ఈ సినిమా ఇంటర్వెల్, క్లైమాక్స్ చూస్తే థ్రిల్ అయిపోవడం పక్కా..!
భవ్య శ్రీ మూవీ మేకర్స్, నక్కిన నెరేటివ్స్ బ్యానర్లపై తెరకెక్కిన తాజా చిత్రం 'అనకాపల్లి'. ఎంతో ఆసక్తిని రేకెత్తిస్తున్న ఈ రా అండ్ రస్టిక్ మూవీ అక్టోబర్ 2న ప్రపంచ వ్యాప్తంగా ఘనంగా విడుదల కానుంది. ఈ నేపథ్యంలో చిత్ర యూనిట్ నిర్వహించిన మీడియా సమావేశం సినిమాపై అంచనాలను భారీగా పెంచేసింది. గ్రామీణ వాతావరణం, నేటివిటీకి తగ్గట్టుగా ఈ సినిమాను పూర్తిగా రా అండ్ రస్టిక్‌గా దర్శకుడు ఖగేష్ తమ్మినేని తెరకెక్కించారు.
ఈ చిత్రానికి సంబంధించి ఇంటర్వెల్ బ్లాక్, క్లైమాక్స్ ఎపిసోడ్స్ అత్యంత కీలకంగా నిలవనున్నాయి. ముఖ్యంగా ఇంటర్వెల్‌లో వచ్చే ట్విస్ట్ ఊహించని విధంగా ఉంటుందని, క్లైమాక్స్ ఎమోషనల్‌గా ఉండి అందరినీ కదిలిస్తుందని మేకర్స్ ధీమా వ్యక్తం చేస్తున్నారు. విక్రమ్ సహిదేవ్ ఈ సినిమా కోసం చాలా కష్టపడి సరికొత్త లుక్‌లో కనిపించనున్నారు. సంధ్యా వశిష్ట నటన ఈ చిత్రానికి ప్రధాన ఆకర్షణగా నిలవనుండగా, తారక్ పొన్నప్ప తన పవర్‌ఫుల్ విలనిజంతో ప్రేక్షకులను భయపెట్టడం ఖాయం. ఇంద్రజ తదితరుల పాత్రలు కూడా కథను మరింత బలోపేతం చేశాయి.
ముఖ దర్శకుడు త్రినాథరావు నక్కిన అందించిన కథ, స్క్రీన్ ప్లే ఈ చిత్రానికి పెద్ద ఎస్సెట్. 'మేం వయసుకు వచ్చాం' తర్వాత త్రినాథరావు నుండి వస్తున్న అద్భుతమైన ఫీల్ గుడ్ లవ్ స్టోరీ , ఫ్యామిలీ డ్రామా ఇది. చిత్ర నిర్మాత కాండ్రేగుల నాయుడు, కో-ప్రొడ్యూసర్ కాండ్రేగుల కుమార్ రాజా ప్యాషన్‌తో ఈ సినిమాను ప్రేక్షకుల ముందుకు తీసుకువస్తున్నారు. లగడపాటి శ్రీధర్ సపోర్ట్‌తో పాటు, ఇప్పటికే ఓపెన్ అయిన బుకింగ్స్‌కు వస్తున్న అద్భుతమైన స్పందన చూస్తుంటే 'అనకాపల్లి' బాక్సాఫీస్ వద్ద విజయం సాధించడం ఖాయంగా కనిపిస్తోంది.
Click it and Unblock the Notifications
Sign in with Google
