నిరుద్యోగుల‌కు శుభ‌వార్త‌..ఎస్ఎస్‌సి సీజిఎల్ 2024 భారీ నోటిఫికేష‌న్‌..

Published: Tuesday, June 25, 2024, 11:32 [IST]

నిరుద్యోగుల‌కు స్టాఫ్ సెలక్షన్ కమిషన్ శుభ‌వార్త అందించింది. కంబైన్డ్ గ్రాడ్యుయేట్‌ లెవల్ (సీజీఎల్‌) పరీక్ష-2024కు సంబంధించిన నోటిఫికేష‌న్ విడుద‌ల చేసింది. ఈ నోటిఫికేష‌న్‌లో భాగంగా ఎస్‌ఎస్‌సీ వివిధ కేంద్ర మంత్రిత్వ శాఖల్లో ఉన్న సుమారు1 7 వేలకు పైగా గ్రూప్-బి, గ్రూప్-సి విభాగాల్లోని ఖాళీలను భర్తీ చేయ‌నుంది. ఈ పోస్టుల క‌సం అర్హ‌త క‌లిగిన అభ్య‌ర్థుల నుంచి దరఖాస్తులు స్వీక‌రిస్తోంది. డిగ్రి అర్హ‌త క‌లిగిన అభ్య‌ర్థులెవ‌రైనా ఈ పోస్టుల‌కు ద‌ర‌ఖాస్తు చేసుకోవ‌చ్చు.

ఈ పోస్టుల‌కు టైర్-1, టైర్-2 తదితర పరీక్షల ద్వారా ఎంపిక ప్రక్రియ నిర్వ‌హిస్తారు. ఈ ప‌రీక్ష‌కు ద‌ర‌ఖాస్తు చేసుకునేందుకు జ‌న‌ర‌ల్ అభ్య‌ర్థులు రూ. 100 చెల్లంచాల్సి ఉంటుంది. ఎస్సీ/ఎస్టీ/ మహిళలు/ దివ్యాంగులు/ ఎక్స్‌సర్వీస్‌మెన్ అభ్యర్థులకు ఫీజులో మినహాయింపు ఉంటుంది. ద‌ర‌ఖాస్తు ప్ర‌క్రియ 24.06.2024 నుంచి ప్రారంభ‌మ‌య్యింది.

Good news for unemployed SSC CGL 2024 massive notification

ఈ పోస్టుల‌కు ద‌ర‌ఖాస్తు చేసుకునేందుకు 24.07.2024 చివ‌రితేదిగా నిర్ణ‌యించారు. ఆన్‌లైన్ ద్వారా మాత్ర‌మే అప్ల‌య్ చేసుకోవాల్సి ఉంటుంది. దరఖాస్తు చేసుకున్న అభ్యర్థులకు సెప్టెంబర్‌/ అక్టోబర్‌లో రాత పరీక్షలను నిర్వ‌హిస్తారు. ఈ ప‌రీక్ష‌లు కూడా ఆన్‌లైన్ విధానంలోనే ఉంటాయి. అభ్య‌ర్థులు పూర్తి వివరాలకోసం లేదా ద‌ర‌ఖాస్తు చేసుకునేందుకు ఎస్ఎస్‌సి అధికారిక వెబ్‌సైట్ https://ssc.nic.in/ ను సంప్ర‌దించ‌గ‌ల‌రు.

మొత్తం పోస్టులు 17,727

విభాగాలు: గ్రూప్-బి, గ్రూప్-సి

పోస్టుల వివరాలివే..

అసిస్టెంట్‌ సెక్షన్‌ ఆఫీసర్‌

ఇన్‌స్పెక్టర్‌ ఆఫ్ ఇన్‌కమ్‌ ట్యాక్స్

ఇన్‌స్పెక్టర్‌

అసిస్టెంట్‌ ఎన్‌ఫోర్స్‌మెంట్‌ ఆఫీసర్‌

సబ్‌ ఇన్‌స్పెక్టర్

ఎగ్జిక్యూటివ్ అసిస్టెంట్‌

రిసెర్చ్‌ అసిస్టెంట్‌

8. జూనియర్‌ స్టాటిస్టికల్ ఆఫీసర్‌

సబ్‌ ఇన్‌స్పెక్టర్/ జూనియర్‌ ఇంటెలిజెన్స్‌ ఆఫీసర్