"మెగా" ఫ్యామిలీలో బ్లాక్బస్టర్ పండగ.. తండ్రీకొడుకుల "మెగా" కంబ్యాక్ !!
మెగా ఫ్యామిలీలో, మెగా అభిమానుల్లో ప్రస్తుతం ఎక్కడ చూసినా ఒకటే సందడి, పండగ వాతావరణం కనిపిస్తోంది. గతంలో ఎదురైన కొన్ని అనుకోని పరాజయాల తర్వాత, మెగాస్టార్ చిరంజీవి, గ్లోబల్ స్టార్ రామ్ చరణ్ ఇద్దరూ బాక్సాఫీస్ వద్ద భారీ బ్లాక్బస్టర్లతో సంచలనం సృష్టించడంతో ఫుల్ ఖుషి అవుతున్నారు. ఈ ఏడాదిలోనే తండ్రీకొడుకులిద్దరూ ఒకరి వెనుక ఒకరు విజయకేతనం ఎగురవేయడంతో మెగా కుటుంబం అత్యంత సంతోషకరమైన క్షణాలను ఆస్వాదిస్తోంది.
మన శంకర వరప్రసాద్'తో మెగాస్టార్ గర్జన..
గతంలో కొన్ని సినిమాలు ఆశించిన స్థాయిలో ఆడకపోవడంతో మెగా అభిమానుల్లో కాస్త నిరాశ నెలకొంది. అయితే మెగాస్టార్ చిరంజీవి తన అసలు పేరు కలిసొచ్చేలా చేసిన సరికొత్త చిత్రం 'మన శంకర వరప్రసాద్' (Mana Shankara Vara Prasad) తో బాక్సాఫీస్ను షేక్ చేశారు. ఈ చిత్రంలో చిరంజీవి వింటేజ్ లుక్, అదిరిపోయే మాస్ ఎలిమెంట్స్, వినోదం ప్రేక్షకులను విపరీతంగా ఆకట్టుకున్నాయి. గత ఫ్లాపులను మర్చిపోయేలా చేస్తూ ఈ సినిమా భారీ వసూళ్లను సాధించి, మెగాస్టార్ ఈజ్ బ్యాక్ అని నిరూపించింది. ఈ సక్సెస్తో మెగాస్టార్కు ఎదురులేదని మరోసారి స్పష్టమైంది. అపజయమే ఎరుగని దర్శకుడు అనిల్ రావిపూడి దర్శకత్వంలో వచ్చిన ఈ చిత్రం ఆయన కెరీర్ లో మర్చిపోలేని మరో చిత్రంగా నిలిచింది.
'పెద్ది'తో రామ్ చరణ్ గ్లోబల్ సంచలనం..
తండ్రి సాధించిన విజయంతో మెగా ఫ్యామిలీ సగం ఆనందంలో ఉంటే, ఆ ఆనందాన్ని రెట్టింపు చేశాడు గ్లోబల్ స్టార్ రామ్ చరణ్. బుచ్చిబాబు దర్శకత్వంలో రామ్ చరణ్ నటించిన ప్రతిష్టాత్మక చిత్రం 'పెద్ది'. ఈ మూవీ నేడు ప్రపంచవ్యాప్తంగా ప్రేక్షకుల ముందుకు వచ్చింది. గ్రామీణ నేపథ్యం, క్రీడా స్పూర్తి, బలమైన భావోద్వేగాలతో తెరకెక్కిన ఈ చిత్రంలో రామ్ చరణ్ క్రాస్ఓవర్ అథ్లెట్ పాత్రలో కనిపించారు. క్రికెట్, కుస్తీ, రన్నింగ్ వంటి విభిన్న క్రీడల్లో రాణించే యువకుడిగా ఆయన నటనకు ప్రశంసలు లభిస్తున్నాయి. జాన్వీ కపూర్ కథానాయికగా నటించగా, శివరాజ్కుమార్, జగపతిబాబు, బొమన్ ఇరానీ, దివ్యేందు శర్మ తదితరులు కీలక పాత్రలు పోషించారు.
'రంగస్థలం' లాంటి ఇండస్ట్రీ హిట్ తర్వాత చరణ్.. మరోసారి గ్రామీణ యువకుడిగా నటించిన ఈ మూవీ అంచనాలను మించి రాణిస్తుంది. ఈ సినిమాలో చరణ్ నటన, ఆయన ఊరమాస్ మేకోవర్ ప్రేక్షకులకు పూనకాలు తెప్పించాయి. 'పెద్ది' సాధించిన ఈ బిగ్గెస్ట్ సక్సెస్ చరణ్ స్టార్డమ్ను మరో స్థాయికి తీసుకెళ్లింది. మొత్తానికి ఒకే ఏడాది తండ్రీకొడుకులు ఇద్దరూ బాక్సాఫీస్ వద్ద భారీ విజయాలు అందుకోవడంతో మెగా కుటుంబం మొత్తం ఈ సక్సెస్ను గ్రాండ్గా సెలబ్రేట్ చేసుకుంటోంది. సోషల్ మీడియా వేదికగా మెగా బ్రదర్ నాగబాబు, మెగా పవర్స్టార్ భార్య ఉపాసనతో పాటు మిగిలిన ఫ్యామిలీ మెంబర్స్ తమ ఆనందాన్ని పంచుకుంటున్నారు.
Click it and Unblock the Notifications
Sign in with Google