2026లో బాక్సాఫీస్‌ను షేక్ చేసిన సినిమాలు ఇవే

2026 సంవత్సరం మరో నెలరోజుల్లో ముగియనుంది. ఈ ఏడాది థియేటర్లలో విడుదలైన కొన్ని సినిమాలు బాక్సాఫీస్ వద్ద ఊహించని వసూళ్లతో సత్తా చాటాయి. వేల కోట్ల కలెక్షన్లు, తక్కువ బడ్జెట్‌తో భారీ లాభాల జాబితాలో 6 సినిమాలు నిలిచాయి. వాటి వివరాలను తెలుసుకుందాం.

అగ్రస్థానంలో 'ధురంధర్ 2', దూకుడు మీదున్న 'రామాయణ'

ఈ ఏడాది మార్చిలో ప్రేక్షకుల ముందుకొచ్చిన రణ్‌వీర్ సింగ్ చిత్రం 'ధురంధర్ 2' బాక్సాఫీస్ వద్ద భారీ వసూళ్లు రాబట్టింది. ప్రపంచవ్యాప్తంగా రూ. 1,813.39 కోట్ల కలెక్షన్లు సాధించిన ఈ సినిమా, ఇండియాలో రూ. 1,375.39 కోట్ల గ్రాస్, రూ. 1,149.30 కోట్ల నెట్ వసూళ్లను నమోదు చేసింది. ఇందులో అర్జున్ రాంపాల్, సారా అర్జున్, రాకేష్ బేడీ, ఆర్. మాధవన్ కీలక పాత్రల్లో కనిపించారు. మరోవైపు విడుదలై 14 రోజులే అయిన 'రామాయణ' సినిమా రికార్డు వేగంతో వసూళ్లు సాధిస్తోంది. ఇప్పటివరకు ప్రపంచవ్యాప్తంగా రూ. 1,519.05 కోట్లు రాబట్టిన ఈ చిత్రం, ఇండియాలో రూ. 1,009.05 కోట్ల గ్రాస్, రూ. 844.40 కోట్ల నెట్ కలెక్షన్లు సాధించింది. రణబీర్ కపూర్, యష్, సాయి పల్లవి, రవి దూబే ప్రధాన పాత్రల్లో నటించారు.

Box Office Blockbusters of 2026 These Are the Films That Took the Box Office by Storm

తమిళ, థ్రిల్లర్ చిత్రాల సత్తా

సూపర్ స్టార్ రజనీకాంత్, దర్శకుడు నెల్సన్ దిలీప్‌కుమార్ కాంబినేషన్‌లో వచ్చిన 'జైలర్ 2' ఈ ఏడాది అత్యధిక వసూళ్లు సాధించిన తమిళ చిత్రంగా నిలిచింది. ఈ సినిమా ప్రపంచవ్యాప్తంగా సుమారు రూ. 826.74 కోట్లు వసూలు చేసింది. అజయ్ దేవగణ్, జైదీప్ అహ్లావత్, టబు ప్రధాన పాత్రల్లో నటించిన క్రైమ్ థ్రిల్లర్ 'దృశ్యం: ది కన్‌క్లూజన్' కూడా మంచి వసూళ్లతో ఆకట్టుకుంది. ప్రపంచవ్యాప్తంగా రూ. 589.16 కోట్లు రాబట్టిన ఈ చిత్రం, ఇండియాలో రూ. 455.96 కోట్ల గ్రాస్, రూ. 380.86 కోట్ల నెట్ కలెక్షన్లు సాధించింది.

తక్కువ బడ్జెట్.. భారీ లాభాలు

నీమ్ కరోలి బాబా జీవితం ఆధారంగా శోభినవ్ సత్య హీరోగా తెరకెక్కిన 'హనుమాన్ అంశ్' కేవలం రూ. 2 కోట్ల బడ్జెట్‌తో రూపొంది, ప్రపంచవ్యాప్తంగా రూ. 452.53 కోట్లు వసూలు చేసి భారీ లాభాలు తెచ్చిపెట్టింది. ఇండియాలో దీని గ్రాస్ కలెక్షన్ రూ. 403.73 కోట్లు కాగా, నెట్ కలెక్షన్ రూ. 342.15 కోట్లుగా ఉంది. సన్నీ డియోల్, దిల్జిత్ దోసాంజ్, వరుణ్ ధావన్, అహాన్ శెట్టి ముఖ్య పాత్రల్లో నటించిన 'బార్డర్ 2' కూడా బాక్సాఫీస్ వద్ద నిలిచింది. ప్రపంచవ్యాప్తంగా రూ. 449.44 కోట్ల కలెక్షన్లు సాధించిన ఈ సినిమా, ఇండియాలో రూ. 392.19 కోట్ల గ్రాస్, రూ. 328.33 కోట్ల నెట్ వసూళ్లను రాబట్టింది. మొత్తంగా 2026 బాక్సాఫీస్ వద్ద ఈ ఆరు సినిమాలు తమ వసూళ్లతో ప్రత్యేక గుర్తింపు సాధించాయి.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+