నాలుగేళ్లుగా ఆ వ్యాధితో బాధ పడుతున్న - యంగ్ హీరో ఎమోషనల్ పోస్ట్ !!
కోలీవుడ్లో తనదైన నటనతో ప్రత్యేక గుర్తింపు తెచ్చుకున్నారు హీరో విష్ణు విశాల్. వైవిధ్యమైన కథలను ఎంచుకుంటూ తమిళ సినీ పరిశ్రమలో ప్రత్యేక స్థానం సంపాదించుకున్న ఈ నటుడు, తెలుగు ప్రేక్షకులకు కూడా సుపరిచితమే. దగ్గుబాటి రానాతో కలిసి నటించిన 'అరణ్య' చిత్రం తెలుగు ప్రేక్షకులకు మరింత చేరువ చేసింది. అలాగే 'ఎఫ్ఐఆర్' వంటి సినిమాలు కూడా తెలుగు రాష్ట్రాల్లో మంచి స్పందనను అందుకున్నాయి. స్పోర్ట్స్ డ్రామాలు, థ్రిల్లర్లు, యాక్షన్ చిత్రాల్లో నటిస్తూ తనకంటూ ప్రత్యేక ఇమేజ్ను సొంతం చేసుకున్నారు. సినిమాలతో పాటు ఆయన వ్యక్తిగత జీవితం కూడా తరచూ వార్తల్లో నిలుస్తూ ఉంటుంది.
అయితే ఇటీవల విష్ణు విశాల్ ఆరోగ్య పరిస్థితిపై సోషల్ మీడియాలో పలు రకాల ఊహాగానాలు, వదంతులు వైరల్ అయ్యాయి. కొన్ని ఫోటోలు, వీడియోల్లో ఆయన ముఖం అలసిపోయినట్లు కనిపించడంతో అభిమానులు ఆందోళన వ్యక్తం చేశారు. ఈ నేపథ్యంలో తన ఆరోగ్యం గురించి వస్తున్న ప్రచారాలకు స్వయంగా స్పందించిన విష్ణు విశాల్.. తన పరిస్థితిని వివరించే ఎమోషనల్ నోట్ను సోషల్ మీడియాలో పంచుకున్నారు.
"మందుల కారణంగానే శరీరంలో మార్పులు"
సోషల్ మీడియాలో ఆయన చేసిన పోస్టులో.. "మీ అందరి ప్రేమ, ఆప్యాయతలకు ధన్యవాదాలు. నా ముఖం అలసిపోయినట్లు కనిపిస్తోందని చాలామంది అడుగుతున్నారు. గత మూడు నుంచి నాలుగు సంవత్సరాలుగా నేను ఒక ఆటో ఇమ్యూన్ వ్యాధితో పోరాడుతున్నాను. చికిత్సలో భాగంగా తీసుకుంటున్న మందుల కారణంగా కడుపు ఉబ్బరం, శరీరంలో కొన్ని మార్పులు కనిపిస్తున్నాయి. అయితే నా ఆరోగ్యానికి ప్రాధాన్యత ఇవ్వడం ప్రస్తుతం చాలా అవసరం" అని పేర్కొన్నారు.
ఇక విష్ణు విశాల్ హైదరాబాద్కు చెందిన ప్రముఖ భారత బ్యాడ్మింటన్ క్రీడాకారిణి Jwala Guttaను ప్రేమించి వివాహం చేసుకున్నారు. ఈ జంట సోషల్ మీడియాలో తరచూ తమ వ్యక్తిగత జీవితానికి సంబంధించిన విషయాలను అభిమానులతో పంచుకుంటూ ఉంటుంది. ప్రస్తుతం ఆయన 'గట్ట కుస్తీ 2' (తెలుగులో 'మట్టి కుస్తీ 2') విడుదలకు సిద్ధమవుతోంది. ఆరోగ్య సమస్యలు ఉన్నప్పటికీ సినిమా కోసం పనిచేసిన ప్రతి ఒక్కరి కష్టాన్ని గౌరవిస్తూ ప్రమోషన్లలో పాల్గొంటున్నానని ఆయన వెల్లడించారు.
సినీ ప్రముఖులు & అభిమానుల మద్దతు..
విష్ణు విశాల్ పోస్ట్ వైరల్ కావడంతో సినీ ప్రముఖులు, అభిమానులు పెద్ద ఎత్తున స్పందిస్తున్నారు. ఆయన త్వరగా కోలుకోవాలని ఆకాంక్షిస్తూ సోషల్ మీడియాలో శుభాకాంక్షలు తెలుపుతున్నారు. ఆటో ఇమ్యూన్ వ్యాధితో పోరాడుతూ కూడా కెరీర్పై దృష్టి పెట్టిన ఆయన ధైర్యాన్ని పలువురు ప్రశంసిస్తున్నారు. ప్రస్తుతం ఈ ఎమోషనల్ పోస్ట్ సోషల్ మీడియాలో వైరల్ అవుతుండగా, అభిమానులందరూ ఆయన త్వరగా కోలుకుని మళ్లీ పూర్తి ఆరోగ్యంతో సినిమాల్లో మెరవాలని ఆకాంక్షిస్తున్నారు.
Click it and Unblock the Notifications
Sign in with Google