రష్యా-ఉక్రెయిన్ యుద్ధం నుంచి రియల్ స్టోరీ.. మోహన్లాల్ నెక్ట్స్ మూవీ టైటిల్ ఫిక్స్!
మలయాళ సూపర్ స్టార్ మోహన్లాల్ అభిమానులకు ఓ గుడ్ న్యూస్ అందింది. ఆయన కెరీర్లో 367వ చిత్రంగా తెరకెక్కుతున్న "ఎల్367" ప్రాజెక్టుకు సంబంధించిన అధికారిక టైటిల్, ఫస్ట్ లుక్ను శనివారం సోషల్ మీడియా వేదికగా విడుదల చేశారు. ఈ సినిమాకు 'ఆపరేషన్ గంగా" అనే టైటిల్ ఖరారు చేశారు. రష్యా-ఉక్రెయిన్ యుద్ధ సమయాన ఉక్రెయిన్ దేశంలో చిక్కుకున్న వేలాది మంది భారతీయ విద్యార్థులు, పౌరులను సురక్షితంగా మాతృభూమికి తరలించేందుకు భారత ప్రభుత్వం చేపట్టిన చారిత్రాత్మక రెస్క్యూ మిషన్ ఆధారంగా ఈ కథను రూపొందిస్తున్నారు.
భారీ తారాగణం
'ఆపరేషన్ గంగా" సినిమా మోహన్లాల్ కెరీర్లోనే అత్యంత భారీ బడ్జెట్తో ప్రతిష్ఠాత్మకంగా రూపొందుతున్న ఉత్కంఠభరిత సర్వైవల్ థ్రిల్లర్ డ్రామా. ఈ సినిమాలో మోహన్లాల్తో పాటు బాలీవుడ్ నటుడు అర్జున్ రాంపాల్, వర్ధమాన నటి భాగ్యశ్రీ బోర్సే, ప్రముఖ తమిళ నటుడు పార్థిబన్, ప్రఖ్యాత నటుడు ఆదిల్ హుస్సేన్ కీలక పాత్రల్లో నటిస్తున్నారు. ప్రస్తుతం ఈ సినిమాకు సంబంధించిన కీలక సన్నివేశాలను జార్జియాలోని సుందరమైన, కష్టతరమైన కొండ ప్రాంతాల్లో చిత్రీకరిస్తున్నారు.
జాతీయ అవార్డు గ్రహీత దర్శకత్వం
సూపర్ హిట్ సినిమా 'మెప్పడియన్'తో జాతీయ అవార్డును గెలుచుకున్న దర్శకుడు విష్ణు మోహన్ ఈ ప్రతిష్టాత్మక సినిమాకు దర్శకత్వం వహిస్తున్నారు. మలయాళంలో ప్రసిద్ధి చెందిన 'శ్రీ గోకులం మూవీస్' బ్యానర్పై గోకులం గోపాలన్ ఈ సినిమాను నిర్మిస్తుండగా.. బైజు గోపాలన్, వీసీ ప్రవీణ్ సహ నిర్మాతలుగా వ్యవహరిస్తున్నారు. భారతీయ పౌరుల సాహసాలు, యుద్ధ వాతావరణంలో వారు ఎదుర్కొన్న సవాళ్లను వెండితెరపై ఎంతో భావోద్వేగంగా ఆవిష్కరించేందుకు చిత్రబృందం సన్నాహాలు చేస్తోంది.
టాప్ టెక్నీషియన్లతో అంతర్జాతీయ స్థాయి మేకింగ్
ఈ సినిమాను విజువల్ వండర్గా తీర్చిదిద్దేందుకు మేకర్స్ దిగ్గజ సాంకేతిక నిపుణులను రంగంలోకి దించారు. 'కిల్', 'ధురందర్' వంటి బాలీవుడ్ సినిమాలకు పనిచేసిన అంతర్జాయ యాక్షన్ డైరెక్టర్ సి యంగ్ ఈ సినిమాలోని యాక్షన్ సన్నివేశాలకు కొరియోగ్రఫీ అందిస్తున్నారు. 'ధురందర్' ఫేమ్ శశ్వత్ సచ్దేవ్ సంగీతం సమకూరుస్తుండగా.. 'పుష్ప', 'పుష్ప 2' వంటి పాన్-ఇండియా సినిమాలకు అద్భుతమైన విజవల్స్ అందించిన మిరోస్లావ్ కుబా బ్రోజెక్ ఈ సినిమాకు సినిమాటోగ్రాఫర్గా పనిచేస్తున్నారు.
Operation Ganga@_VishnuMohan @GokulamGopalan #BaijuGopalan #VCPraveen #Krishnamoorthy @GokulamMovies@shashwatology @rampalarjun @rparthiepan@_AdilHussain @BhagyashriBose pic.twitter.com/8eSRsRct50
— Mohanlal (@Mohanlal) September 5, 2026
Click it and Unblock the Notifications
Sign in with Google