రెండో సారి త‌ల్లి కాబోతున్నఅనుష్క‌శ‌ర్మ...ఇది నిజ‌మేనా..!

బాలీవుడ్‌లో ఎన్నో మంచి సినిమాల్లో న‌టించి గొప్ప‌న‌టిగా పేరు సంపాదించుకున్న అనుష్క శ‌ర్మ‌. ఈ మ‌ధ్య‌కాలంలో సినిమాల‌కు కాస్త దూరంగానే ఉన్నారు. అయితే, ఆమె ఎక్కువ‌గా కూతురు వామిక‌కే స‌మ‌యం కేటాయిస్తున్న‌ట్లు తెలుస్తోంది. కోహ్లీ, అనుష్క‌శ‌ర్మ త‌మ గారాల ప‌ట్టి వామిక‌ను మాత్రం మీడియాకు దూరంగా ఉంచుతున్నారు. మరికొన్ని రోజుల్లో వన్డే ప్రపంచకప్ జరగబోతోంది. ఈ మెగా పోటీల్లో భారత్ తరఫున అత్యుత్తమ ప్రదర్శన చేసేందుకు.. దేశాన్ని ఛాంపియన్ గా నిలిపేందుకు ప్లేయర్ విరాట్ కోహ్లీ సిద్ధమవుతున్నాడు. ఈ సమయంలోనే విరాట్, అనుష్క ఇంటి నుంచి ఓ గుడ్‌న్యూస్ బయటకు వచ్చింది. విరాట్ కోహ్లీ, అనుష్క శర్మ రెండో బిడ్డకు జన్మనివ్వబోతున్నారు. అయితే దీనికి సంబంధించి ఎలాంటి అధికారిక సమాచారం వెల్లడి కాలేదు. కోహ్లి కానీ, అనుష్క కానీ ఈ విష‌యంపై అధికారికంగా ఇంత వ‌ర‌కూ ఎలాంటి ప్ర‌క‌ట‌న చేయ‌లేదు. కాబ‌ట్టి ఇందులో వాస్త‌వ‌మెంతో తెలీదు.

రెండోసారి త‌ల్లి కాబోతున్న న‌టి : హిందుస్తాన్ టైమ్స్ ప్ర‌కారం.. అనుష్క రెండోసారి తల్లి కాబోతోంది. విరాట్ కోహ్లి మరోసారి తండ్రి కాబోతున్నాడు. వీరిద్ద‌రూ 2017 లో పెళ్లి చేసుకున్నారు. వారిద్దరూ రిలేషన్ లో ఉన్న విషయంలో సోషల్ మీడియాలో చాలా పుకార్లే వ‌చ్చాయి. ఆ త‌ర్వాత వారు పెళ్లి చేసుకున్నారు. పెళ్లి అయిన 4 సంవత్సరాల తర్వాత విరుష్క జంట కుమార్తెకు జన్మనిచ్చింది. ఇప్పుడు రెండో బిడ్డకు జన్మనివ్వడానికి సిద్ధమైనట్లు వార్తలు వస్తున్నాయి. అయితే గతసారి మాదిరిగానే ఈసారి కూడా ఈ గుడ్ న్యూస్ ను కాస్తంత ఆలస్యంగా ప్రకటించే అవకాశాలు ఉన్నట్లు మీడియా వ‌ర్గాల్లో వినిపిస్తోంది. విరాట్ కోహ్లి - అనుష్క జంట 2021 జనవరిలో తన మొదటి బిడ్డకు జన్మనిచ్చింది. మొదటి సంతానం ఆడపిల్ల. కోహ్లి- అనుష్క తమ కుమార్తెకు విరాట్ కోహ్లి, అనుష్క శర్మ పేర్లు కలిసేలా వామిక అనే పేరు పెట్టారు.

గోప్యంగా కూతురి ఫోటోలు : వామికను ఇప్పటి వరకు ప్రజలకు, మీడియాకు దూరంగానే ఉంచింది ఈ జంట. వామిక ముఖాన్ని చూపే ఫోటోలు ఇప్పటి వరకు ఎక్కడా కనిపించలేదు. సోషల్ మీడియాలో ఎప్పుడూ యాక్టివ్ గా ఉండే విరాట్ కోహ్లీ, అనుష్క శర్మ.. తమ కుమార్తెకు సంబంధించి ఏ ఫోటోను పోస్టు చేయలేదు. తమ కుమార్తె విషయంలో కోహ్లీ- అనుష్క చాలా గోప్యంగా ఉంచుతున్నారు. తమ బిడ్డకు అర్థం చేసుకునే పరిజ్ఞానం వచ్చి, తనే సొంతంగా ఎంపిక చేసుకునే వరకు సోషల్ మీడియాకు దూరంగా ఉంచాలని నిర్ణయించుకున్నట్లు విరాట్ కోహ్లీ- అనుష్క గతంలో ప్ర‌క‌టించిన సంగ‌తి తెలిసిందే.

అయితే, మీడియా క‌థ‌నాల ప్ర‌కారం.. కొన్ని రోజుల ముందు అనుష్క‌శ‌ర్మ, కోహ్లీ ఒక మెట‌ర్నిటి క్లీనిక్ దగ్గ‌ర మీడియా ఫోటోగ్రాఫ‌ర్ల‌కు క‌నిపించిన‌ట్లు తెలుస్తోంది. అయితే, త్వ‌ర‌లోనే ఈ విష‌యంపై సోష‌ల్‌మీడియాలో ప్ర‌క‌టిస్తాం. అంత‌వ‌ర‌కూ ఈ ఫోటోలు లీక్ చేయొద్దంటూ మీడియా వారిని ఈ జంట రిక్వెస్ట్ చేసిన‌ట్లు తెలుస్తోంది. చాలా రోజుల నుండి అనుష్క‌శ‌ర్మ కూడా మీడియాకు దూరంగా ఉన్నారు. ఏది ఏమైనా త్వ‌ర‌లోనే ఈ జంట గుడ్‌న్యూస్ చెప్ప‌బోతున్నార‌నే వార్త‌ల‌యితే వినిపిస్తున్నాయి.

English summary

Virat Kohli and Anushka Sharma are going to give birth to their second child. However, no official information regarding this has been revealed. Neither Kohli nor Anushka has made any official announcement on this matter so far