IBPS RRB నోటిఫికేషన్ రిలీజ్.. 13,217 పోస్టులు !!

ఇన్‌స్టిట్యూట్ ఆఫ్ బ్యాంకింగ్ పర్సనల్ సెలెక్షన్ (IBPS) సంస్థ 2025-26 సంవత్సరానికి సంబంధించి సీఆర్‌పీ ఆర్‌ఆర్‌బీ XIV నోటిఫికేషన్ విడుదల చేసింది. ఇందులో భాగంగా ప్రాంతీయ గ్రామీణ బ్యాంకుల్లో పోస్టులను భర్తీ చేయనున్నట్లు IBPS ప్రకటించింది. మొత్తంగా 13,217 ఉద్యోగాలకు ఈ నోటిఫికేషన్ రిలీజ్ అవ్వగా..బ్యాంకింగ్ రంగంలో స్థిరపడాలి అనుకునే వారికి ఇది మంచి ఛాన్స్ అని చెప్పొచ్చు.

మరీ ముఖ్యంగా గ్రామీణ ప్రాంత బ్యాంకుల్లో పనిచేయాలనుకునే వారికి ఇది మంచి కెరీర్ అవకాశంగా భావించవచ్చు. అర్హత, ఆసక్తి కలిగిన అభ్యర్ధులు ఆ అవకాశాన్ని సద్వినియోగం చేసుకోవాలని కోరుతున్నారు. ఈ నియామకాలకు సంబంధించి పూర్తి వివరాలు మీకోసం ప్రత్యేకంగా...

మొత్తం ఖాళీలు..

13,217

పోస్టుల వివరాలు..

• ఆఫీస్ అసిస్టెంట్స్ (మల్టిపర్పస్): 7,972
• ఆఫీసర్ స్కేల్-I (అసిస్టెంట్ మేనేజర్): 3,907
• ఆఫీసర్ స్కేల్-II (అగ్రికల్చర్ ఆఫీసర్): 50
• ఆఫీసర్ స్కేల్-II (లా ఆఫీసర్): 48
• ఆఫీసర్ స్కేల్-II (చార్టర్డ్ అకౌంటెంట్ - CA): 69
• ఆఫీసర్ స్కేల్-II (ఐటీ ఆఫీసర్): 87
• ఆఫీసర్ స్కేల్-II (జనరల్ బ్యాంకింగ్ ఆఫీసర్ - GBO): 854
• ఆఫీసర్ స్కేల్-II (మార్కెటింగ్ ఆఫీసర్): 15
• ఆఫీసర్ స్కేల్-II (ట్రేజరీ మేనేజర్): 16
• ఆఫీసర్ స్కేల్-III: 199

విద్యార్హతలు..

సంబంధిత విభాగాల్లో బ్యాచిలర్ డిగ్రీ (కనీసం 50% మార్కులు తప్పనిసరి). కొన్ని పోస్టులకు ఎంబీఏ, సీఏ, ఐటీ స్పెషలైజేషన్ అర్హతగా ఉంటుంది. అలానే స్థానిక భాషలో ప్రావీణ్యం తప్పనిసరి.

ఉద్యోగ అనుభవం:

ఆఫీసర్ స్కేల్ II, III పోస్టులకు సంబంధిత విభాగంలో అనుభవం అవసరం.

వయో పరిమితి..

01.06.2025 నాటికి

• ఆఫీస్ అసిస్టెంట్: 18 - 28 ఏళ్లు
• ఆఫీసర్ స్కేల్-I: 18 - 30 ఏళ్లు
• ఆఫీసర్ స్కేల్-II: 21 - 32 ఏళ్లు
• ఆఫీసర్ స్కేల్-III: 21 - 40 ఏళ్లు

ప్రభుత్వ నియమావళి ప్రకారం రిజర్వేషన్ కేటగిరీలకు వయో పరిమితి సడలింపు లభిస్తుంది.

ఎంపిక విధానం..

• ఆఫీస్ అసిస్టెంట్: ప్రిలిమినరీ పరీక్ష + మెయిన్స్ పరీక్ష (ఇంటర్వ్యూ లేదు)
• ఆఫీసర్ స్కేల్-I: ప్రిలిమినరీ పరీక్ష + మెయిన్స్ పరీక్ష + ఇంటర్వ్యూ
• ఆఫీసర్ స్కేల్-II & III: సింగిల్ ఆన్‌లైన్ పరీక్ష + ఇంటర్వ్యూ

పరీక్ష..

అన్ని పరీక్షలు హిందీ, ఇంగ్లీష్‌తో పాటు స్థానిక భాషల్లో నిర్వహించబడతాయి.

దరఖాస్తు విధానం..

పూర్తిగా ఆన్‌లైన్ మోడ్‌లో దరఖాస్తు చేసుకోవాలి. పూర్తి వివరాలకు అధికారిక వెబ్‌సైట్ www.ibps.in ని సందర్శించవచ్చు.

దరఖాస్తు ఫీజు..

• SC / ST / PWD / ESM / DESM అభ్యర్థులకు: రూ.175
• ఇతర కేటగిరీ అభ్యర్థులకు: రూ.850

దరఖాస్తు గడువు..

ఇప్పటికే దరఖాస్తులు ప్రారంభం అవ్వగా చివరి తేదీగా 28.09.2025 గా నిర్ణయించారు. కాగా ప్రీ ఎగ్జామ్ ట్రైనింగ్ (PET): అక్టోబర్ 2025 లో జరగనుండగా.. ప్రిలిమినరీ పరీక్షలు నవంబర్ 2025 లో.. మెయిన్స్ పరీక్షలు డిసెంబర్ 2025 లో ఉండనున్నాయి. అలానే ఇంటర్వ్యూలు 2026లో జనవరి - ఫిబ్రవరి మధ్య ఉండవచ్చని.. ఫైనల్ రిజల్ట్స్ & ప్రొవిజనల్ అలోట్మెంట్ ఏప్రిల్ 2026 లో జరగవచ్చని స్పష్టం చేస్తున్నారు.

English summary

The Institute of Banking Personnel Selection (IBPS) has released the CRP RRB XIV notification for the year 2025-26. As part of this, IBPS has announced that it will fill up posts in Regional Rural Banks.