మెగా ఫ్యాన్స్కు పునకాలు తెచ్చిందే న్యూస్
మెగా అభిమానులకు పండుగ లాంటి వార్త.ఏపీ డిప్యూటీ సీఎం, పవర్ స్టార్ పవన్ కల్యాణ్ నటించిన 'హరి హర వీరమల్లు' సినిమా విడుదల తేదీని ఫిక్స్ చేశారు మేకర్స్. క్రిష్ జాగర్లమూడి , జ్యోతికృష్ణ స్వీయ దర్శకత్వంలో రూపొందుతున్న 'హరి హర వీరమల్లు' సినిమా విడుదలకు సిద్ధమైంది. ఈ చారిత్రాత్మక యాక్షన్ అడ్వెంచర్ చిత్రం జూన్ 12న ప్రపంచవ్యాప్తంగా విడుదల కానుంది.
పవన్ కళ్యాణ్ రాజకీయ కార్యకలాపాల వల్ల ఈ సినిమా షూటింగ్ ఆలస్యమైంది. దీనితో విడుదల తేదీ వాయిదా పడుతూ వచ్చింది. అయితే, ఎట్టకేలకు ఈ సినిమా విడుదల తేదీని ప్రకటించారు. ఈ సినిమాను రెండు భాగాలుగా రూపొందిస్తున్నారు. ఏఎం రత్నం సమర్పణలో, మెగా సూర్య ప్రొడక్షన్స్ బ్యానర్పై ఎ. దయాకర్ రావు ఈ చిత్రాన్ని నిర్మిస్తున్నారు.
ఆస్కార్ అవార్డు గ్రహీత ఎంఎం కీరవాణి ఈ చిత్రానికి సంగీతం అందిస్తున్నారు. ఇప్పటికే విడుదలైన 'మాట వినాలి', 'కొల్లగొట్టినాదిరో' పాటలు శ్రోతలను అలరించాయి. పవన్ కళ్యాణ్ సింగిల్ హీరోగా నటించి చాలా కాలమైంది, దీంతో ఈ సినిమాపై అంచనాలు భారీగా ఉన్నాయి.
17వ శతాబ్దం నేపథ్యంలో సాగే ఈ కథలో పవన్ కళ్యాణ్ చారిత్రాత్మక యోధుడిగా కనిపించనున్నారు. ఆయన సరసన నిధి అగర్వాల్ నటిస్తోంది. బాబీ డియోల్, నర్గీస్ ఫక్రీ, నోరా ఫతేహి వంటి ప్రముఖ నటులు కీలక పాత్రలు పోషిస్తున్నారు.
Click it and Unblock the Notifications
Sign in with Google