'ది రాజా సాబ్' ఓటీటీ డీల్ క్లోజ్.. స్ట్రీమింగ్ ఏ ప్లాట్ ఫామో తెలుసా..?

పాన్ ఇండియా స్టార్ ప్రభాస్ లీడ్ రోల్ లో.. మారుతి దర్శకత్వంలో వస్తున్న మూవీ ది రాజా సాబ్.. హారర్, కామెడీ, ఫ్యాంటసీ మిక్స్‌ తో ప్రేక్షకులకు సరికొత్త అనుభూతిని కలిగించేందుకు రెడీ అవుతోంది. జనవరి 9 సంక్రాంతి కానుకగా ప్రపంచవ్యాప్తంగా ఈ మూవీ రిలీజ్ కానుంది. ఈ మూవీలో మాళవిక మోహనన్, నిధి అగర్వాల్, సంజయ్ దత్, రిద్ధి కుమార్, బోమన్ ఇరానీలు కీలక పాత్రల్లో కనిపించనున్నారు. ఈ చిత్రానికి​ తమన్​ సంగీతం అందించారు. తెలుగుతోపాటు, హిందీ, తమిళం, కన్నడం, మలయాళం భాషల్లో విడుదల కానుంది.

ఇక ఇప్పటికే ఈ సినిమా నుంచి పోస్టర్ ​తో పాటు టీజర్ ​ను కూడా చిత్ర యూనిట్​ విడుదల చేసింది. చాలా రోజుల గ్యాప్​ తర్వాత డార్లింగ్​ ను మళ్లీ తెరపై ఈ విధంగా చూసే అవకాశం ఈ సినిమాతో దొరకనుందంటూ అభిమానులు​ ఫుల్ హ్యాపీగా ఫీల్ అవుతున్నారు. వింటేజ్ లుక్​ లో​ ప్రభాస్ స్టైలిష్ గా ఉన్నాడంటూ.. రెబల్​ స్టార్​ నెక్స్ట్​ లెవెల్​ అంటూ నెట్టింట కామెంట్స్​ చేస్తున్నారు.

అయితే తాజాగా అందుతున్న సమాచారం ప్రకారం.. రాజా సాబ్ సినిమా రిలీజ్‌ కు ఒక నెల ముందే ఓటీటీ ఒప్పందం పూర్తయినట్లు సమాచారం అందుతోంది. ఇండస్ట్రీ వర్గాల సమాచారం ప్రకారం.. ఈ సినిమా డిజిటల్ స్ట్రీమింగ్ హక్కులను జియో హాట్‌ స్టార్ కొనుగోలు చేసినట్లు తెలుస్తోంది. అయితే దీనిపై ఇంకా అధికారిక ప్రకటన రావాల్సి ఉంది.

ఇక ఈ మూవీని పీపుల్ మీడియా ఫ్యాక్టరీ బ్యానర్‌ పై టీజీ విశ్వ ప్రసాద్, కృతి ప్రసాద్ అత్యంత ప్రతిష్టాత్మకంగా నిర్మించారు. జనవరి 9 ప్రపంచవ్యాప్తంగా ఈ మూవీ రిలీజ్ కు సిద్ధమైంది. ఇప్పటికే రిలీజైన ట్రైలర్, రెబల్ సాంగ్ ఫ్యాన్స్ ను ఆకట్టుకుంటున్నాయి. ఇక మరోవైపు ప్రభాస్- సందీప్ రెడ్డి వంగా కాంబోలో వస్తున్న స్పిరిట్ మూవీ చిత్రీకరణ ఇటీవల ప్రారంభం అయింది. అలాగే ఫౌజీ చిత్రం కూడా శరవేగంగా చిత్రీకరణ జరుపుకుంటోంది. ఈ చిత్రం వచ్చే ఏడాది రిలీజ్ కానున్నట్లు తెలుస్తోంది.