హృతిక్ రోషన్, దీపికా పదుకొనే రెమ్యునరేషన్ తెలుసా?

హృతిక్ రోషన్ హీరోగా, దీపిక పదుకొనే హీరోయిన్ గా నటించిన ఏవియేషన్ యాక్షన్ ఎంటర్ టైనర్ "ఫైటర్" 25న విడుదలైన సంగతి తెలిసిందే. ప్రేక్షకుల నుంచి మంచి రెస్పాన్స్ దక్కించుకుంటోంది. ఈ సినిమా కోసం హీరో హీరోయిన్లు తీసుకున్న రెమ్యునరేషన్ గురించి దేశవ్యాప్తంగా చర్చ నడుస్తోంది. వీరిద్దరూ భారీగా పారితోషికం అందుకున్నట్లు పరిశ్రమ వర్గాలు చెబుతున్నాయి.

బాలీవుడ్ స్టార్ డైరెక్టర్ సిద్ధార్థ్ ఆనంద్ దర్శకత్వంలో హృతిక్ రోషన్, దీపికా పదుకొనే జంటగా వహించిన చిత్రం "ఫైటర్". దేశభక్తి నేపథ్యంలో రూపొందింది. ఆనంద్ ముందు సినిమా పఠాన్ కూడా ఇదేరోజున విడుదలై రూ.1000 కోట్లకు పైగా కలెక్షన్లు కొల్లగొట్టింది. "ఫైటర్" మూవీని కూడా జనవరి 25నే విడుదల చేశారు. సినిమా బడ్జెట్ రూ.250 కోట్లు. ఇందులో ఎక్కువ భాగం యాక్షన్ సన్నివేశాలకే ఖర్చుపెట్టారు.

ఈ సినిమా కోసం హృతిక్ రూ.50 కోట్లు, దీపికా పదుకొనే రూ.15 కోట్లు పారితోషికంగా తీసుకున్నట్లు సమాచారం. మిగతా హీరోలతో పోలిస్తే హృతిక్ తక్కువగానే తీసుకున్నారు. ఇందుకు కారణం ఇటీవల ఎటువంటి హిట్స్ లేకపోవడమే. అయితే దీపికాకు రూ.15 కోట్లంటే విశేషమే అంటున్నారు. యాక్షన్ సినిమాలకు కేరాఫ్ అడ్రస్ గా మారిపోయిన సిద్ధార్థ్ మరోసారి సూపర్ గా సినిమా తీశాడని, మూవీలో హృతిక్, దీపిక కెమిస్ట్రీ అదిరిపోయిందంటున్నారు. ఈ సినిమాలో కీలక పాత్ర పోషించిన అనిల్ కపూర్ రూ.7 కోట్లు, కరెంట్ సింగ్ గ్రోవర్ రూ.2కోట్లు అందుకున్నారు. మొదటిరోజు ఆశించిన స్థాయిలో కలెక్షన్లు రాలేదు. అయితే రివ్యూలన్నీ పాజిటివ్ గా ఉండటంతోపాటు రిపబ్లిక్ డే సెలవు ఉండటంతో ఈ సినిమాకు కలిసివస్తాయని భావిస్తున్నారు.

English summary

It is reported that Hrithik has received Rs.50 crores and Deepika Padukone has received Rs.15 crores for the movie Fighter which was released on 25th of this month.