పవన్ వల్ల కానిది ఎన్టీఆర్ చేసి చూపించాడు..!

తెలుగు ఇండస్ట్రీలో ప్రస్తుతం టాప్ హీరో ఎవరంటే చెప్పడం కష్టమే. మెగాస్టార్ చిరంజీవి తరువాత ఆ స్థానాన్ని భర్తీ చేయగల హీరోలు ఇండస్ట్రీలో చాలామంది ఉన్నారు. పవన్ కల్యాణ్, మహేష్ బాబు, అల్లు అర్జున్ , ఎన్టీఆర్, ప్రభాస్ వంటి హీరోలు ఎప్పటికప్పుడు తమ స్టామినాను నిరూపించుకుంటూనే వస్తున్నారు. ఈ స్టార్ హీరోల సినిమాలు హిట్ అయితే కలెక్షన్లు ప్రభంజనం ఎలా ఉంటుందో చెప్పాల్సిన పనిలేదు.

అదేవిధంగా ఈ అగ్ర హీరోల సినిమాలు ఫ్లాప్ అయినా కూడా అదే రకంగా నష్టాలు కూడా వస్తుంటాయి. దీనికి చాలా సినిమాలే ఉదాహరణలు ఉన్నాయి. ప్రభాస్ నటించిన రాధే శ్యామ్, పవన్ కల్యాణ్ అజ్ఞాతవాసి, మహేష్ బాబు బ్రహ్మోత్సవం వంటి సినిమాలు నిర్మాతలకు ఎంతటి నష్టాలను మిగిల్చిందో అందరికి తెలిసిన విషయమే.

పవన్ కల్యాణ్ నటించిన అజ్ఞాతవాసి సినిమాకు వచ్చిన నష్టాల నుంచి కోలుకోవడానికి చాలా ఏళ్లు సమయం పట్టిందని చిత్ర నిర్మాత నాగ వంశీ తాజాగా ఓ ఇంటర్య్వూలో తెలిపారు. త్రివిక్రమ్ - పవన్ కల్యాణ్ కాంబినేషన్‌లో గతంలో సూపర్ హిట్లు రావడం.. వీరిద్దరి కలిసి మూడో సినిమా చేయడంతో 'అజ్ఞాతవాసి'పై భారీ అంచనాలు నెలకొన్నాయి.

కాని అంచానాలను అందుకోవడంలో 'అజ్ఞాతవాసి' ఘెరంగా ఫెయిల్ అయింది. పవన్ కల్యాణ్ కెరీర్‌లోనే ఈ సినిమా అతిపెద్ద డిజాస్టార్‌గా నిలిచింది. అయితే ఈ సినిమా వల్ల వచ్చిన నష్టాలను ఎన్టీఆర్ భర్తీ చేశాడని నిర్మాత నాగ వంశీ వెల్లడించారు. త్రివిక్రమ్ ,ఎన్టీఆర్ కాంబినేషన్‌లో వచ్చిన 'అరవింద సమేత' బాక్సాఫీస్ వద్ద మంచి విజయాన్ని నమోదు చేసింది. 'అరవింద సమేత' సినిమాతో వచ్చిన లాభాలతో 'అజ్ఞాతవాసి' నష్టాలను భర్తీ చేశామని నిర్మాత నాగ వంశీ చెప్పుకొచ్చారు.

English summary

Pawan Kalyan film Agnyaathavaasi was a huge disaster at the box office.Ntr save to pawan kalyan losses.