ఘనంగా మ్యాడ్ హీరో 'నార్నే నితిన్' వివాహం.. సందడి చేసిన ఎన్టీఆర్ !!
టాలీవుడ్ యంగ్ హీరో, జూనియర్ ఎన్టీఆర్ బావమరిది "నార్నే నితిన్" ఓ ఇంటి వాడయ్యారు. హైదరాబాద్ శివార్లలోని శంకర్పల్లి రిసార్టులో నితిన్ - శివాని వివాహం శుక్రవారం (అక్టోబర్ 10) రాత్రి అంగరంగ వైభవంగా జరిగింది. ఈ పెళ్లి వేడుకకు సినీ, రాజకీయ ప్రముఖుల హాజరై జంటను ఆశీర్వదించారు.
కాగా జూనియర్ ఎన్టీఆర్, భార్య లక్ష్మీ ప్రణతి, కుమారులు అభయ్ రామ్, భార్గవ్ రామ్తో కలిసి ఈ వేడుకలో పాల్గొన్నారు. బావమరిది పెళ్లి కావడంతో తారక్ స్వయంగా అతిథులను ఆహ్వానించడమే కాకుండా.. వివాహ ఏర్పాట్లలో చురుగ్గా పాల్గొన్నాడు. ఈ క్రమంలోనే తారక్ స్టైలిష్ లుక్ తో అదరగొట్టారు. స్లిమ్ పర్సనాలిటీ, గుబురు గడ్డంతో ఉన్న లుక్స్ సోషల్ మీడియాలో వైరల్ అవుతున్నాయి.
నితిన్ - శివాని ఎవరంటే..
నార్నే నితిన్ ప్రముఖ పారిశ్రామికవేత్త నార్నే శ్రీనివాసరావు, మాలతీ దంపతుల కుమారుడు కాగా.. వధువు శివాని తాళ్లూరి వెంకట కృష్ణ ప్రసాద్, స్వరూప దంపతుల కుమార్తె. శివాని దగ్గుబాటి వెంకటేష్ కుటుంబానికి సన్నిహిత బంధువని సమాచారం. ఈ వేడుకలో వధువు శివాని ఎరుపు-బంగారు రంగుల పట్టు చీరలో మెరవగా.. వరుడు నితిన్ లైట్ పింక్ షేర్వాణీలో కనిపించాడు. ప్రస్తుతం ఈ ఫోటోలు, వీడియోలు సోషల్ మీడియాలో ఫుల్ వైరల్ అవుతున్నాయి.
చిత్ర పరిశ్రమలో నార్నే నితిన్ ఇప్పటికే తనకంటూ ఒక గుర్తింపు తెచ్చుకున్నారు. శ్రీ శ్రీ శ్రీ రాజా వారు సినిమాతో ఇండస్ట్రీకి ఎంట్రీ ఇచ్చినా కానీ.. ఆ సినిమా కంటే ముందు విడుదలైన "మ్యాడ్" చిత్రం మంచి విజయాన్ని అందించింది. ఆ చిత్రంతోనే నితిన్కు మంచి ఫాలోయింగ్ ఏర్పడింది. ఆ తర్వాత ఆయన మ్యాడ్ స్క్వేర్, ఆయ్ సినిమాల్లో నటించి మెప్పించారు. ప్రస్తుతం పలు సినిమాల్లో నటిస్తూ బిజీగా ఉన్నారు.
Annayya - Vadina ♥️🤩
— AndhraNTRFC (@AndhraNTRFC) October 11, 2025
A beautiful pair #JrNTR - #Pranathi @tarak9999 #ManOfMassesNTR pic.twitter.com/0BZEgBB4rS
#GodOfMasses #NTR pic.twitter.com/OJY5clIWgU
— UANowMemes (@UANowMemes) October 11, 2025
మరోవైపు ఎన్టీఆర్ ఈ ఏడాదిలో "దేవర" సినిమాతో ప్రేక్షకుల ముందుకు వచ్చి భారీ హిట్ అందుకున్నారు. ఆ తర్వాత బాలీవుడ్ స్టార్ హృతిక్ రోషన్తో కలిసి చేసిన 'వార్ 2'లో కీలక పాత్రలో మెప్పించారు. అయితే ఆ చిత్రం ఆశించిన స్థాయి విజయాన్ని అందుకోలేకపోయింది. ప్రస్తుతం ఆయన కెరీర్లో అత్యంత ప్రతిష్టాత్మకంగా తెరకెక్కుతున్న సినిమా ప్రశాంత్ నీల్ దర్శకత్వంలో రూపొందుతోంది. ఈ సినిమా టైటిల్ ఇంకా అధికారికంగా ప్రకటించకపోయినా, "డ్రాగన్" అనే టైటిల్ ఫిక్స్ అయ్యిందంటూ మలయాళ స్టార్ హీరో పృథ్వీరాజ్ సుకుమారన్ ఒక ఇంటర్వ్యూలో రివీల్ చేసిన విషయం తెలిసిందే.
Click it and Unblock the Notifications
Sign in with Google