తెలంగాణ వైద్యశాఖలో 1,623 పోస్టులకు నోటిఫికేషన్..

తెలంగాణ రాష్ట్ర ప్రభుత్వం వైద్య ఆరోగ్యశాఖలో 1,623 స్పెషలిస్ట్ డాక్టర్ పోస్టుల భర్తీ కోసం నోటిఫికేషన్ విడుదల చేసింది. అందులో భాగంగా తెలంగాణ వైద్య విధాన పరిషత్ పరిధిలోని ఆస్పత్రుల్లో 1,616 పోస్టులు, ఆర్టీసీ ఆస్పత్రుల్లో 7 పోస్టులు భర్తీ చేయనున్నారు.

దరఖాస్తు వివరాలు..

• ఈ భర్తీ ప్రక్రియ ఆన్‌లైన్‌ ద్వారా సెప్టెంబర్ 8 నుండి 22 వరకు జరగనుంది.
• ప్రతి అభ్యర్థి ఒక్కో పోస్టుకు మాత్రమే దరఖాస్తు చేసుకోవాలని సూచించారు.
• ఒకటి కన్నా ఎక్కువ పోస్టులకు దరఖాస్తు చేయాలనుకుంటే వేరే రిజిస్ట్రేషన్ చేసుకోవాల్సి ఉంటుందని స్పష్టం చేశారు.
• అభ్యర్థులు సంబంధిత స్పెషాలిటీ లో అనుభవం మరియు సర్టిఫికేషన్ కలిగి ఉండాలి.
• దరఖాస్తు పూర్తి చేయడానికి అధికారిక వెబ్‌సైట్ లో గైడ్‌లైన్‌లు పాటించాలి.
• దరఖాస్తుల సమీక్ష తరువాత మాత్రమే ఇంటర్వ్యూ, ఎంపిక ప్రక్రియ ప్రారంభమవుతుంది.

ఈ భర్తీ పూర్తయితే, తెలంగాణ వైద్య విధాన పరిషత్ ఆస్పత్రుల్లో స్పెషలిస్ట్ డాక్టర్ సంఖ్య పెరుగుతుందని.. తద్వారా జిల్లా, ఏరియా ఆస్పత్రులు, కమ్యూనిటీ హెల్త్ సెంటర్లలో వైద్య సేవలు మరింత మెరుగ్గా అందుతాయని ఆశాభావం వ్యక్తం అవుతోంది.

ఈ మేరకు వైద్య ఆరోగ్యశాఖ మంత్రి దామోదర రాజనర్సింహ మాట్లాడుతూ.. ఇప్పటికే దాదాపు 8,000 పోస్టులు భర్తీ అయ్యాయని పేర్కొన్నారు. ఇంకా 7,000 పోస్టుల భర్తీ ప్రక్రియ కొనసాగుతుందని చెప్పారు. రాష్ట్రంలో హెల్త్ సర్వీసెస్ మరింత సమర్థవంతంగా మారుతాయని వెల్లడించారు.

English summary

Telangana State Government has issued a notification for the recruitment of 1,623 specialist doctor posts in the Medical and Health Department. As part of this, 1,616 posts will be filled in hospitals under the Telangana Vaidya Vidhan Parishad and 7 posts in RTC hospitals.