Karthika deepam 2 December 13th:జ్యోత్స్న అరెస్ట్ - సుమిత్ర సీక్రెట్ బయటపడిందా..?
'కార్తీకదీపం 2' సీరియల్లో గత ఎపిసోడ్లో కావేరి ఆహ్వానంపై కాంచన మొండిగా నిరాకరించడం, అత్తాకోడళ్లు (దీప-కాంచన) గొడవపడుతుండగా కార్తీక్ సతమతమవడం వంటి ఉద్వేగభరిత సన్నివేశాలు చోటుచేసుకున్నాయి. నేటి 540వ ఎపిసోడ్ మరింత హైడ్రామాతో సాగింది.
జ్యోత్స్న పీడకల: పారు వణికిపోవడం
జ్యోత్స్నను పోలీసులు అరెస్ట్ చేసి తీసుకెళ్తున్నట్లు భయంకరమైన కల వచ్చి పారిజాతం (పారు) ఉలిక్కిపడి లేచింది. గతంలో జ్యోత్స్న చేసిన స్కామ్లు బయటపడి అరెస్ట్ చేస్తారేమోనని భయపడుతున్నానని పారు చెబుతుంది. దీనికి జ్యోత్స్న.. "తప్పులు చేయడమే నా జీవిత లక్ష్యం అన్నట్లు మాట్లాడుతున్నావు" అంటూ మండిపడుతుంది. ఒకవేళ తనను పోలీసులు అరెస్ట్ చేస్తే పారును కూడా తీసుకెళ్తానని జ్యోత్స్న హెచ్చరించడంతో, పారిజాతం ఆస్తి రాయించుకుని త్వరగా అత్తారింటికి వెళ్లిపోవాలని మనసులో అనుకుంటుంది. అంతేకాక, కాశీ చేసిన ఘోరాలు అల్లుడికి తెలియకుండా జాగ్రత్తపడాలని భయపడుతుంది.
సుమిత్ర సీక్రెట్: జ్యోత్స్న నా కూతురు కాదా?
అందరికంటే త్వరగా లేచే సుమిత్ర లేవకపోవడంతో దశరథ కంగారుగా శివన్నారాయణ దగ్గరికి వెళ్తాడు. విషయం తెలుసుకున్న జ్యోత్స్న.. సుమిత్ర చనిపోయిందని చెప్పి నాటకం ఆడుతుంది. పారిజాతం గట్టిగా కుదిపితే సుమిత్ర లేస్తుంది. తాను నిద్రమాత్రలు వేసుకున్నానని, అందుకే మత్తుగా నిద్రపోయానని సుమిత్ర చెబుతుంది.
'జ్యోత్స్న పెళ్లి' గురించే సుమిత్ర నిద్ర పట్టకుండా బాధపడుతోందని శివన్నారాయణ చెబుతాడు. అప్పుడు పారిజాతం కలుగజేసుకుని, "సుమిత్ర బెంగ పెట్టుకోవాల్సిన అవసరమే లేదు... జ్యోత్స్న సుమిత్ర కూతురు కాదు కాబట్టి" అని అంటుంది. ఈ మాటలతో దశరథతో సహా అందరూ షాకవుతారు. అయితే పారిజాతం వెంటనే కవర్ చేస్తూ, 'పెళ్లి తర్వాత తల్లికి బిడ్డకు బంధం ఉండదా?' అని ప్రశ్నిస్తుంది. సుమిత్ర బెంగను అర్థం చేసుకున్న దశరథ, ఆమె చేయి పట్టుకుని "నిన్ను వదిలి ఎక్కడికి పోనిస్తాను" అంటూ ఓదార్చుతాడు.
కావేరి ఇంటికి కార్తీక్-దీప:కాశీపై అనుమానం
కావేరి, శ్రీధర్ ఆత్రంగా కార్తీక్, దీప కోసం ఎదురుచూస్తారు. శ్రీధర్ ఊహించినట్టుగానే కార్తీక్, దీప వచ్చారు కానీ కాంచన మాత్రం రాలేదు. "అంతగా రావాలనిపిస్తే నువ్వే వచ్చి పిలవొచ్చు కదా" అని కార్తీక్ శ్రీధర్ను అంటాడు.
ఈ సమయంలో కాశీ కనిపించకపోవడంతో కార్తీక్ అడుగుతాడు. దీనికి స్వప్న, శ్రీధర్లు వేరు వేరు ఆన్సర్లు చెప్పడంతో కార్తీక్, దీపలకు అనుమానం వస్తుంది. ఇక, దీపకు ప్రేమగా టిఫిన్ వడ్డిస్తుంది కావేరి. "నువ్వు కూడా బిడ్డల్ని కంటే వాళ్లతో ఆడుకోవాలని మీ అన్నయ్య కూడా ఆశపడుతున్నాడు" అని దీప స్వప్నతో అనడంతో, ఆమె ముఖం బాధగా మారుతుంది. "నువ్వు కొడుకునే కను, నేను కూతురిని కని మీ ఇంటికే కోడలిగా పంపిస్తానని" స్వప్న చెబుతుంది.
శ్రీధర్ ప్లాన్: టిఫిన్ పంపిన అన్నయ్య
టిఫిన్ చేస్తున్న సమయంలో కాంచన, కార్తీక్కు ఫోన్ చేసి త్వరగా బయల్దేరమని చెబుతుంది. శ్రీధర్ వెంటనే ఫోన్ లాక్కుని కాంచనతో మాట్లాడతాడు. "నేనొచ్చి పిలిస్తే వచ్చే దానివా?" అని శ్రీధర్ అడగ్గా, "కోపంలో అయినా నా ఇల్లు అన్నారు కానీ... మన ఇల్లు అనలేదు" అని కాంచన భావోద్వేగంగా అంటుంది. అందరూ ఇక్కడ ఆనందంగా ఉన్నప్పుడు నువ్వు ఒక్కదానివే అక్కడ ఏం చేస్తున్నావని శ్రీధర్ అడుగుతాడు. ఆ వెంటనే ఓ కుర్రాడితో కాంచన కోసం టిఫిన్ బాక్స్ పంపించి తన ప్రేమను తెలియజేస్తాడు.చివరికి, కార్తీక్ ఫైనల్గా అడిగినా కాంచన రానని చెప్పడంతో కార్తీక్, దీపలు నిరాశ చెందుతారు. ఆ తర్వాత ఏమౌతుందనేది తదుపరి ఎపిసోడ్లో చూడాల్సిందే.
Click it and Unblock the Notifications
Sign in with Google