటిగా రికార్డు సృష్టించారు. అలాగే నోయిడాలో 'చికా లోకా' పేరిట ఫైన్ డైనింగ్ రెస్టో-బార్ను ప్రారంభించి ఫుడ్ అండ్ బెవరేజ్ రంగానికి విస్తరించారు.
వినోద రంగంలో టాలెంట్ మేనేజ్మెంట్ కోసం 'సన్సిటీ మీడియా అండ్ ఎంటర్టైన్మెంట్' అనే సొంత ప్రొడక్షన్ హౌస్ను భర్తతో కలిసి స్థాపించారు. దీంతోపాటు స్ప్లిట్స్ విల్లా వంటి హిట్ టీవీ షోల హోస్టింగ్లు, జాతీయ-అంతర్జాతీయ బ్రాండ్ ఎండోర్స్మెంట్లు, డిజిటల్ ప్లాట్ఫామ్ల ద్వారా నెలకు భారీగా ఆర్జిస్తున్నారు. కేవలం గ్లామరస్ స్టార్గానే కాకుండా పక్కా వ్యూహంతో వంద కోట్ల సామ్రాజ్యాన్ని నెలకొల్పిన సన్నీ లియోన్ ప్రయాణం నూతన వ్యాపారవేత్తలకు ఎంతో స్ఫూర్తిదాయకం.
Click it and Unblock the Notifications
Sign in with Google