రూ.85,920 జీతంతో పంజాబ్ నేషనల్ బ్యాంకులో ఉద్యోగాలు..!

ప్రముఖ పబ్లిక్ సెక్టార్ బ్యాంక్ అయిన పంజాబ్ నేషనల్ బ్యాంక్ (PNB) దేశంలోని నిరుద్యోగ యువతకు తీపికబురు ప్రకటించింది. దేశవ్యాప్తంగా ఉన్న వివిధ శాఖల్లో 750 లోకల్ బ్యాంక్ ఆఫీసర్ (Local Bank Officer - LBO) పోస్టుల భర్తీకి నోటిఫికేషన్ విడుదల చేసింది. అర్హులైన అభ్యర్థులు 2025 నవంబర్ 23వ తేదీలోగా ఆన్‌లైన్ ద్వారా దరఖాస్తు చేసుకోవచ్చు. ఈ పోస్టుల గురించి పూర్తి వివరాలు మీకోసం ప్రత్యేకంగా..

రాష్ట్రాల వారీగా ఖాళీల వివరాలు..

ఆంధ్రప్రదేశ్-05, తెలంగాణ-88, గుజరాత్-95, కర్ణాటక-85, మహారాష్ట్ర-135, తమిళనాడు-85, పశ్చిమ బెంగాల్-90, జమ్మూ & కాశ్మీర్-20, లద్దాఖ్-03, అరుణాచల్ ప్రదేశ్-05, అస్సాం-86, మణిపూర్-08, మేఘాలయ-08, మిజోరం-05, నాగాలాండ్-05, సిక్కిం-05, త్రిపుర-22.

మొత్తం ఖాళీలు..

750

పోస్టు పేరు..

Local Bank Officer (LBO)

వేతనం..

ఈ పోస్టులకు ఎంపికైన అభ్యర్థులకు నెలకు ₹48,480 నుంచి ₹85,920 వరకు వేతనం లభిస్తుంది. దీనికి తోడు DA, HRA, CCA, మెడికల్ అలవెన్సులు, లీవ్ ట్రావెల్ కన్సెషన్, పెన్షన్, గ్రాచ్యుటీ వంటి పలు సౌకర్యాలు కూడా అందించబడతాయి. బ్యాంకింగ్ రంగంలో అనుభవం ఉన్న వారికి అవకాశాలు మరింత వేగంగా లభించే అవకాశం ఉంది.

అర్హతలు..

గుర్తింపు పొందిన యూనివర్సిటీ నుండి డిగ్రీ (గ్రాడ్యుయేషన్) పూర్తి చేసి ఉండాలి. బ్యాంకింగ్ రంగంలో కనీసం 1 సంవత్సరం అనుభవం ఉండాలి. అభ్యర్థులు తాము దరఖాస్తు చేసుకునే రాష్ట్ర స్థానిక భాషలో మాట్లాడటం, చదవడం, రాయడం వచ్చి ఉండాలి.

వయస్సు పరిమితి..

కనిష్ఠ వయస్సు: 20 సంవత్సరాలు

గరిష్ఠ వయస్సు: 30 సంవత్సరాలు

వయోపరిమితిలో సడలింపులు..

ఎస్సీ/ఎస్టీ అభ్యర్థులకు - 5 సంవత్సరాలు

ఓబీసీ అభ్యర్థులకు - 3 సంవత్సరాలు

దివ్యాంగులకు - 10 సంవత్సరాలు

మాజీ సైనికులకు - ప్రభుత్వ నిబంధనల ప్రకారం ప్రత్యేక రాయితీలు ఉంటాయి.

ఎంపిక విధానం..

ఎంపిక నాలుగు దశల్లో జరుగుతుంది:

• ఆన్‌లైన్ రాత పరీక్ష (Online Written Test)
• ఇంటర్వ్యూ (Interview)
• డాక్యుమెంట్ వెరిఫికేషన్ (Document Verification)
• స్థానిక భాషా పరీక్ష (Language Proficiency Test)

రాత పరీక్ష వివరాలు..

మొత్తం మార్కులు: 200

పరీక్షా విభాగాలు..

• రీజనింగ్ అబిలిటీ
• డేటా ఇంటర్‌ప్రిటేషన్
• క్వాంటిటేటివ్ ఆప్టిట్యూడ్
• ఇంగ్లీష్ లాంగ్వేజ్
• జనరల్ అవేర్‌నెస్ (బ్యాంకింగ్ మరియు కరెంట్ అఫైర్స్ సహా)

ప్రతి తప్పు సమాధానానికి 0.25 నెగటివ్ మార్కింగ్ వర్తిస్తుంది.

పరీక్షా సమయం: 120 నిమిషాలు (2 గంటలు)

పరీక్ష పూర్తిగా ఆన్‌లైన్ CBT మోడ్‌లో నిర్వహించబడుతుంది.

దరఖాస్తు విధానం..

అభ్యర్థులు పీఎన్‌బీ అధికారిక వెబ్‌సైట్‌ ద్వారా www.pnbindia.in ఆన్‌లైన్ లో అప్లికేషన్ చేయవచ్చు.

దరఖాస్తు రుసుము..

ఎస్సీ, ఎస్టీ, దివ్యాంగులు - రూ.59

ఇతర అభ్యర్థులు - రూ. 1180

దరఖాస్తు సమయంలో అభ్యర్థులు తమ ఫోటో, సంతకం, ఎడ్యుకేషనల్ సర్టిఫికేట్లు స్కాన్ చేసి అప్లోడ్ చేయాలి.

పరీక్షా కేంద్రాలు..

పరీక్షలు తెలంగాణ, ఆంధ్రప్రదేశ్‌లోని పలు నగరాల్లో నిర్వహించబడతాయి:

• హైదరాబాద్
• వరంగల్
• మహబూబ్‌నగర్
• కరీంనగర్
• ఖమ్మం
• విజయవాడ / గుంటూరు
• విశాఖపట్నం
• తిరుపతి
• రాజమహేంద్రవరం
• శ్రీకాకుళం

దరఖాస్తు ప్రారంభం: 2025 అక్టోబర్ 25

దరఖాస్తు చివరి తేదీ: 2025 నవంబర్ 23

పరీక్షా తేదీలు: 2025 డిసెంబర్ లేదా 2026 జనవరిలో

అడ్మిట్ కార్డులు విడుదల: పరీక్షకు 10 రోజుల ముందు

అదనపు సమాచారం..

• అభ్యర్థులు సమగ్ర బ్యాక్‌గ్రౌండ్ చెకింగ్ తర్వాతే ఫైనల్ సెలెక్షన్ పొందుతారు.
• పీఎన్‌బీ, దేశవ్యాప్తంగా 8,000కి పైగా బ్రాంచులు కలిగి ఉండటంతో, ఉద్యోగ అవకాశాలు విస్తృతంగా లభిస్తాయి.
• ఎంపికైన వారికి శిక్షణ (training) తర్వాత Probation period - 2 సంవత్సరాలు ఉంటుంది.
• పీఎన్‌బీ LBO పోస్టులు, భవిష్యత్తులో Branch Manager లేదా Assistant General Manager ప్రమోషన్‌కి ఉపయోగపడతాయి.

English summary

Punjab National Bank (PNB), a leading public sector bank, has announced good news for the unemployed youth of the country. It has released a notification for the recruitment of 750 Local Bank Officer (LBO) posts in various branches across the country.