నీట్- 2025 అడ్మిట్ కార్డ్ విడుదల.. ఎలా డౌన్ లోడ్ చేసుకోవాలో తెలుసా..?

విద్యార్థులకు అలర్ట్. దేశవ్యాప్తంగా వైద్య విద్య కోర్సుల్లో ప్రవేశాలకు సంబంధించిన నీట్‌ 2025 అడ్మిట్ కార్డులు విడుదలయ్యాయి. దేశవ్యాప్తంగా నీట్ యూజీ పరీక్ష మే 4వ తేదీన నిర్వహించనున్నారు. ఈ క్రమంలో అడ్మిట్‌ కార్డులను నేషనల్ టెస్టింగ్ ఏజెన్సీ(ఎన్‌టీఏ) విడుదల చేసింది. ఎలాంటి అవకతవకలు లేకుండా పటిష్ట ఏర్పాట్లు చేస్తోంది.

2025-26 విద్యా సంవత్సరానికి సంబంధించి నీట్‌ 2025 అడ్మిట్ కార్డులు విడుదలయ్యాయి. ఈ పరీక్షకు దరఖాస్తు చేసుకున్న విద్యార్థులు అధికారిక వెబ్‌సైట్‌ https://neet.nta.nic.in/ ద్వారా అడ్మిట్ కార్డులను డౌన్‌లోడ్‌ చేసుకోవచ్చు. మరి అడ్మిట్ కార్డులు ఎలా డౌన్ లోడ్ చేసుకోవాలో ఇక్కడ చూడండి.

ముందుగా విద్యార్థులు అధికారిక వెబ్ సైట్ exams.nta.ac.in/NEET కు వెళ్లండి. ఆ తర్వాత హోమ్ పేజీమీద నీట్ యూజీ అడ్మిట్ కార్డు లింక్ క్లిక్ చేయాలి. ఆ తర్వాత అప్లికేషన్ నంబర్, డేట్ ఆఫ్ బర్త్ ద్వారా లాగిన్ అవ్వాలి. అప్పుడు నీట్ ఎగ్జామ్ అడ్మిట్ కార్డు ఓపెన్ అవుతుంది. ఆ అడ్మిట్ కార్డును డౌన్ లోడ్ చేసుకుని ప్రింట్ తీసుకోవాలి. ఎడ్మిట్ కార్డును కచ్చితంగా పరీక్ష హాల్ లోకి తీసుకువెళ్లాలి. లేదంటే అనుమతి లేదు.

దేశవ్యాప్తంగా మే 04న యూజీసీ నెట్ పరీక్ష జరగనుంది. దేశవ్యాప్తంగా 550 నగరాల్లో సుమారు 5 వేలకు పైగా పరీక్ష కేంద్రాల్లో నీట్‌ యూజీ పరీక్ష నిర్వహించేందుకు ఏర్పాట్లు చేస్తోంది. ఈసారి కూడా ఆఫ్‌లైన్‌ విధానంలోనే పరీక్ష నిర్వహించనున్నారు. దీంతో అన్ని రాష్ట్రాల ప్రభుత్వాలు, అధికారులు పకడ్బందీ ఏర్పాట్లు చేశారు.