నెలకు రూ.2 లక్షలకు పైగా జీతంతో APMSRB ఉద్యోగాలు..!

ఆంధ్రప్రదేశ్ వైద్య సేవల నియామక బోర్డు (APMSRB) రాష్ట్రంలోని ప్రభుత్వ మెడికల్ కాలేజీల్లో అసిస్టెంట్ ప్రొఫెసర్ పోస్టుల భర్తీకి అధికారిక నోటిఫికేషన్‌ను విడుదల చేసింది. డైరెక్టర్ ఆఫ్ మెడికల్ ఎడ్యుకేషన్ (DME) పరిధిలో మొత్తం 220 పోస్టులను ఈ నోటిఫికేషన్ ద్వారా భర్తీ చేయనున్నారు. ప్రభుత్వ వైద్య రంగంలో స్థిరమైన ఉద్యోగాన్ని కోరుకునే వైద్యులకు ఇది మంచి అవకాశంగా భావిస్తున్నారు.

ఈ ఉద్యోగాలకు ఆన్‌లైన్ దరఖాస్తులు జనవరి 8, 2026 (గురువారం) నుండి ప్రారంభమవుతాయి. అభ్యర్థులు జనవరి 22, 2026 రాత్రి 11:59 గంటల వరకు దరఖాస్తు చేసుకోవచ్చని APMSRB స్పష్టం చేసింది. నిర్ణీత గడువు తర్వాత వచ్చిన దరఖాస్తులను స్వీకరించబోమని వెల్లడించింది. దరఖాస్తు విధానం, పూర్తి నోటిఫికేషన్ వివరాల కోసం అభ్యర్థులు APMSRB అధికారిక వెబ్‌సైట్‌ను సందర్శించవచ్చు.

పోస్టులు..

అసిస్టెంట్ ప్రొఫెసర్ (క్లినికల్) - 130 పోస్టులు

అసిస్టెంట్ ప్రొఫెసర్ (నాన్-క్లినికల్) - 16 పోస్టులు

అసిస్టెంట్ ప్రొఫెసర్ (సూపర్ స్పెషాలిటీ) - 74 పోస్టులు

మొత్తం 220 పోస్టులు భర్తీ చేయనున్నారు.

విభాగాలు..

జనరల్ మెడిసిన్

జనరల్ సర్జరీ

ఎమర్జెన్సీ మెడిసిన్

రేడియేషన్ థెరపీ

ఆప్తాల్మాలజీ

రేడియాలజీ

గైనకాలజీ

అనస్థీషియా

పీడియాట్రిక్స్

హాస్పిటల్ అడ్మినిస్ట్రేషన్

అలానే ఇతర స్పెషాలిటీ, సూపర్ స్పెషాలిటీ విభాగాల్లో పోస్టులు ఉన్నాయి.

విద్యార్హత..

ఈ పోస్టులకు దరఖాస్తు చేసుకునే అభ్యర్థులు తప్పనిసరిగా:

సంబంధిత విభాగంలో MD / MS / DNB / DM / MCh పూర్తి చేసి ఉండాలి

మెడికల్ కౌన్సిల్ ఆఫ్ ఇండియా / నేషనల్ మెడికల్ కమిషన్ గుర్తింపు పొందిన అర్హతలు కలిగి ఉండాలి

నోటిఫికేషన్‌లో పేర్కొన్న విధంగా సంబంధిత పని అనుభవం ఉండాలి

వయోపరిమితి & వయోసడలింపు..

వయోపరిమితి: జులై 1, 2025 నాటికి 18 నుంచి 42 ఏళ్ల మధ్య ఉండాలి

వయోసడలింపు:

SC / ST / BC / EWS అభ్యర్థులకు - 5 సంవత్సరాలు

PwBD అభ్యర్థులకు - 10 సంవత్సరాల వరకు వయోసడలింపు వర్తిస్తుంది

దరఖాస్తు ఫీజు..

జనరల్ కేటగిరీ అభ్యర్థులకు - ₹2,000

SC / ST / BC / EWS / PwBD అభ్యర్థులకు - ₹1,500

ఫీజు ఆన్‌లైన్ విధానంలో చెల్లించాలి.

ఎంపిక విధానం..

ఈ నియామకాలకు ఎలాంటి రాత పరీక్ష ఉండదు.

అభ్యర్థుల ఎంపిక పూర్తిగా విద్యార్హత, అనుభవం, మెరిట్ ఆధారంగా నిర్వహించబడుతుంది. అవసరమైతే డాక్యుమెంట్ వెరిఫికేషన్ లేదా ఇంటర్వ్యూ నిర్వహించే అవకాశం ఉంది.

జీతభత్యాలు & ఇతర ప్రయోజనాలు..

ఎంపికైన అభ్యర్థులకు రూ.68,900 నుంచి రూ.2,05,500 వరకు నెలకు జీతం చెల్లించబడుతుంది.
వాటితో పాటు:

ప్రభుత్వ ఉద్యోగ భద్రత

పదోన్నతుల అవకాశాలు

వైద్య విద్యా రంగంలో ప్రతిష్టాత్మక సేవ చేసే అవకాశం లభిస్తాయి.

English summary

Andhra Pradesh Medical Services Recruitment Board (APMSRB) has released an official notification for the recruitment of Assistant Professor posts in government medical colleges in the state