క్లిక్స్ కోసం ఇంత నీచమా?: సోదరుడి కోసం రంగంలోకి స్టార్ హీరోయిన్!
సామాజిక మాధ్యమాల్లో సెలబ్రిటీలపై జరిగే ట్రోలింగ్పై బాలీవుడ్ బ్యూటీ, టాలీవుడ్ సెన్సేషన్ జాన్వీ కపూర్ ఘాటుగా స్పందించారు. ముఖ్యంగా తన సోదరుడు అర్జున్ కపూర్ను లక్ష్యంగా చేసుకుని ఆన్లైన్లో జరుగుతున్న వేధింపులపై ఆమె తీవ్ర ఆగ్రహం వ్యక్తం చేశారు. తాజాగా ఇచ్చిన ఓ ఇంటర్వ్యూలో జాన్వీ కపూర్ మాట్లాడుతూ.. పబ్లిక్ ఫిగర్స్గా ఉన్నప్పుడు విమర్శలు రావడం సహజమేనని.. కానీ ఆ విమర్శలు వేధింపులుగా మారడం, టార్గెట్ చేసి ట్రోల్ చేయడం ఏమాత్రం ఆమోదయోగ్యం కాదని ఆమె స్పష్టం చేశారు. "విమర్శలు చేయడం అనేది పబ్లిక్ లైఫ్లో భాగమే, కానీ వ్యక్తిగత వేధింపులను ఏ రకంగానూ సమర్థించలేం" అని జాన్వీ కపూర్ తేల్చి చెప్పారు.
క్లిక్స్ కోసమే ఇలాంటి పనులు
ప్రస్తుత సోషల్ మీడియా సంస్కృతి గురించి జాన్వీ కపూర్ ఇంట్రెస్టింగ్ కామెంట్స్ చేశారు. ఆన్లైన్లో అటెన్షన్ పొందడం కోసం, క్లిక్స్, ఎంగేజ్మెంట్ పెంచుకోవడం కోసం కావాలనే "రేజ్ బైట్" వంటి పద్ధతులను వాడుతున్నారని జాన్వీ అభిప్రాయపడ్డారు. అంటే ఎవరినైనా కించపరిచేలా మాట్లాడి లేదా వారిని ట్రోల్ చేసి ఆ వీడియోలకు లేదా పోస్టులకు వ్యూస్ పెంచుకోవడం ఒక ట్రెండ్గా మారిందని జాన్వీ కపూర్ ఆవేదన వ్యక్తం చేశారు.
మనుషులనే విషయాన్ని మర్చిపోతున్నారు..
సోషల్ మీడియా చర్చల్లో వ్యక్తులను కేవలం ఒక "ట్రెండింగ్ టాపిక్"గా మాత్రమే చూస్తున్నారని.. ఆ పేర్ల వెనుక నిజమైన వ్యక్తులు ఉంటారని, వారికి కూడా భావోద్వేగాలు ఉంటాయనే విషయాన్ని చాలామంది మర్చిపోతున్నారని జాన్వీ అన్నారు. ఇలాంటి నెగిటివిటీని తాను వ్యక్తిగతంగా తీసుకోకపోయినప్పటికీ, వేధింపులను సాధారణీకరించడం ప్రమాదకరమని ఆమె హెచ్చరించారు.
చేతినిండా ప్రాజెక్టులతో బిజీబిజీ..
వరుస సినిమాలతో జాన్వీ కపూర్ కెరీర్ పరంగా దూసుకుపోతున్నారు. ఇటీవల ఆమె 'పరమ్ సుందరి', 'సన్నీ సంస్కారీ కి తులసి కుమారి' చిత్రాల్లో మెరిశారు. ఇక తెలుగు ప్రేక్షకులు ఎంతగానో ఎదురుచూస్తున్న యాక్షన్ డ్రామా 'పెద్ది' లో ఆమె మెగా పవర్ స్టార్ రామ్ చరణ్ సరసన నటిస్తున్నారు. ఈ సినిమా ఏప్రిల్ 30, 2026న విడుదల కానుంది. ఇవే కాకుండా టైగర్ ష్రాఫ్ సరసన 'లగ్ జా గలే', వరుణ్ ధావన్తో 'మిస్టర్ లేలే', థ్రిల్లర్ మూవీ 'హెలెన్' రీమేక్లో కూడా జాన్వీ నటిస్తున్నారు. 2026 ఏడాదిలో ఆమె నటిస్తున్న పలు చిత్రాలు విడుదలకు సిద్ధంగా ఉన్నాయి.
-
ఓటీటీలో జనాలు ఎగబడి చూస్తున్న సినిమా ఇదే.. మీరు చూశారా? -
ఆమె నటించిన సినిమాలన్నీ ఫ్లాప్.. కానీ బిలియనీర్గా రాజభోగాలు -
తెలుగు ఇండస్ట్రీ హిట్ హిందీ రీమేక్లో శ్రీలీల.. ట్రోలింగ్ చూస్తే ఏడుపే !! -
"'ధురంధర్' సినిమానే కాదు.. ప్రభుత్వానికి రాసిన ప్రేమలేఖ" -
ప్రశాంత్ వర్మ మ్యాజిక్.. అక్షయ్ ఖన్నా రోల్ మామూలుగా లేదుగా! -
పెద్ది సినిమాలో పిచ్చెక్కించే ట్విస్ట్ ఇదే.. ఒక్కరు కాదు ఇద్దరు ?? -
పుకార్ల దేశం.. అందుకే పెట్రోల్ బంకుల వద్ద ఆ క్యూలు! -
సమంత పీఆర్ గుట్టు రట్టు.. ఆ ఒక్క మాటతో అడ్డంగా దొరికిపోయారు! వీడియో -
అక్కినేని అఖిల్ సంచలన నిర్ణయం.. వైరల్ అవుతున్న ఎమోషనల్ పోస్ట్..! -
ఈ ఫోటోలో ఉన్న గుడ్లగూబను కనిపెట్టగలరా..? -
దద్దరిల్లిన "BB జోడీ".. గ్రాండ్ ఫినాలేలో పర్ఫామెన్స్ పూనకాలే.. విన్నర్స్ వాళ్లే ?? -
ఈ ఫోటోలో ఎన్ని జంతువులు ఉన్నాయో చెప్పగలరా..?
Click it and Unblock the Notifications
Sign in with Google