సెంట్రల్ జైల్లో ఒకే సెల్ లో హీరో, హీరోయిన్ ?, అక్కడా వదల్లేదా, సీసీటీవీ క్లిప్పింగ్ లో ?

శ్యాండిల్ వుడ్ ఛాలెంజింగ్ స్టార్ దర్శన్ తూగుదీప అలియాస్ దర్శన్ కొంతకాలం క్రితం అతని స్నేహితురాలు, నటి పవిత్ర గౌడకు అసభ్యకరమైన సందేశాలు పంపాడనే ఆరోపణలతో రేణుకాస్వామి అనే యువకుడిని హత్య చేసినట్లు ఆరోపణలు ఎదుర్కొంటున్నారు. హత్యకేసులో నిందితులుగా పరప్పన అగ్రహార సెంట్రల్ జైల్లో ఉన్న హీరో దర్శన్, నటి పవిత్ర గౌడ్ ఒకే సెల్ లో ఉన్నారని ఆరోపణలు రావడం కలకలం రేపుతోంది.

బెంగళూరు నగర శివార్లలోని పరప్ప అగ్రహార సెంట్రల్ జైలులో హీరో దర్శన్, హీరోయిన్ పవిత్ర గౌడ ఒకే సెల్ లో కాలం గడుపుతున్నారని ఆరోపణలు రావడం కర్ణాటకలో తీవ్ర చర్చకు దారితీసింది. హత్య కేసులో అరెస్టు అయిన ఏ1 ఆరోపి పవిత్ర గౌడ, ఏ2 ఆరోపి హీరో దర్శన్ ఇద్దరూ సెంట్రల్ జైల్లో ఒకే గదిలో ఉన్నారని ఆరోపణలు వినిపిస్తున్నాయి. డబ్బులు ఉంటే పరప్ప అగ్రహార జైలులో ఇలాంటి సాధ్యం అవుతాయని మరోసారి వెలుగు చూడటం హాట్ టాపిక్ అయ్యింది.

పరప్పన అగ్రహార సెంట్రల్ జైల్లో ఉన్న హీరో దర్శన్ కు అన్ని రకాల సేవలు, రాచమర్యాదలు అందుతున్నాయని గత మూడు వారాల నుంచి ఆరోపణలు వినిపిస్తున్నాయి. పరప్ప అగ్రహార సెంట్రల్ జైలుపై ఆరోపణలు రావడం ఇప్పుడు కొత్తకాదు. పరప్పన అగ్రహార సెంట్రల్ జైల విషయంలో గతంలో ఐపీఎస్ అధికారి డి. రూప అనేక ఆరోపణలు చేశారు. కొన్ని సంవత్సరాల క్రితం పరప్పన అగ్రహార సెంట్రల్ జైలులో ఆకస్మికంగా సోదాలు చేసిన డి. రూప జైలులోని బ్యారెక్ ల్లో గంజాయి, గంజాయి, కత్తులు, చాకులు వంటి వస్తువులను స్వాధీనం చేసుకున్నారు.

ఆ సందర్బంలో అక్రమాస్తుల కేసులో జైలు శిక్ష అనుభవిస్తున్న తమిళనాడు దివంగత ముఖ్యమంత్రి జయలలిత ప్రాణస్నేహితురాలు శశికళ నటరాజన్ కు రాచమర్యాదలు అందుతున్నాయని ఐపీఎస్ అధికారిణి డి రూప ఆరోపణలు చెయ్యడం అప్పటి కర్ణాటక ప్రభుత్వాన్ని కుదిపేసింది. పరప్ప అగ్రహార జైలులో డబ్బులు చెల్లిస్తే ఏమైనా దొరుకుతుందన్న మాట నిజమైందని మరోసారి వెలుగు చూడటం ఇప్పుడు మరోసారి చర్చకు తెరలేపింది.

హీరో దర్శన్, అతని గర్ల్ ఫ్రెండ్ పవిత్ర గౌడ ఒకే గదిలో ఉన్నారని ఆరోపణలు వస్తున్నాయి. ఈ ఆరోపణలను ఖండించడానికి సెంట్రల్ జైలులోని సీసీటీవీ కెమెరాల క్లిప్పింగ్ బయటపెట్టాలని పలువురు డిమాండ్ చేస్తున్నారు హీరో దర్శన్ చాలా ప్రభావవంతమైన వ్యక్తి. కన్నడ సినిమాల ద్వారా నటుడిగా ఎదిగిన దర్శన్ వందల కోట్ల రూపాయల ఆస్తులు సంపాదించాడని సోషల్ మీడియాలో చర్చ జరుగుతోంది. హత్య కేసులో దర్శన్ పరప్ప అగ్రహార సెంట్రల్ జైలుకు చేరిన తర్వాత జైలు లోపల ఆయనకు బిర్యానీలతో పాటు ఆయన కోరుకున్న ఆహార పదార్థాలు అందుతున్నాయని ఆరోపణలు ఉన్నాయి

ఇప్పుడు నటి పవిత్ర గౌడ, హీరో దర్శన్‌లను ఒకే గదిలో ఉంచారని తీవ్ర ఆరోపణలు వినిపిస్తున్నాయి. ఈ ఆరోపణలు కూడా సంచలనం సృష్టించాయి. హీరో దర్శన్ ఇప్పుడు పరప్ప అగ్రహార సెంట్రల్ జైల్లో వీవీఐపీ సెల్‌లో ఉన్నట్లు సమాచారం. అందువల్ల పరప్ప అగ్రహారంలోని వీవీఐపీ జైలు గదులకు ప్రత్యేకమైన, అత్యాధునిక భద్రత ఉంది. అదే స్థలంలో సీసీటీవీ కెమెరాలు కూడా ఉన్నాయి. ఇప్పుడు వినిపిస్తున్న ఆరోపణలపై విచారణ జరపాలంటే పరప్ప అగ్రహార సెంట్రల్ జైలులోని వీవీఐపీల గదుల సమీపంలో ఉన్న సీసీటీవీ కెమెరాలను ఉన్నతాధికారులు తనిఖీ చేయాలన్న డిమాండ్‌ వినిపిస్తోంది.

English summary

Sandlewood hero Darshan and Kannada actress Pavitra Gowda staying in the same cell in Parappana Agrahara Central Jail?