అవకాశం కోసం వెళ్తే..బట్టలిప్పి అవి చూపించమన్నాడు..దర్శకుడిపై హీరోయిన్ షాకింగ్ కామెంట్స్

బాలీవుడ్ దర్శకుడు సాజిద్ ఖాన్‌పై బుల్లితెర నటి నవీనా బోలే సంచలన ఆరోపణలు చేశారు. 2004-05 సమయంలో ఒక ప్రాజెక్ట్ కోసం తనను పిలిచిన సాజిద్ ఖాన్ అసభ్యంగా ప్రవర్తించాడని ఆమె ఆవేదన వ్యక్తం చేశారు. అప్పటికే పేరున్న దర్శకుడి నుంచి పిలుపు రావడంతో సంతోషంగా వెళ్లిన నవీనాకు అక్కడ ఎదురైన అనుభవం షాక్‌కు గురిచేసింది.

ప్రాజెక్ట్ గురించి మాట్లాడాలని పిలిచి, తన దుస్తులు తీసేసి పక్కన కూర్చోమని సాజిద్ ఖాన్ ఆదేశించాడని నవీనా బోలే తెలిపారు. దుస్తులు లేకుండా నా బాడీ ఎంత కంఫర్టబుల్‌గా ఉంటుందో చూడాలని అతను కోరాడు.దీంతో సాజిద్ ఖాన్ నిజ స్వరూపం ,మహిళల పట్ల అతని ప్రవర్తన ఎలా ఉంటుందో ఆమెకు అప్పుడే అర్థమైంది. ఈ సంఘటనతో తీవ్రంగా కలత చెందిన నవీనా వెంటనే అక్కడి నుంచి వెళ్లిపోయి, అతని ఫోన్ నెంబర్‌ను బ్లాక్ చేసింది.

తాజాగా ఒక ఇంటర్వ్యూలో ఈ చేదు అనుభవాన్ని పంచుకున్న నవీనా, ఇండస్ట్రీలో పైకి కనిపించేంత మంచివారు కాదని కొందరు దర్శకులు ప్రవర్తిస్తున్న తీరు ఆందోళన కలిగిస్తోందని అన్నారు. ఎన్నో ఆశలతో ఇండస్ట్రీకి వచ్చే అమ్మాయిలు ఇలాంటి వారి వల్ల భయపడిపోతారని ఆమె ఆవేదన వ్యక్తం చేశారు.

నవీనా బోలే చేసిన ఈ ఆరోపణలు బాలీవుడ్ ఇండస్ట్రీలో కలకలం రేపుతున్నాయి. గతంలో కూడా సాజిద్ ఖాన్‌పై పలువురు నటీమణులు లైంగిక వేధింపుల ఆరోపణలు చేసిన విషయం తెలిసిందే. అయితే, ఈసారి నవీనా ధైర్యంగా తన అనుభవాన్ని బయటపెట్టడంతో ఈ విషయం మరోసారి చర్చనీయాంశంగా మారింది. సాజిద్ ఖాన్ ఈ ఆరోపణలపై ఎలా స్పందిస్తారో చూడాల్సి ఉంది. ఏది ఏమైనప్పటికీ, నవీనా బోలే ధైర్యాన్ని పలువురు మెచ్చుకుంటున్నారు.

English summary

TV actor Navina Bole has come forward with allegations against filmmaker Sajid Khan, accusing him of inappropriate behaviour.