నిరుద్యోగులకు శుభవార్త.. ఎస్బిఐలో 1,040 ఉద్యోగాలకు నోటిఫికేషన్..
బ్యాంకు ఉద్యోగిగా స్థిరపడాలనుకునేవారికి శుభవార్త.. దేశంలోని అతిపెద్ద ప్రభుత్వ రంగ బ్యాంక్ అయిన స్టేట్ బ్యాంక్ ఆఫ్ ఇండియా భారీ ఉద్యోగాలకు నోటిఫికేషన్ ప్రకటించింది. ఈ నోటిఫికేషన్ ద్వారా మొత్తం 1040 ఉద్యోగాలను భర్తీ చేయనుంది. అర్హత, ఆసక్తి కలిగిన అభ్యర్థులు ఆన్లైన్లో దరఖాస్తులు చేసుకోగలరు. స్పెషలిస్టు కేడర్ ఆఫీసర్ నియామకాల భర్తీకి ఎస్బిఐ ప్రకటనను విడుదల చేసింది.
ఈ ఉద్యోగాలకు ఎంపికైన అభ్యర్థులు దేశ వ్యాప్తంగా ఉన్న ఎస్బీఐ శాఖల్లో పని చేయాల్సి ఉంటుంది. ఈ పోస్టులకు దరఖాస్తు ప్రక్రియ ఇప్పటికే ప్రారంభమైంది. అర్హత, ఆసక్తిగల అభ్యర్థులు ఆన్లైన్ విధానంలో ఆగస్టు 8వ తేదీ వరకు దరఖాస్తు చేసుకోగలరు. అభ్యర్థులు పూర్తి వివరాల కోసం ఎస్బిఐ అధికారిక వెబ్సైట్ను సంప్రదించగలరు.
ఇతర అర్హతలు..
ఈ ఉద్యోగాలకు దరఖాస్తు చేయాలనుకునే అభ్యర్థులు పోస్టును అనుసరించి సీఏ/ సీఎఫ్ఏ, ఏదైనా డిగ్రీ, పీజీ డిప్లొమా/ సంబంధిత విభాగంలో డిగ్రీ ఉత్తీర్ణతతోపాటు ఎక్స్పీరియన్స్ కలిగి ఉన్నవారు అర్హులు. ఈ పోస్టులకు అప్లయ్ చేసుకోవాలనుకునే జనరల్ అభ్యర్థులు రూ. 750 దరఖాస్తు ఫీజు చెల్లించాల్సి ఉంటుంది. ఎస్సీ, ఎస్టీ, దివ్యాంగులకు ఫీజు చెల్లింపు నుంచి మినహాయింపు వర్తిస్తుంది.
ఈ ఉద్యోగాలకు షార్ట్లిస్టింగ్, ఇంటర్వ్యూ, గ్రూప్ డిస్కషన్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు. ఈ ఉద్యోగాలకు దరఖాస్తు ప్రక్రియ జులై 19, 2024 నుంచి ప్రారంభమైంది. ఆన్లైన్ దరఖాస్తులకు చివరితేది ఆగస్టు 8, 2024 గా నిర్ణయించడమైనది. ఈ ఉద్యోగాలకు దరఖాస్తు చేసుకోవాలను అభ్యర్థులు ఈ లింక్పై https://recruitment.bank.sbi/crpd-sco-2024-25-09/apply క్లిక్ చేయగలరు.
మొత్తం పోస్టులివే : 1,040
సెంట్రల్ రిసెర్చ్ టీమ్ (ప్రొడక్ట్ లీడ్): 02
సెంట్రల్ రిసెర్చ్ టీమ్ (సపోర్ట్): 02
ప్రాజెక్ట్ డెవలప్మెంట్ మేనేజర్ (టెక్నాలజీ): 01
ప్రాజెక్ట్ డెవలప్మెంట్ మేనేజర్ (బిజినెస్): 02
రిలేషన్షిప్ మేనేజర్: 273
వీపీ వెల్త్+: 643
రిలేషన్షిప్ మేనేజర్- టీమ్ లీడ్: 32
రీజినల్ హెడ్: 06
ఇన్వెస్ట్మెంట్ స్పెషలిస్ట్: 30
ఇన్వెస్ట్మెంట్ ఆఫీసర్: 49
Click it and Unblock the Notifications
Sign in with Google