రామ్ చరణ్ పేరు వెనుక పవర్.. బాబాయ్ ట్వీట్కు అబ్బాయ్ ఎమోషనల్!
మెగా పవర్ స్టార్ రామ్ చరణ్ నటించిన మోస్ట్ అవేటెడ్ మూవీ 'పెద్ది' ఎట్టకేలకు థియేటర్లలోకి వచ్చేసింది. రిలీజ్కు ముందే అంచనాలను క్రియేట్ చేసిన ఈ సినిమాకు ప్రేక్షకుల నుంచే కాకుండా చరణ్ కుటుంబ సభ్యుల నుంచి కూడా గట్టి మద్దతు లభించింది. ఈ క్రమంలోనే రామ్ చరణ్ బాబాయ్, ఏపీ డిప్యూటీ సీఎం పవన్ కల్యాణ్.. 'పెద్ది' చిత్రబృందానికి మరియు రామ్ చరణ్కు సోషల్ మీడియా ద్వారా ప్రత్యేకంగా శుభాకాంక్షలు తెలియజేశారు. పవన్ కళ్యాణ్ తన సందేశంలో 'రామ్ చరణ్' అనే పేరులోని విశిష్టతను వివరిస్తూ.. ఆ పేరుకు హనుమంతుడి భక్తి, శక్తి, భగవంతుడు రాముడి పాదాల చెంత శరణాగతి అనే విలువలకి ఉన్న సంబంధాన్ని గుర్తుచేసుకున్నారు. 'పెద్ది' చిత్రానికి వచ్చే అన్ని అడ్డంకులను ఆ భజరంగబలి తొలగించి, ప్రపంచవ్యాప్తంగా ఉన్న ప్రేక్షకుల ప్రేమను, అఖండ విజయాన్ని అందించాలని పవన్ కల్యాణ్ ఆకాంక్షించారు.
బాబాయ్ పవన్ కల్యాణ్ పంపిన ఈ హృదయపూర్వక సందేశంపై రామ్ చరణ్ వెంటనే స్పందిస్తూ తన కృతజ్ఞతలు చాటుకున్నారు. పవన్ కల్యాణ్కు కృతజ్ఞతలు చెబుతూ చరణ్ ట్వీట్ చేశారు. "మీ ప్రేమపూర్వక శుభాకాంక్షలకు చాలా ధన్యవాదాలు. మీ మాటలు నాకు, 'పెద్ది' చిత్రబృందానికి ఎంతో స్ఫూర్తినిచ్చాయి. మీ ప్రేమ, మద్దతు, ఆశీస్సులు ఎల్లప్పుడూ ఇలాగే ఉండాలని కోరుకుంటూ కృతజ్ఞతలు" అని రామ్ చరణ్ ఎమోషనల్ అయ్యారు. పవన్ కల్యాణ్ క్రియేటివ్ వర్క్స్ బ్యానర్పై వచ్చిన ఈ నోట్ ప్రస్తుతం మెగా అభిమానుల్లో ఫుల్ జోష్ నింపుతోంది.
దర్శకుడు బుచ్చిబాబు సనా తెరకెక్కించిన ఈ 'పెద్ది' సినిమాలో రామ్ చరణ్ మునుపెన్నడూ చూడని ఓ విభిన్నమైన స్పోర్ట్స్ బ్యాక్డ్రాప్ రోల్లో కనిపించారు. ఒకే పాత్రలో క్రికెట్, కుస్తీ (రెజ్లింగ్), రన్నింగ్ వంటి విభిన్న క్రీడల్లో నైపుణ్యం ఉన్న ఆటగాడిగా చరణ్ అద్భుతమైన నటనను కనబరిచారు. ఆంధ్రప్రదేశ్లోని విజయనగరం నేపథ్యంలో సాగే ఈ కథలో చరణ్ మేక్ఓవర్, బాడీ ట్రాన్స్ఫార్మేషన్ ప్రేక్షకులను ఎంతగానో ఆకట్టుకుంటున్నాయి.
Thank you for the warm wishes, @PawanKalyan Garu 🙏🙏❤️
— Ram Charan (@AlwaysRamCharan) June 3, 2026
Your words mean a lot to me and the entire team of #Peddi. Grateful for your love, support and blessings always. https://t.co/DHSVW65bN6
మరోవైపు సినిమా ప్రీమియర్ షోలు ముగిసిన వెంటనే సోషల్ మీడియాలో 'పెద్ది' టాక్ ఓ రేంజ్లో నడుస్తోంది. ఇదొక హానెస్ట్ కమర్షియల్ ఎంటర్టైనర్ అని, ముఖ్యంగా ఇంటర్వెల్ బ్లాక్, చరణ్ ట్రాన్స్ఫార్మేషన్ సినిమాకు ప్రాణం పోశాయని ప్రేక్షకులు చెబుతున్నారు. ఆస్కార్ విజేత ఏఆర్ రెహమాన్ అందించిన బ్యాక్గ్రౌండ్ స్కోర్ (BGM) సినిమాను నెక్ట్స్ లెవెల్కు తీసుకెళ్లిందని, చివరి 40 నిమిషాల ఎమోషనల్ డ్రామా థియేటర్లలో ఉన్న ప్రతి ఒక్కరి గుండెలను పిండేస్తుందని నెటిజన్లు రివ్యూలు ఇస్తున్నారు. కొన్ని కమర్షియల్ ఎలిమెంట్స్ రెగ్యులర్ ఫార్మాట్లో ఉన్నప్పటికీ, రామ్ చరణ్ వన్-మ్యాన్ షో కోసం ఈ సినిమాను కచ్చితంగా చూడవచ్చని అభిమానులు పండగ చేసుకుంటున్నారు.
Click it and Unblock the Notifications
Sign in with Google