'మురారి' రికార్డును బద్ధలు కొట్టిన 'గబ్బర్ సింగ్'?
తెలుగులోని హీరోలంతా ఏడాదికో లేదంటే మూడు సంవత్సరాలకో సినిమా చేస్తున్నారు. దీంతో అభిమానుల కోసం వారు గతంలో చేసిన సినిమాలనే రీరిలీజ్ చేస్తూ వారిని సంతోషపెడుతున్నారు. ఈ ఏడాది మహేష్ బాబు నటించిన మురారి రీరిలీజై సంచలన కలెక్షన్లు రాబట్టింది. అలాగే మెగాస్టార్ చిరంజీవి నటించిన ఇంద్ర సినిమాకు కూడా కలెక్షన్లు భారీగానే వచ్చాయి. వచ్చేనెల రెండోతేదీన పవర్ స్టార్ పవన్ కల్యాణ్ పుట్టినరోజు ఉండటంతో ఆ సందర్భాన్ని పురస్కరించుకొని 2012లో ఆయన నటించిన గబ్బర్ సింగ్ సినిమాను రీరిలీజ్ చేస్తున్నారు.
పవన్ కెరీర్ లోనే బిగ్గెస్ట్ హిట్
పవన్ కల్యాణ్ కెరీర్ లో గబ్బర్ సింగ్ బిగ్గెస్ట్ హిట్ గా నిలిచింది. తాజాగా ఈ సినిమా మరోసారి ప్రేక్షకులను అలరించేందుకు సిద్ధమవుతోంది. పవన్ కల్యాణ్ ప్రస్తుతం ఏపీ ఉప ముఖ్యమంత్రిగా ఉండటంతో ఆయన రేంజ్ మరోస్థాయిలో ఉంది. గబ్బర్ సింగ్ సినిమాకు సంబంధించి బుక్ మై షోలో 27వేల టికెట్లు అమ్ముడుపోయాయి. అడ్వాన్స్ బుకింగ్స్ విషయంలో ఈ సినిమా గతంలో విడుదలైన మురారి, సింహాద్రి, ఇంద్ర చిత్రాల రికార్డులను బద్దలు కొట్టింది. మహేష్ బాబు మురారి సినిమా అడ్వాన్స్ బుకింగ్స్ కింద రూ.3.46 కోట్లు రాబట్టగా, గబ్బర్ సింగ్ రూ.4 కోట్లు రాబట్టింది.
విదేశాల్లో సత్తా చాటుతున్న గబ్బర్
వీటిల్లో ఒక్క కర్ణాటకలోనే రూ.29.6 లక్షలు వచ్చాయి. ఏపీ, తెలంగాణతోపాటు విదేశాల్లో కూడా గబ్బర్ సింగ్ సత్తా చాటుతోంది. నైజాంలో ఈ సినిమాను భారీస్థాయిలో విడుదల చేస్తున్నారు. సినిమా విడుదల రోజు, లాంగ్ రన్ లో మరెన్ని రికార్డులు సృష్టిస్తుందో అని అభిమానులు ఆశగా ఉన్నారు. ఇటీవల విడుదలైన సినిమాల్లో మురారి అత్యధిక కలెక్షన్లు సాధించింది. ఈ చిత్రం రికార్డును ఎలాగైనా బద్ధలు కొడతామంటున్నారు పవన్ కల్యాణ్ అభిమానులు. చూడాలి వీరి కోరిక ఎంతమేరకు నెరవేరుతుందో. హరీష్ శంకర్ దర్శకత్వంలో బండ్ల గణేష్ ఈ చిత్రాన్ని నిర్మించారు.
Click it and Unblock the Notifications
Sign in with Google