Karthika deepam 2 December 5th:దీప మొండి నిర్ణయం..బిడ్డ గురించి షాకింగ్ కామెంట్..!!

కార్తీకదీపం 2 సీరియల్‌లో గత ఎపిసోడ్ (532వ ఎపిసోడ్) లో జ్యోత్స్న పెళ్లికి గ్రీన్ సిగ్నల్ ఇవ్వడం, కాంచన తన కాళ్లు నయం అయితేనే శ్రీధర్‌ను క్షమిస్తానని కన్నీటితో చెప్పడం వంటి భావోద్వేగ సన్నివేశాలు చూశాం. ముఖ్యంగా, దీపను ఆశీర్వదించడానికి వచ్చిన దశరథ, సుమిత్రలు.. ఇకపై ఆమె తమ ఇంటికి రావాల్సిన అవసరం లేదని చెప్పడం అందరినీ ఆశ్చర్యపరిచింది.
మరి డిసెంబర్ 5వ తేదీ (533వ ఎపిసోడ్) లో జరిగిన ఉద్రిక్త ఘట్టాలు, కీలక నిర్ణయాలు చూద్దాం.

దీప మెటర్నిటీ లీవ్‌పై వాదన
కాన్పు అయ్యే వరకు దీప కార్తీక్ ఇంట్లోనే ఉంటేనే మంచిదని శివన్నారాయణ, సుమిత్ర, కాంచన ముగ్గురూ పట్టుబట్టారు. దీపకు రెస్ట్ అవసరం అని, మందుల ఖర్చులు, అవసరమైతే పని మనిషిని కూడా తానే చూసుకుంటానని శివన్నారాయణ చెప్పారు. జ్యోత్స్న అగ్రిమెంట్ గురించి కార్తీక్ అడగ్గా, కార్పొరేట్ ఆఫీసుల్లో ఇచ్చే మెటర్నిటీ లీవ్ లాగే, బిడ్డ పుట్టి సంవత్సర కాలం అయ్యే వరకు దీప తమ ఇంటికి రానవసరం లేదని దశరథ తేల్చిచెప్పారు.

అయితే, తాను సెలవు తీసుకోనని దీప మొండిగా చెప్పడంతో శివన్నారాయణ కోపం తెచ్చుకుంటారు. కార్తీక్ కూడా దీప ఇష్టమే తన ఇష్టమని చెప్పడంతో, "మీరేమో లీవ్ తీసుకోమంటుంటే, ఇదే అదనుగా తీసుకుని బావను కూడా మనింటికి రావద్దని చెప్పేలా చేస్తోంది" అంటూ జ్యోత్స్న వారిపై మండిపడింది.

కార్తీక్‌తో పాటు ఇంటికి వస్తానన్న దీప
ఎంత చెప్పినా దీప వినకపోవడంతో, శివన్నారాయణ నేరుగా కార్తీక్‌తోనే మాట్లాడారు. "కార్తీక్, రేపటి నుంచి నువ్వు మా ఇంటికి రావొద్దు" అని పెద్దాయన చెప్పడంతో అందరూ షాకయ్యారు. అయితే, జ్యోత్స్న అగ్రిమెంట్ అడ్డుపెట్టి.. "నా పర్మిషన్ లేకుండా కార్తీక్ ఆగిపోవడానికి కుదరదు" అని తేల్చిచెప్పింది. దాంతో, "నేను మీ ఇంటికి వస్తాను" అని కార్తీక్ చెప్పగా, "మా బావతో పాటే నేను కూడా వస్తాను" అని దీప బదులిచ్చి మరో షాక్ ఇచ్చింది. చేసేదేం లేక, "దీప ఇష్టప్రకారమే చేయనివ్వండి, బాగా ఇబ్బంది అయితే అప్పుడు చూసుకుందాం" అని పారిజాతం చెప్పడంతో శివన్నారాయణ, దశరథ, సుమిత్రలు నిరాశగా వెనుతిరిగారు.

కాంచన పరాకాష్ట ఆగ్రహం
అందరూ వెళ్లిపోయాక, దీప, కార్తీక్‌లపై కాంచన తీవ్రస్థాయిలో ఆగ్రహం వ్యక్తం చేసింది. "దీప ఏం చెబితే దానికి తలాడిస్తావా? నీ మాట నీ పెళ్లాం వినదా?" అని కార్తీక్‌ను మందలించింది. దీపను అహంకారివి, స్వార్థపరురాలివి అని కాంచన తీవ్రంగా దూషించింది.

కోపం పట్టలేని కాంచన.. "నీకు ఒక బిడ్డ ఉంది కాబట్టి.. ఈ బిడ్డ ఉంటే ఎంత? పోతే ఎంత? అనుకుంటున్నావని" షాకింగ్ వ్యాఖ్య చేసింది. ఆ మాటలకు దీప, కార్తీక్‌లు షాక్ అయ్యి బాధపడ్డారు. "నా కడుపులో పెరుగుతున్న బిడ్డ నా ప్రాణం" అని కాంచన భావోద్వేగంతో చెప్పడంతో, తన మనవరాలిపై ఆమెకున్న ఆశలు ఎంతటివో తెలిసి కార్తీక్ కన్నీరు పెట్టుకున్నాడు.

రాబోయే ఎపిసోడ్‌లో జ్యోత్స్న పెళ్లికి ఒప్పుకోవడం వెనుక అసలు ప్లాన్ ఏంటి? స్వార్థపరురాలి అనే మాట దీపపై ఎలాంటి ప్రభావం చూపుతుంది?

English summary

Karthika deepam 2 Serial Today's Episode 533 December 5