నిరుద్యోగులకు గుడ్ న్యూస్.. UPSC- 2026 క్యాలెండర్ విడుదల.. ఏ ఎగ్జామ్ ఎప్పుడో చెక్ చేసుకోండి

కేంద్ర ప్రభుత్వ ఉద్యోగాలకు ప్రిపేర్ అయ్యే అభ్యర్థులకు గుడ్ న్యూస్. యూనియన్ పబ్లిక్ సర్వీస్ కమిషన్ 2026 కు సంబంధించి క్యాలెండర్ విడుదల చేసింది. ఈ క్యాలెండర్ ప్రకారం ఉద్యోగాల భర్తీ చేపట్టనున్నట్లు పేర్కొంది. సివిల్స్, సీడీఎస్, ఐఈఎస్ లాంటి ఉన్నతమైన ఉద్యోగాలకు సంబంధించిన పరీక్షలు ఈ క్యాలెండర్ ద్వారా భర్తీ చేస్తారు. ఈ పరీక్షల కోసం యూపీఎస్సీ ఏటా క్యాలెండర్ విడుదల చేస్తుంది. ఈ క్యాలెండర్ కు అనుగుణంగా అభ్యర్థులు పరీక్షలకు సన్నద్ధం అవుతారు.

నిరుద్యోగులు ఏటా ఎదురుచూసే యూనియన్ పబ్లిక్ సర్వీస్ కమిషన్ 2026 సంబంధించిన క్యాలెండర్ విడుదల అయింది. ఈ క్యాలెండర్ ప్రకారం సివిల్ సర్వీసెస్ ప్రిలిమినరీ పరీక్ష మే 24న నిర్వహించనుంది కమిషన్. ఇక మెయిన్స్ పరీక్షలు ఆగస్టు 21 నుంచి జరగనున్నాయి. ఈ మేరకు తేదీలను కమిషన్ ప్రకటించింది. సివిల్ సర్వీసెస్ పరీక్షకు కమిషన్ అధికారిక నోటిఫికేషన్‌ను జనవరి 14న విడుదల చేయనున్నట్లు క్యాలెండర్ లో పేర్కొంది. ఫిబ్రవరి 3 వరకు దరఖాస్తులు స్వీకరించనున్నట్లు తెలిపింది. మరి ఇంకెందుకు ఆలస్యం అభ్యర్థులు ఈ క్యాలెండర్ ను ఇప్పుడే చూసి ప్రిపరేషన్ మొదలు పెట్టండి.

యూపీఎస్సీ 2026 క్యాలెండర్ ప్రకారం.. ప్రతిష్టాత్మక నేషనల్ డిఫెన్స్ అకాడమీ/నావల్ అకాడమీ(UPSC NDA/NA).. కంబైన్డ్ డిఫెన్స్ సర్వీసెస్ (CDS1) పరీక్ష తేదీని ప్రకటించింది. ఈ పరీక్షను ఏప్రిల్ 12న నిర్వహించనున్నట్లు పేర్కొంది. దీనికి సంబంధించిన నోటిఫికేషన్ ,అప్లికేషన్ ఫామ్ డిసెంబర్ 10న విడుదల చేయనుంది కమిషన్. అభ్యర్థులు డిసెంబర్ 30 వరకు దరఖాస్తు చేసుకోవచ్చు. ఈ పరీక్షల సెకండ్ స్టేజ్ సెప్టెంబర్ 13, 2026న నిర్వహించనున్నట్లు పేర్కొంది.

అలాగే యూపీఎస్సీకి సంబంధించిన సెంట్రల్ ఆర్మ్డ్ పోలీస్ ఫోర్సెస్ (CAPF) పరీక్ష తేదీని కూడా ప్రకటించింది కమిషన్. జూలై 19, 2026న పరీక్షను నిర్వహించనున్నట్లు పేర్కొంది.