చిరంజీవికి ఎంతో ఇష్టమైన బాలయ్య సినిమా

మెగాస్టార్ చిరంజీవి, నందమూరి నటసింహం బాలకృష్ణ కొన్ని దశాబ్దాలుగా తెలుగు సినీ పరిశ్రమలో అగ్ర కథానాయకులుగా కొనసాగుతున్నారు. బయట వీరిద్దరూ ఎంతో స్నేహంగా ఉన్నప్పటికీ సినిమాల విషయానికొచ్చేసరికి బాలయ్య అభిమానులకు, చిరంజీవి అభిమానులకు హోరాహోరీ యుద్ధం నడుస్తుంటుంది. ఇటీవలే వీరసింహారెడ్డి, వాల్తేరు వీరయ్య సినిమాలతో సంక్రాంతికి బాక్సాఫీస్ దగ్గర తలపడి ఇద్దరూ విజేతలుగా నిలిచారు. వీరిద్దరి నుంచి సినిమా వస్తోందంటేచాలు హైవేల్టేజ్ విద్యుత్తు ప్రసారమైనట్లే లెక్క.

కొత్త చరిత్రను సృష్టించిన సినిమా
పరిశ్రమలో అందరి హీరోల్లానే చిరంజీవికి కూడా బాలకృష్ణ సినిమాలంటే కొన్ని బాగా ఇష్టం. అందులోను బి.గోపాల్ దర్శకత్వంలో బాలయ్య నటించగా సంచలన విజయాన్ని సాధించిన సమరసింహారెడ్డి సినిమా అంటే చిరుకు చాలా ఇష్టం. అనేక సందర్భాల్లో చిరంజీవి ఈ విషయాన్ని చెప్పారు. తాను దీన్ని చాలాసార్లు చూశానన్నారు. ఈ సినిమాతోనే తెలుగు సినిమాల్లో హీరోలో తొడ కొట్టడం ప్రారంభమైంది. పాత రికార్డులను బద్దలుకొట్టి అనేక కొత్త రికార్డులను ఈ సినిమా సృష్టించింది. దీనితర్వాతే తెలుగులో ఫ్యాక్షన్ కథాంశంతో పలు సినిమాలు తెరకెక్కాయి.

బోరు కొట్టినప్పుడల్లా చూస్తా
టైం బాగోలేనప్పుడు, మనసు కుదురుగా లేనప్పుడు, బోరు కొట్టినప్పుడు ఎక్కువగా సమరసింహారెడ్డి సినిమానే చూస్తుంటానని చిరంజీవి చెప్పారు. అభిమానులకు పూనకాలు తెప్పించడంతోపాటు బాలయ్య సినిమా కెరీర్ ను ఇది బాగా మలుపు తిప్పింది. తెలుగు పరిశ్రమలో ఉన్న ఎంతోమంది హీరోలకు ఇప్పటికీ సమరసింహారెడ్డి సినిమా అంటే ఎంతో ఇష్టమైన సినిమాగా నిలిచింది. ఆరోజుల్లేనే దాదాపుగా 17 కోట్లరూపాయల షేర్ వసూలు చేసింది. అత్యధిక రోజులు ప్రదర్శితమైన సినిమాగా రికార్డులకెక్కింది. చిరంజీవి ప్రస్తుతం విశ్వంభర చిత్రం చేస్తుండగా, బాలయ్య బాబీ దర్శకత్వంలో తన 109వ సినిమా చేస్తున్నారు. ఈ రెండు సినిమాలు కూడా వచ్చే ఏడాది సంక్రాంతికి పోటీపడబోతున్నాయి.

English summary

mega star Chiranjeevi's favorite film is Balayya samarasimhareddy