బిగ్‌బాస్ షోలో లెస్బియన్ జంట?

Bigg Boss: దేశంలో అత్యంత ఆదరణ పొందిన రియాలిటీ షోలలో బిగ్‌బాస్ ముందుంటుంది. ప్రేక్షకులను ఉత్కంఠగా, వినోదభరితంగా ఉంచే ఈ షో, ఇప్పుడు, మలయాళంతో ఏడో సీజన్‌తో ముందుకొచ్చింది. సూపర్‌స్టార్ మోహన్‌లాల్ హోస్ట్ చేస్తున్న రియాలిటీ షో 'బిగ్ బాస్ మలయాళం' ఏడవ సీజన్‌తో తిరిగి వచ్చింది. ఈ సీజన్లో సినీనటులతో పాటు సాధారణ వ్యక్తులు కూడా తమ జీవిత కథలను పంచుకోనున్నారు. ఈ సీజన్ లోని కంటెస్టంట్లలో అనుమోల్, ఆర్జే బిన్సీ, రేణు సుధీ, గిజెల్ ఠక్రాల్ వంటి ప్రముఖ నటులు ఉన్నారు. అయితే ఈ సారి అందరి దృష్టిని ఆకర్షించింది మాత్రం అదీలా, ఫాతిమా అనే లెస్బియన్ జంట . ఈ సారి ఈ లెస్బియన్ జంట షోలోకి ప్రవేశించారు. ఇప్పుడు ఈ జంట గురించి కొన్ని వివరాలు తెలుసుకుందాం.

అదీలా, ఫాతిమా నూరా ఎవరు?
అదీలా నస్రీన్, ఫాతిమా నూరా కేరళకు చెందిన లెస్బియన్ జంట. వీరు తమ ప్రేమ కోసం ప్రపంచంతో పోరాడారు. ఇద్దరూ కలిసి జీవించడానికి కోర్టును ఆశ్రయించి విజయం సాధించారు. వీరి కథ దేశవ్యాప్తంగా చాలా మందిని ఆకట్టుకుంది. నిజమైన ప్రేమను ఎవరూ అడ్డుకోలేరని వీరు నిరూపించారు.

వారి ప్రేమ కథ ఇలా..
అదీలా నస్రీన్, ఫాతిమా నూరా సౌదీ అరేబియాలో 12వ తరగతి చదువుతున్నప్పుడు మొదటిసారి కలుసుకున్నారు. వారి స్నేహం ప్రేమగా మారింది. అయితే వారి కుటుంబాలకు ఇది నచ్చలేదు. దీంతో ఈ జంట ఇంటి నుంచి వెళ్లిపోయి కోజీకోడ్‌లో ఆశ్రయం తీసుకున్నారు. అప్పుడు అదీలా కుటుంబం ఆమెను తిరిగి ఇంటికి తీసుకువెళ్లగా, ఫాతిమా కుటుంబం అదీలాపై పోలీసులకు ఫిర్యాదు చేసింది. అలా విడిపోయిన తర్వాత కూడా అదీలా, ఫాతిమా తమ ప్రేమను వదులుకోలేదు. అదీలా కోర్టులో 'హెబియస్ కార్పస్' పిటిషన్ దాఖలు చేశారు. ఫాతిమాను ఆమె ఇష్టానికి వ్యతిరేకంగా తీసుకెళ్లి, 'కన్వర్షన్ థెరపీ' చేయిస్తున్నారని ఆరోపించారు. దీనిపై విచారణ జరిపిన కేరళ హైకోర్టు, ఇద్దరితోనూ ఒంటరిగా మాట్లాడి వారి కోరిక మేరకు వారికి కలిసి జీవించే హక్కును కల్పించింది. LGBTQ+ వర్గం కూడా వారికి మద్దతుగా నిలిచింది.

వివాదాలు, ట్రోలింగ్
కోర్టు అనుమతి లభించినప్పటికీ అదీలా, ఫాతిమాకు కష్టాలు తప్పలేదు. సోషల్ మీడియాలో వారికి వ్యతిరేకంగా ట్రోలింగ్ చాలా జరిగింది. దేశంలో ఇప్పటికీ చాలా మంది LGBTQ+ వర్గాన్ని అంగీకరించడానికి ఇష్టపడరు. అయితే ఈ జంట ఈ ట్రోలింగ్‌ను పట్టించుకోలేదు. వారు తమ యూట్యూబ్ ఛానెల్ ద్వారా చాలా యాక్టివ్‌గా ఉన్నారు. ఇప్పుడు బిగ్ బాస్ షోలో ప్రవేశించడం ద్వారా తమ కథను ప్రపంచానికి చూపించడానికి వారికి ఒక గొప్ప అవకాశం లభించింది.

ఈ షో ఏషియానెట్ టీవీ ఛానెల్‌లో ప్రసారమవుతుంది. డిస్నీ+ హాట్‌స్టార్‌లో కూడా అందుబాటులో ఉంటుంది. ఈ సీజన్‌లో అదీలా-ఫాతిమాతో పాటు మొత్తం 19 మంది కంటెస్టెంట్లు పాల్గొంటున్నారు.

English summary

Bigg Boss Malayalam Season 7 introduces Adila and Fatima, a lesbian couple from Kerala, who fought for their love and won. Their inspiring journey, from legal battles to social media trolling, now unfolds on the Bigg Boss stage.