వెన్నులో వణుకు పుట్టించే టాప్-5 సీరియల్ కిల్లర్ థ్రిల్లర్స్ ఓటీటీలో!
OTT: సైకో థ్రిల్లర్ సినిమాలు, మర్డర్ మిస్టరీలకు ఉండే క్రేజ్ వేరు. తర్వాతి హత్య ఎప్పుడు జరుగుతుంది? కిల్లర్ ఎవరిని టార్గెట్ చేస్తున్నాడు? ఈ ప్రశ్నల చుట్టూ తిరిగే కథలు ప్రేక్షకులను చివరి క్షణం వరకు సీటు అంచున కూర్చోబెడతాయి. సౌత్ ఇండియన్ సినిమా పరిశ్రమలో వచ్చిన ఇలాంటి మాస్టర్‌పీస్ సీరియల్ కిల్లర్ చిత్రాలలో ఈ 5 సినిమాలు ప్రత్యేకమైనవి. మీరు చూడకపోతే వెంటనే చూసేయండి.
1. రాక్షసన్ - IMDb: 8.3/10 భాష: తమిళం (తెలుగులో 'రాక్షసుడు')
ప్రధాన తారాగణం: విష్ణు విశాల్, అమలాపాల్
కథా నేపథ్యం: సినిమా డైరెక్టర్ కావాలనే కలతో ఉన్న అరుణ్ (విష్ణు విశాల్).. కుటుంబ పరిస్థితుల కారణంగా పోలీస్ ఆఫీసర్‌గా మారుతాడు. స్కూల్ అమ్మాయిలను టార్గెట్ చేసి, అత్యంత క్రూరంగా వరుస హత్యలకు పాల్పడే ఒక సైకో కిల్లర్‌ను పట్టుకునే బాధ్యతను అతను చేపడతాడు.
ప్రత్యేకత: గ్రిప్పింగ్ స్క్రీన్‌ప్లే, భయం పుట్టించే బ్యాక్‌గ్రౌండ్ మ్యూజిక్ (జిబ్రాన్), కిల్లర్ మైండ్ సెట్‌ను రివార్డ్ చేసే విధానం ఈ సినిమాను మరో లెవెల్‌కి తీసుకెళ్తాయి. క్రైమ్ థ్రిల్లర్ లవర్స్ అస్సలు మిస్ కాకూడనటువంటి సినిమా ఇది.
2. పోర్ తొళిల్ - IMDb: 8.0/10 భాష: తమిళం
ప్రధాన తారాగణం: అశోక్ సెల్వన్, శరత్‌కుమార్
కథా నేపథ్యం: పోలీస్ డిపార్ట్‌మెంట్‌లోకి కొత్తగా వచ్చిన అనుభవం లేని కుర్రాడు.. ఓ సీనియర్, కఠినమైన ఆఫీసర్‌తో కలిసి ఒక మిస్టరీ సీరియల్ కిల్లింగ్ కేసును ఇన్వెస్టిగేట్ చేయాల్సి వస్తుంది.
ప్రత్యేకత: హత్యలు చేసే విధానం, దొరికే చిన్న చిన్న ఆధారాలు, ఊహించని ట్విస్టులతో సినిమా ప్రేక్షకులకు క్షణం తీరిక ఇవ్వదు. కుర్ర పోలీస్ ఆఫీసర్ మానసిక పరిణతి, సీనియర్‌తో అతని బాండింగ్ కథను మరింత ఆసక్తికరంగా మారుస్తాయి.
3. మెమరీస్- IMDb: 8.0/10 భాష: మలయాళం
ప్రధాన తారాగణం: పృథ్వీరాజ్ సుకుమారన్
కథా నేపథ్యం: వ్యక్తిగత జీవితంలో తీరని విషాదాన్ని ఎదుర్కొని, డిప్రెషన్‌లోకి వెళ్లిన మాజీ పోలీస్ ఆఫీసర్ సామ్ అలెక్స్.. ఒకే ప్యాటర్న్‌లో వరుసగా జరుగుతున్న హత్యల కేసును టేకప్ చేయాల్సి వస్తుంది.
ప్రత్యేకత: జీతూ జోసెఫ్ టేకింగ్ గురించి ప్రత్యేకంగా చెప్పనక్కర్లేదు. ఇన్వెస్టిగేషన్ ముందుకు సాగేకొద్దీ కథ ఎంత కాంప్లెక్స్‌గా మారుతుందో, క్లైమాక్స్ వరకు కిల్లర్ ఎవరనే సస్పెన్స్ అంత గట్టిగా మెయింటైన్ అవుతుంది.
4. అంజామ్ పతిరా - IMDb: 7.9/10 భాష: మలయాళం
ప్రధాన తారాగణం: కుంచాకో బోబన్
కథా నేపథ్యం: సాధారణ ప్రజలను కాకుండా నేరుగా పోలీసులనే టార్గెట్ చేస్తూ సాగే వరుస హత్యలు పోలీస్ డిపార్ట్‌మెంట్‌ను హడలెత్తిస్తాయి. ఈ మిస్టరీని చేధించడానికి ఒక క్రిమినల్ సైకాలజిస్ట్ రంగంలోకి దిగుతాడు.
ప్రత్యేకత: కిల్లర్ వేసే ప్లాన్స్, పోలీసుల ఎత్తుగడల మధ్య నడిచే మైండ్ గేమ్‌ ఈ సినిమాకు ప్రధాన బలం. సైకలాజికల్ టచ్‌తో సాగే ఈ కథ ప్రేక్షకుడికి సరికొత్త థ్రిల్‌ను పంచుతుంది.
5. వేట్టైయాడు విళైయాడు - IMDb: 7.9/10 భాష: తమిళం (తెలుగులో 'రాఘవన్')
ప్రధాన తారాగణం: కమల్ హాసన్, జ్యోతిక, ప్రకాష్ రాజ్
కథా నేపథ్యం: అసాధారణ రీతిలో సాగే సీరియల్ హత్యలను ఛేదించడానికి బయలుదేరిన ఒక నిజాయితీ గల పోలీస్ ఆఫీసర్ రాఘవన్ ప్రయాణమే ఈ సినిమా.
ప్రత్యేకత: గౌతమ్ మీనన్ - కమల్ హాసన్ కాంబినేషన్‌లో వచ్చిన ఈ క్లాసిక్ కాప్ థ్రిల్లర్, రియలిస్టిక్ పోలీస్ ప్రొసీజర్, పవర్‌ఫుల్ స్క్రీన్‌ప్లేకు అద్దం పడుతుంది. ఇన్నేళ్లయినా దీని క్రైజ్ ఏమాత్రం తగ్గలేదు. ఈ వారాంతంలో థ్రిల్లింగ్ అనుభూతిని పొందాలనుకుంటే, మీ టేస్ట్‌కి తగినట్లుగా వీటిలో ఏదో ఒక సినిమాను సెలెక్ట్ చేసుకొని చూసేయండి!
Click it and Unblock the Notifications
Sign in with Google
