ఆ సినిమాను 14 ఏళ్ల పాటు ఘాట్ చేశారా.. బడ్జెట్ ఎన్ని కోట్లంటే ?

కాలానుగుణంగా చిత్రపరిశ్రమ ఎన్నో మార్పులు చవిచూస్తూ, సాంకేతికత, బడ్జెట్, కథానికల పరంగా వేగంగా అభివృద్ధి చెందుతోంది. నేడు ఇండియన్ సినిమాలు అంతర్జాతీయంగా కూడా విశేష గుర్తింపు పొందుతున్నాయి. విదేశాల్లోనూ మన చిత్రాలు భారీ కలెక్షన్లు సాధిస్తున్నాయి. అయినప్పటికీ, గతంలో తీసిన కొన్ని సినిమాలు ఇప్పటికీ ప్రేక్షకుల మనసుల్లో చెరగని ముద్ర వేసేలా నిలిచిపోయాయి. ఇప్పట్లో 5,6 సంవత్సరాల సమయంలో ఒక సినిమాను తెరకెక్కించడం చాలా పెద్ద విషయంగా మారింది. కానీ అప్పట్లో ఒక సినిమా షూటింగ్ పూర్తి కావడానికి 14 ఏళ్లు పట్టింది అంటే నమ్ముతారా..

ఆశ్చర్యంగా ఉన్నప్పటికీ ఇది నిజం. ఆ సినిమా పేరు 'మొఘల్-ఏ-ఆజం'. కె. అసీఫ్ ఈ సినిమాకు దర్శకత్వం వహించగా యాక్టర్‌ దిలీప్ కుమార్ హీరోగా, మధుబాల హీరోయిన్ గా నటించారు. నేటి తరానికి ఇది ఒక కల్ట్ క్లాసికల్ అని చెప్పొచ్చు. ఈ సినిమా షూటింగ్ 1944లో ప్రారంభమై చివరికి 1960లో విడుదలై, భారతీయ సినిమా చరిత్రలో సువర్ణాక్షరాలతో లిఖించబడే స్థాయికి చేరుకుంది. ఆ కాలంలోనే సినిమా బడ్జెట్ రూ.1.5 కోట్లు కాగా, ఇది నేటి విలువల్లో దాదాపు రూ.300 కోట్లకు సమానం. అలాంటి బడ్జెట్‌తో, అంచనాలు మించి రూపొందిన సినిమా ఇది.

ఈ చిత్రానికి సంగీత దర్శకుడిగా పనిచేసిన నౌషాద్ సంగీత ప్రియుల మనసుల్లో ఓ ప్రత్యేక స్థానం ఏర్పరచుకున్నారు. ముఖ్యంగా 'ప్యార్ కియా తో డర్నా క్యా' పాట కోసం అప్పట్లోనే రూ.10 లక్షలు ఖర్చు చేశారు. ఇప్పటి లెక్కల్లో చెప్పాలంటే దాదాపు రూ.50-100 కోట్లకు సమానం. ఈ పాట షూటింగ్ కోసం ప్రత్యేకంగా రూపొందించిన షీష్ మహల్ సెట్స్ అందరినీ అబ్బురపరిచాయి. అద్దాల కాంతుల్లో మెరిసిపోయే ఆ సెట్, లతా మంగేష్కర్ స్వరం ప్రేక్షకులను కట్టిపడేశాయి. 'మోహే పంగత్ పే', 'తేరీ మెహఫిల్ మే' వంటి మిగతా పాటలు కూడా సంగీతం పరంగా ఈ సినిమాను తారాస్థాయికి తీసుకెళ్లాయి.

1960 ఆగస్టు 5న విడుదలైన ఈ చిత్రం ఊహించని స్థాయిలో ప్రేక్షకులను ఆకట్టుకుంది. టికెట్ల కోసం రెండు రోజులు ముందే క్యూలు, రాత్రంతా థియేటర్ల వద్ద బస చేసేందుకు సైతం వెనుకాడలేదంటే అతిశయోక్తి కాదు. కొన్ని థియేటర్ల వద్ద ఐదు కిలోమీటర్ల పొడవైన క్యూలు ఉన్నాయని కూడా చెబుతుంటారు. ఈ చిత్రం 150 థియేటర్లలో విడుదలై, రూ.11 కోట్ల గ్రాస్ కలెక్షన్ సాధించింది. దాదాపు 15 ఏళ్ల పాటు బాలీవుడ్‌లో హయ్యెస్ట్ గ్రాసర్‌గా నిలిచింది. అంతేకాదు, రష్యా, చైనా వంటి దేశాల్లోనూ విడుదలై మంచి విజయం సాధించింది.

English summary

'Mughal-e-Azam' was directed by K. Asif and starred actor Dilip Kumar as the hero and Madhubala as the heroine. The shooting of this film began in 1944 and was finally completed in 1960.