అడ్రస్ పెట్టు.. అభిమానికి క్రేజీ రిప్లై ఇచ్చిన జూ.ఎన్టీఆర్ !!
గ్లోబల్ స్టార్ జూనియర్ ఎన్టీఆర్ మరోసారి తన అభిమానుల మనసు దోచుకున్నారు. సోషల్ మీడియాలో పెద్దగా యాక్టివ్గా కనిపించకపోయినా.. అప్పుడప్పుడు అభిమానుల ట్వీట్లకు స్పందిస్తూ వారిని సర్ప్రైజ్ చేస్తుంటారు. తాజాగా ఓ అభిమాని చేసిన సరదా విజ్ఞప్తికి తారక్ ఇచ్చిన రిప్లై ఇప్పుడు నెట్టింట వైరల్గా మారింది. సాయితేజ్ అనే అభిమాని 'ఎక్స్' (ట్విట్టర్) వేదికగా ఎన్టీఆర్ను ట్యాగ్ చేస్తూ.. "అన్నా.. మాకు ఇద్దరు చిన్న పిల్లలు ఉన్నారు.. వాళ్ల కోసం రెండు కుకీలు పంపించు" అంటూ సరదాగా ట్వీట్ చేశాడు.
సాధారణంగా ఇలాంటి పోస్టులను చాలా మంది సెలబ్రిటీలు పట్టించుకోరు. కానీ తన అభిమానులతో ప్రత్యేక అనుబంధం కలిగిన ఎన్టీఆర్ మాత్రం వెంటనే స్పందించారు. అభిమాని ట్వీట్కు రిప్లై ఇస్తూ, ప్రముఖ మీమ్ టెంప్లేట్లోని "అడ్రస్ పెట్టు ముందు అడ్రస్ పెట్టు" అనే ఫన్నీ డైలాగ్ను షేర్ చేశారు. తారక్ ఇచ్చిన ఈ చమత్కారమైన సమాధానం నెటిజన్లను విపరీతంగా ఆకట్టుకుంది. కొద్ది నిమిషాల్లోనే ఈ ట్వీట్ వేల సంఖ్యలో లైకులు, రీట్వీట్లు సంపాదించగా, "అన్న టైమింగ్ మామూలుగా లేదు", "ఫ్యాన్స్తో ఇలా కనెక్ట్ అయ్యేది తారక్ మాత్రమే" అంటూ అభిమానులు కామెంట్లు చేస్తున్నారు.
'డ్రాగన్'తో మరోసారి సంచలనం..
ఇదిలా ఉంటే ప్రస్తుతం ఎన్టీఆర్ తన కెరీర్లో అత్యంత ప్రతిష్టాత్మకంగా తెరకెక్కుతున్న 'డ్రాగన్' చిత్రంతో బిజీగా ఉన్నారు. దర్శకుడు ప్రశాంత్ నీల్ దర్శకత్వంలో రూపొందుతున్న ఈ సినిమా ఇప్పటికే దేశవ్యాప్తంగా భారీ అంచనాలు సృష్టిస్తోంది. ఎన్టీఆర్ పుట్టినరోజు సందర్భంగా మేకర్స్ ఈ సినిమాకు సంబంధించిన టైటిల్తో పాటు 4 నిమిషాల 28 సెకన్ల నిడివి గల ప్రత్యేక గ్లింప్స్ను విడుదల చేశారు. 'డ్రాగన్' అనే పవర్ఫుల్ టైటిల్ను అధికారికంగా ప్రకటిస్తూ విడుదల చేసిన ఈ వీడియో అభిమానులకు భారీ ట్రీట్గా మారింది.
గ్లింప్స్ను బట్టి చూస్తే 'డ్రాగన్' కథ 1950-60ల కాలం నాటి అంతర్జాతీయ డ్రగ్ ట్రేడ్ నేపథ్యంలో సాగనున్నట్లు తెలుస్తోంది. ఆఫ్ఘనిస్తాన్లోని నల్లమందు తోటలు, గోల్డెన్ ట్రయాంగిల్ ప్రాంతాలు, స్మగ్లింగ్ నెట్వర్క్లు, డ్రగ్ కార్టెల్స్ చుట్టూ కథ తిరుగుతున్నట్లు విజువల్స్ సూచిస్తున్నాయి. ప్రశాంత్ నీల్ తనదైన డార్క్ ట్రీట్మెంట్తో భారీ యాక్షన్ ప్రపంచాన్ని సృష్టించినట్లు గ్లింప్స్లో స్పష్టంగా కనిపించింది. కేజీఎఫ్, సలార్ తరహాలో భారీ విజువల్స్, గ్రాండ్ సెట్స్, పవర్ఫుల్ క్యారెక్టరైజేషన్స్తో సినిమా రూపొందుతున్నట్లు తెలుస్తోంది.
ఈ చిత్రంలో ఎన్టీఆర్ 'లూగర్' అనే అత్యంత ప్రమాదకరమైన హంతకుడి పాత్రలో కనిపించనున్నట్లు గ్లింప్స్ ద్వారా వెల్లడైంది. ఆఫ్ఘన్ ట్రేడింగ్ కంపెనీకి ప్రధాన హంతకుడిగా, తన లక్ష్యాన్ని చేరుకునేందుకు ఏదైనా చేసే వ్యక్తిగా ఆయన పాత్రను తీర్చిదిద్దినట్లు తెలుస్తోంది. లీన్ ఫిజిక్, రఫ్ లుక్, గుబురు గడ్డం, తీవ్ర భావోద్వేగాలతో కూడిన బాడీ లాంగ్వేజ్తో ఎన్టీఆర్ పూర్తిగా కొత్త అవతారంలో కనిపించారు. ముఖ్యంగా ఆయన చెప్పిన డైలాగ్ అభిమానులను ఉర్రూతలూగించింది.
— Jr NTR (@tarak9999) June 5, 2026
"దేవుడు నాకో గొప్ప వరం ఇచ్చాడు... ట్రిగ్గర్ నొక్కగానే మార్చిపోవడం. నిద్రపోయినప్పుడు నేను చంపినవాళ్ల ముఖాలు నా కలలోకి రావు. మిగిలున్న శత్రువుల ముఖాలే కనబడతాయి. పొరపాటున కూడా నువ్వు నా కలలోకి రావొద్దు..." అనే డైలాగ్కు థియేటర్ల స్థాయిలో స్పందన లభించింది. కన్నడ నటి రుక్మిణి వసంత్ ఈ చిత్రంలో హీరోయిన్గా నటిస్తోంది. గ్లింప్స్లో ఆమె పాత్ర ద్వారా ఎన్టీఆర్ పాత్ర ప్రయాణాన్ని పరిచయం చేశారు. ఆమె పాత్ర కథలో భావోద్వేగాలకు కీలకంగా ఉండబోతున్నట్లు తెలుస్తోంది.
ఈ సినిమాలో బాలీవుడ్ స్టార్ అనిల్ కపూర్ 'రఘువీర్ రాథోడ్' అనే నార్కోటిక్స్ బ్యూరో చీఫ్ పాత్రలో కనిపించనున్నారు. డ్రగ్ మాఫియాను అడ్డుకునేందుకు రంగంలోకి దిగే అధికారిగా ఆయన పాత్రను డిజైన్ చేశారు. అలాగే మలయాళ నటుడు బిజు మీనన్, అశుతోష్ రాణా, అన్షుమన్ పుష్కర్, గురు సోమసుందరం కీలక పాత్రలు పోషిస్తున్నారు. ఈ చిత్రంలో ఖుష్బూ సుందర్, రాజీవ్ కనకాల, సిద్ధాంత్ గుప్తా, ప్రభాస్ శ్రీను, శత్రు, శివ, భీమల్ జీత్ ఒబెరాయ్, న్టుతుజెలో ప్రిన్స్ గ్రూట్బూమ్ తదితరులు కూడా నటిస్తున్నారు. మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా అత్యంత భారీ బడ్జెట్తో ఈ సినిమాను నిర్మిస్తున్నాయి. నందమూరి కళ్యాణ్ రామ్, నవీన్ యెర్నేని, వై.రవిశంకర్, కొసరాజు హరికృష్ణ నిర్మాతలుగా వ్యవహరిస్తున్నారు. టీ-సిరీస్ అధినేతలు గుల్షన్ కుమార్, భూషణ్ కుమార్ సమర్పకులుగా ఉన్నారు.
Click it and Unblock the Notifications
Sign in with Google