Gunde Ninda Gudi Gantalu September 4th: బర్త్ డే ప్లాన్.. మీనాతో పనులు చేయించి రివేంజ్ తీర్చుకున్న సంజూ !

Updated: Thursday, September 4, 2025, 16:56 [IST]

ప్రముఖ ఛానల్‌లో ప్రసారం అవుతున్న "గుండెనిండా గుడిగంటలు" సీరియల్ ప్రత్యేక గుర్తింపు తెచ్చుకుంది. కుటుంబ బంధాలు, విభేదాలు, ప్రేమ వంటి అన్నీ ఎమోషన్స్ కలిపి.. ఈ సీరియల్ రోజురోజుకూ ఆసక్తికరమైన మలుపులతో ప్రేక్షకులను ఆకట్టుకుంటోంది. ఇప్పటికే 500 ఎపిసోడ్స్ పూర్తి చేసుకున్న ఈ సీరియల్ ప్రతి ఎపిసోడ్‌లో అనూహ్య ట్విస్ట్‌లు, కుటుంబ సభ్యుల మధ్య సీక్రెట్ గేమ్‌లతో ఆడియన్స్ కి మంచిగా కనెక్ట్ అవుతోంది.

ఈ క్రమంలోనే సెప్టెంబర్ 4, 2025న ప్రసారమైన ఎపిసోడ్‌లో ఊహించని ట్విస్ట్ లు ప్రేక్షకులను అలరించాయి. కుటుంబంలో పుట్టినరోజు వేడుకల ఏర్పాట్లు, అల్లుడు సంజూ అహంకారం, మీనా-సంజూ మధ్య పాత విషయాలు ఎపిసోడ్ ని మరింత రసవత్తరంగా మార్చాయి.

gunde-ninda-gudi-gantalu-september-4th-episode-deatils

పుట్టినరోజు ప్లాన్

సెప్టెంబర్ 4, 2025న ప్రసారమైన ఎపిసోడ్‌లో కథ పుట్టినరోజు వేడుకలతో మొదలైంది. బాలు ఇంట్లో శ్రుతి, రవి, సుశీల, సత్యం కలిసి ఒక రహస్య బర్త్‌డే ప్లాన్ చేస్తున్నారు. మనోజ్, ప్రభావతి వారి మాటలు విని ఏదో ఆరా తీయాలని ప్రయత్నిస్తుండగా, బాలు అకస్మాత్తుగా రావడంతో చర్చ ఆగిపోతుంది. మీనా వంటగదిలో ఉండటం వల్ల మొత్తం ప్లాన్ సస్పెన్స్‌లోనే ఉంటుంది.

మౌనిక - సంజూ ఎంట్రీ..

ఈ సమయంలో మౌనిక, సంజూ కారు ఇంటి ముందు ఆగుతుంది. మౌనిక లోపలికి వచ్చి అందరినీ "అమ్మా" అంటూ పలకరించగానే ఇంట్లో వారంతా ఆమె చుట్టూ చేరతారు. కానీ సంజూ మాత్రం కోపంగా బయటే నిలబడి, "స్టాపిట్" అంటూ గట్టిగా అరిచి తన అసంతృప్తిని చూపిస్తాడు. తాను గౌరవించబడలేదనే భావనతో మరింత ఆగ్రహం వ్యక్తం చేస్తాడు.

సత్యం నచ్చజెప్పడం..

సంజూ లోపలికి రాకపోవడంతో ప్రభావతి ఆందోళన చెందుతుంది. సత్యం ముందుకు వచ్చి, మాట్లాడి అతన్ని నచ్చజెప్పి లోపలికి తీసుకువస్తాడు. సంజూ నీళ్లు అడగగా, ప్రభావతి మీనాని పిలుస్తుంది. కానీ మీనా కదలకపోవడంతో వాతావరణం మరింత టెన్షన్‌గా మారుతుంది. చివరికి ప్రభావతి స్వయంగా నీళ్లు ఇస్తుంది. సంజూ తన అహంకారాన్ని చాటుకోవడానికి కావాలనే కాఫీ కూడా అడుగుతాడు. మౌనిక సైగ చేయడంతో మీనా చివరికి కాఫీ తెస్తుంది. సంజూ పొగరుగా కూర్చుని, "ఇంటి కోడళ్ళను తన మాట వింటున్నట్టు చేసుకున్నాననే చూపు" ఇస్తూ కాఫీ తాగుతాడు. ఇది చూసి సుశీల, సత్యం ఆశ్చర్యానికి గురవుతారు. బాలు మాత్రం నిశ్శబ్దంగా గమనిస్తాడు.

కార్ సీజ్ - కొత్త వివాదం..

ఆ తరువాత సంజూ, "మీ కారు సీజ్ చేయించారట కదా?" అని బాలుని రెచ్చగొడతాడు. దీనికి బాలు చిరునవ్వుతో, తన తప్పు లేదని, మరో వీడియో చేసి నిజాన్ని బయటపెట్టానని చెబుతాడు. ఇక్కడ మీనా జోక్యం చేసుకుని సంజూకి గట్టిగా కౌంటర్ ఇస్తుంది - "నా భర్తను ఇరికించాలని ఒక వడ్డీ వ్యాపారి చేసిన పన్నాగం అది, వాడు ఇప్పుడు జైలులో ఉన్నాడు. ఇక నా భర్త జోలికి ఎవరూ రావాలని తలచినా కుదరదు" అని ధైర్యంగా చెబుతుంది.

అల్లుడు - అత్తమామల మధ్య టెన్షన్..

మీనా మాటలకు సంజూ మరింత కోపగించుకుంటాడు. ఈ సందర్భంగా సుశీల ప్రభావతిని గమనిస్తూ, "నీ అల్లుడికి నీకున్నంత నోటి దూల ఉంది" అంటూ సెటైర్ వేస్తుంది. ఇంట్లో వాతావరణం గందరగోళంగా మారిపోతుంది. సంజూ రాత్రి తాను ఎక్కడ ఉండాలో పొగరుగా అడగగా, మౌనిక అతన్ని తీసుకువెళ్లిపోతుంది. దీంతో ఇంట్లో మిగతా వారు ఊపిరి పీల్చుకుంటారు.

కమింగ్ అప్..

తదుపరి ఎపిసోడ్‌లో, బాలు, శ్రుతి, రవి కలిసి మౌనికను పైన కూర్చోబెట్టుకుని సంజూ గురించి రహస్యంగా మాట్లాడుతారు. కానీ ఆ సంభాషణను సంజూ రహస్యంగా విని షాక్ అవుతాడు. ఈ ట్విస్ట్ సీరియల్‌ను మరింత ఆసక్తికరంగా మార్చబోతుందని స్పష్టంగా తెలుస్తోంది.