సివిల్ జడ్జి పోస్టులకు ఏపీ హైకోర్టు నోటిఫికేషన్: 17 నుంచి అప్లై చేయండి

పలు జడ్జీ పోస్టుల భర్తీకి ఆంధ్రప్రదేశ్ హైకోర్టు నోటిఫికేషన్ విడుదల చేసింది.

అమరావతి: పలు జడ్జీ పోస్టుల భర్తీకి ఆంధ్రప్రదేశ్ హైకోర్టు నోటిఫికేషన్ విడుదల చేసింది. మొత్తం 30 సివిల్ జడ్జి(జూనియర్ డివిజన్) పోస్టుల భర్తీకి అమరావతిలోని రాష్ట్ర హైకోర్టు దరఖాస్తులు ఆహ్వానించింది. అర్హులైన అభ్యర్థులు మార్చి 17 నుంచి ఏప్రిల్ 6వ తేదీ వరకు ఆన్‌లైన్లో దరఖాస్తులు చేసుకోవచ్చు. ఈ మేరకు హైకోర్టు రిజిస్ట్రార్(రిక్రూట్‌మెంట్) ఓ ప్రకటనలో పేర్కొన్నారు.

ఈ ఉద్యోగాల్లో డైరెక్ట్ రిక్రూట్‌మెంట్ ప్రాతిపదికన 24 ఖాళీలు, బదిలీల ద్వారా మరో 6 ఖాళీలను భర్తీ చేయనున్నారు.

మొత్తం పోస్టుల సంఖ్య: 30

అర్హత:
న్యాయ శాస్త్రంలో బ్యాచిలర్స్ డిగ్రీ తప్పనిసరి.

వయో పరిమితి:
01.03.2023 నాటికి 35 ఏళ్లు మించరాదు.

వేతనం: రూ. 77,840- రూ. 1,36,520

ఎంపిక ప్రక్రియ:
కంప్యూటర్ ఆధారిత స్క్రీనింగ్ టెస్ట్, రాత పరీక్ష, మౌఖిక పరీక్ష, ధృవపత్రాల పరిశీలన.
స్క్రీనింగ్ పరీక్ష ఫలితాల వెల్లడించిన తర్వాత రాత పరీక్ష నిర్వహిస్తారు.

ఫీజు వివరాలు:
ఓపెన్ కేటగిరీ/ఈడబ్ల్యూఎస్/బీసీ కేటగిరీకి చెందిన అభ్యర్థులు రూ. 1500 చెల్లించాలి. ఎస్సీ/ఎస్టీ/దివ్యాంగ అభ్యర్థులైతే రూ. 750లు చెల్లించాలి.

స్క్రీనింగ్ టెస్ట్ హాల్ టిక్కెట్ల డౌన్‌లోడ్: ఏప్రిల్ 15

కంప్యూటర్ ఆధారిత స్క్రీనింగ్ టెస్ట్:
ఏప్రిల్ 24(ఉదయం 8.30 గంటల నుంచి 10.30 గంటల వరకు)

ప్రిలిమినరీ కీ/అభ్యంతరాల స్వీకరణ: ఏప్రిల్ 27.

స్క్రీనింగ్ టెస్ట్ సెంటర్లు:
గుంటూరు, కర్నూలు, రాజమహేంద్రవరం, తిరుపతి, విజయవాడ, విశాఖపట్నం. అభ్యర్థులు ఏవైనా మూడు కేంద్రాలను ప్రాధాన్యతల వారీగా ఆప్షన్ పెట్టుకోవచ్చు.

English summary

AP high court recruitment: apply for 30 civil judge posts.